بالفيديو والصور - هل ما حدث على مسرح عرب جوت تالنت هو استخدام للسحر الاسود ؟
من حوالى شهر بالضبط قاعد انا وواحد صاحبى زهقانين .. قولنا نتفرج على فيديوهات كوميدى على اليوتيوب وكده .. وجه قصادنا عرض فى برنامج مسابقات زى عرب جوت تالنت كده .. ولد وبنت .. بيغيروا ملابسهم فى ثوانى من غير ما يدخلوا ورا اى ستار او اى شىء .. بدأ الامر يشغلنى انا وصاحبى .. بدأنا نشوف وعرفنا ان الاتنين دول ليهم عروض فى كل انحاء العالم .. قعدنا نبحث على النت عن سر الخدعه مفيييش.. اى خدعه بيعملها اى ساحر لو دخلت على جوجل وكتبت سر خدعة كذا..هتلاقى مواقع بتشرحها .. الا دى ... واستمرينا على الحال دا يومين وفشلنا
وانا شخصيا صنفت الموضوع فى فئة السحر .. السحر بمعناه الحقيقى مش السحر بتاع السيرك !!
بعدها باسبوعين تقريبا .. لقيت صاحبى بيكلمنى وبيقولك هابعتلك فيديو شوفه.. بفتح الفيديو لقيت الفرقه دى موجوده على مسرح عرب جوت تالنت .. وعملوا حاجه اكتر من اللى بيعملوها كل مره . دول ربطوا البنت وقصاد الكل على المسرح اتاخد الجاكيت بتاع على جابر وبدون ما يكون فى حركه او ستاره او اى شىء !!
انا مش خبير .. ولكن هل حد عنده تفسير علمى منطقى؟؟
انا قريت ما يفوق ال 500 كومنت على فيديوهات الاتنين دول من الناس اللى بتبرر وبتحاول تكشف انها خدعه .. لكن ولا تعلق شدنى او اقنعنى
شوفوا وقولولى رأيكم جايز انا فايتنى حاجه وادينا بنستفيد من بعض !!!
فيديو على جابر
منشور by Eslam Elbahrawy.
