محمود الغندور اخر المصريين المنضمين لداعش - احذروا الخطر داخل منازلكم - هذه هى الاسباب
محمود الغندور .. شاب مصرى انضم لداعش
كنت بسمع مكالمه لفاطمه الغندور احد اقارب الشاب وقالت :
احنا مستغربين .. ازاى واحد زى دا ينضم لداعش
عمره ما ركع للصلاه ولا راح جامع .. كان شخصيته تافهه جدا .. وكان دايما بيحط صور مش محترمه على الفيس بوك لدرجة ان العائله قاطعت ابوه بسبب تصرفات الولد واخلاقه الفلتانه .. وكمان كان متدلع ومرفه وعنده عربيته ومعاه فلوس !
انا توقف قصاد المكالمه دى عند كام حاجه
1- قريبته بتقول كان معاه عربيته ومعاه فلوس .. و دا يأكد كلامى فى البوست اللى نزلته عن عم حسونه سواق الاتوبيس لو تفتكروا لما قلت اوعى تخلى حد يحط فى دماغك ان الفقر ممكن يؤدى لجريمه .. الفقير دا انزه وانضف خلق الله .. و ادى الدليل .. الباشا مرفه وعنده عربيته .. ولو تفتكروا اللى نزلوا فى نكسة الخراب 2011 .. كانوا بيطلعوا على التلفزيون يقولوا احنا مش فقراء .. احنا ميسورين الحال وبندور على الحريه
2- توقفت برضو لما قالت ان شخصيته كانت تافهه
دا برضو يؤكد الكلام اللى بنقوله عن ازاى الجماعات الارهابيه ومنها الاخوان اللى هى الاب الروحى لداعش وغيره من التنظيمات الارهابيه .. دايما بنقول ان هما بيختاروا الشخص التافه اللى عنده نقطة ضعف عشان يضموه .. يعنى لما الشاب يكون بينضرب فى المدرسه والدرس وفى البيت وتافه ومالوش شخصيه وتيجى تقوله تعالى هاخليك قائد لكام شاب .. اكيد بيفرح
و بالمناسبه دا اللى بيحصل مع بتوع الالتراس .. ان الطفل اللى المدرس بيوقفه يضربه بالخرزانه .. لقى رجولته لما يضرب عميد شرطه اد ابوه !!!!!!
** احنا فى مرحله خطر .. الحرب مش حرب سلاح والحرب مش فى الصحراء وبس
الحرب فى بيوتنا يا جماعه .. بصوا على ولادكم .. لاحظوا تصرفاتهم
اتكلموا معاهم وخدوا الامور بهدوء ومناقشه .. اياكم والتعصب والتحكمات
لان اجيل دا غير جيلنا..انا زمان ابويا لو قالى لا هى لا
دلوقتى الولد لو عاندته بيعاندك وبيعمل اللى هو عاوزه لان النت والتلفزيون وكل حاجه متاحه .. اتكلموا مع ولادكم بالراحه ..
لان فى الوقت اللى انت بتضربه وتقوله لا وخلاص ..؟
فى حد تانى بيفتحله ايده ويقوله تعالى واعمل اللى انت عاوزه !
E.E
Eslam Elbahrawy
منشور by Eslam Elbahrawy.
