قصة البطل الشهيد محمد سعد كامل - تصدى لسياره مفخخه فحمى مديرية شمال سيناء من دمار شامل - قصه يجب ان تعلموها لاولادكم
حبيت اتأسف عن عدم معرفتى لبطولة هذا الرجل الا متأخر
واتأسف انى كان واجب عليا انزل صورته عشان كل الناس تشوفه وتتعلم منه
انا لما نزلت صورة معاذ الكساسبه .. نزلت صورته وهو لابس الزى العسكرى
واتكلمت عن اد ايه هو كان صامد قصاد النار و دى فى حد ذاتها بطوله
ويومها كل الاصدقاء شافوا البوست وقدروه وعملوله شير لان كان الهدف اننا ننشر اللى يخلى الناس تقدر الابطال
اللى قصادكم فى الصوره .. الشهيد محمد سعد كامل
ابن محافظة الغربيه .. من قرية القرشيه مركز السنطه
احد افراد قوة مديرية امن سيناء قرر يضحى بحياته عشان يمنع كارثه
مافكرش و اخد القرار .. عارفين مدى القوه اللى محتاجها الفرد عشان ياخد فى لحظه انه يضحى بحياته فى ثانيه ؟؟ اكيد محدش فينا يعرفها لسه
البطل دا احد شهداء تفجيرات سيناء الاخيره ولولاه لكان الضحايا بالعشرات
كان واقف قصاد المتاريس الحديديه الموجوده امام مديرية امن سيناء
وتوجهت نحوه يسارة الارهابيين اللى كانت محمله بالمتفجرات وكان الهدف انها تدخل مبنى المديريه وتنفجر في المبنى .. لكن البطل بادل الارهابيين اطلاق النار .. ولان عقيدتهم هى الثبات والشهاده فى سبيل الوطن .. ماقررش انه يجرى .. قرر هو وزميله سمير رفعت انهم يجيبوا الحواجز الحديديه ويجروا بيها يحطوها قصاد العربيه ويقفوا فى وش العربيه .. وفى النهايه .. انفجرت فيهم هما قبل ما توصل لمبنى المديريه !
انا ماشوفتش كده ومش هاشوف بصراحه
الواحد لو حد قاله تعالى شيل حاجه .. بيفكر الف مره وبيخاف احسن ضهره يوجعه ولا يتعب ويروح لدكتور .. لكن الناس دى فى ثانيه قررت ترمى نفسها وهى عارفه انها المره الاخيره اللى هايشوفوا فيها الدنيا
تحيه كبيره لكل الابطال
الابطال مش بس فى الاردن
الابطال منبعهم من هنا .. من مصر
E.E
Eslam Elbahrawy
منشور by Eslam Elbahrawy.
