حوار باسم يوسف الاخير مع السى ان ان - تأكيد على ان مصر دوله مستبده وقمعيه - ماذا تنتظر من اراجوز
فى مقابلة الاراجوز على قناة CNN امبارح
توقفت قصاد كام نقطه تم الحديث عنها فى اللقاء
1- الاراجوز موجود فى امريكا مع مجموعه دراسيه بيحضروا محاضرات حول كيفية التعامل بالسخريه مع المحرمات ( الاجتماعيه والسياسيه والدينيه ) !!!!
وهو دا المطلوب فعلا..نبتدى نتنقل من السخريه والايحاءات الجنسيه .. للسخريه من المحرمات الدينيه
2- المذيعه بتقوله اعتقد ان السخريه مش موجوده فى بلاد زى اللى انت جاى منها؟
وبيرد يقول ان فى بلدى السخريه مسموحه مادامت مقبوله من المسيطرين على السلطه ( محاوله لتصوير مصر وكأنها سجن سياسى للجميع )
3- الشخص اللى كان مسئول عن الانتاج لبرنامج جون ستيوارت .. هو نفس الشخص اللى عمل فيلم وثائقى عن ( القمع ) اللى اتعرض له باسم يوسف فى مصر وعرضوا جزء من الوثائقى دا وكان دايما فى الفيلم يربطوا بين منع باسم ووجود عساكر امن مركزى ( ايحاء انه تم منعه من قبل السلطات )
4- فى الوثائقى اللى اتعرض فى اللقاء .. قالوا ان النائب العام المصرى اصدر قرار بإعتقال باسم يوووسف !!!! ( وهو لم يحدث وكانت تلك محاوله لتصوير مصر بالدوله البوليسيه المستبده )
5- فى محاوله لنشر حقائق مغلوطه .. قال باسم ان الوثائقى اللى معمول مش معمول عشانه .. دا معمول عشان يوضح البيئه اللى مصر عايشه فيها وهى ان الناس لو النكته على حد غيرهم بيضحكوا لكن لو عليهم مش بتعجبهم .. بيحاول يستغبى الناس وبيتناسى ومفكرنا نسينا ان هجومنا عليه كان لان البرنامج نشر ايحاءات جنسيه قذره وكان غير حيادى فى هجومه على اطراف دون الاخرين .. علاوه على ان الاغلبيه ممن كانوا ضد الاخوان وانا واحد منهم .. ماكنتش بفرح وهو بيهاجم الاخوان .. لانى كنت عارف الهدف منه ومن برنامجه ولا الناس كانت رافضه تمشى بمبدأ عدو عدوى يبقى صديقى !
6- بالنص والترجمه الحرفيه .. المذيعه بتقوله ما مدى مساحة السخريه فى بلد مستبده زى اللى انت جاى منها ...؟
ويرد هو بلهجة تريأه يقولها لا مين قال كده؟؟ انا قلت كده .. مفيش استبداد خالص .. احنا بلد ديمقراطى جدا
استخدام اسلوب النفى بالتريأه .. هو طبعا تأكيد لفكرة الاستبداد !!!!
** كالعاده استغلال الاعلام الغربى لتشويه صورة مصر
والترويج لنفسه على انه ضحية الاستبداد وقمع الحريات
ولكن يكفى انه فى نهاية اللقاء اعترف انه مايقدرش يطلع على الهوا تانى فى مصر . بغض النظر انه اظهر ان السبب هو استبداد الحكم .. ولكن يكفى انه من جواه عارف انه ممنع يطلع تانى بأمر الناس
E.E
Eslam Elbahrawy
منشور by Eslam Elbahrawy.
