اعلام العار- احمد التباع - من نكته جنسيه على اليوتيوب - الى ضيف مع طونى خليفه - ثم نجم فيديو كليب
اعلام #العار
اهلا وسهلا بكم فى ( وحل الاعلام المصرى باللهجه اللبنانيه )
اللى فى الصوره قصاد حضراتكم دا .. احمد التباع
كتير منكم يعرفوه وكتير مش هايعرفوووه
وبإختصار هو اشهر شخصيه على اليوتيوب فى السنتين اللى فاتوا
لان اتسربله مكالمات جنسيه مع بنت وكان بيتكلم فيها بطريقه ظن بعض الناس انها كوميديه وبدأ الشباب يتداول الفاظه اللى فى المقاطع دى كنوع من الهزار والتريأه
لحد هنا هل فى سبب مقنع ان هيطلع فى التلفزيون؟
هل فى سبب مقنع انى استضيفه واخليه يحكى عن تفاصيل المكالمه ؟
طونى خليفه جاب الاخ .. وقعد بقى يناقشه
انت كلمت البنت ازاى؟ يقوله واحد زميلى فى الشغل ادانى الرقم وقالى العب معاها !
طيب انت مش مكسوف من اللى عملته ؟ قاله لا بالعكس دا انا نزلت اسكندريه لقيت نفسى مشهور والناس كلها بتقولى تعالى مكالمتك اتشهرت اوى
طب انت مش بتاخد مخدرات؟؟ يرد على طونى خليفه يقوله ابدا والله مفيش غير الحشيش بس مش مدمن ..انا بشربه بكميات كبيره بس مش بتسطل فأنا مش مدمن .. غير كده والله مش بشرب مخدرات..فيقوم طونى خليفه ضاحك
تخيل بقى لما شاب يشوف مذيع بيلمع واحد بيقول انه فرحان ان مكالماته الجنسيه انتشرت وانه بيشرب الحشيش وانه اول علاقه زنا عملها كانت مع مديرة الموقع اللى هوا شغال فيه !!!!
الشاب هايكون تفكيره ايه
مش بس كده..الجزء اليمين من الصوره من حوار الاخ احمد مع طونى خليفه..لكن الجزء الشمال من الصوره ز. صورة الاخ احمد بعد الحوار وبعد ما بقى نجم .. اصبح نجم فيديو كليبز.فيديو كليب شعبى اتعمل وبطل الكليب الاخ احمد وطالع يرقص ومع الرقاصه والمطرب بيغنيله مخصوص !!
هو دا الاعلام فى البلد دى
ناس تموت من الجوع وناس تموت من المرض ومش بنسمع عنهم
انما واحد يعمل مكالمه جنسيه ويتشهر عاليوتيوب
يبقى نجم ويتم تلميعه ويتباهى انه بيشرب حشيش وبيزنى
لكى الله يا مصر
الاعلام هايدمرها !!!
E.E
Eslam Elbahrawy
منشور by Eslam Elbahrawy.
