لماذا انزعجتم الان بعد ظهور ابله فاهتيا على التلفزيون - سخرتم فى البدايه - والان تريدون ايقاف برنامج اطفال سيقدم محتوى جنسى لابناءكم



لماذا انزعجتم الان بعد ظهور ابله فاهتيا على التلفزيون - سخرتم فى البدايه - والان تريدون ايقاف برنامج اطفال سيقدم محتوى جنسى لابناءكم


ومالك متضايق اوى دلوقتى
ولا عشان الامر دخلك جوا بيتك انت وولادك
وكنت متوقع انه لن يتخطى حدود الانترنت 


كنتم اكبر من هاجم اثناء فضح تلك الدميه ومن وراءها 
تعرضت للاتهام بالجنون ونظرية المؤامره والسخريه
لانكم اعتقدتم انها مجرد صفحة انترنت مش هاتوصل لحد قريب منكم
انما دلوقتى.. لما هاتطلع على التلفزيون .. وولادكم يتفرجوا على عروسه
بتقدم محتوى للكبار فقط واخلاقهم هاتبوظ ..
كله جاى يبعت رسايل ..الحق شوفت ابله فاهيتا .. هو انت مش هاتتكلم عنها؟

لو تلاحظوا توقفت عن الكلام عنها منذ شهور
و دا كان لاكتر من سبب .. بس اهمهم ان الصفحه بقت بلا فائده بالنسبه لموضوع وضع تويتات تخص عمليات ارهابيه بعد الصفحه ما اتفضحت وبقت العين عليها ..
لكن .. بكره نشوف اللى هايتعرض
وتفتكروا سخريتكم وكلامكم .. وتعرفوا ان الله حق

لو لسه مش مصدق ان الامر كله مرتبط ببعضه ومرتب له
حاول تربط بعض الخيوط ببعضها

اربط هبه قطب والشباب اللى بيستمتع للعهر اللى بتقدمه
اللى بتطلع مع اعلامى معروف توجهاته زى عمرو الليثى
وفى نفس الوقت تلاقى قنوات الكرتون بتعرض محتوى جنسى
فى نفس الوقت تلاقى احمد حلمى الغير معروف خباياه للبعض بيعمل فيلم عن دب لعبه وبيدخله فى امور جنسيه وايحاءات !
فى نفس الوقت تلاقى تى شيرتات اطفال مرسوم عليها باندا بتعمل علاقه جنسيه
فى نفس الوقت تلاقى سناكس او كاراتيه للاطفال على شكل علبة سجاير
والبرنامج يتقدم فى نفس القناه اللى قدمت باسم يوسف نجم الايحاءات الجنسيه الاول ..

كل دا .. وانا اللى مجنون بنظرية المؤامره
وكل شىء طبيعى وكله عادى !!
الواحد ماعادش بيكتب حاجه عشان غرض التوعيه لان فى ناس ربنا ختم على عقولها وابصارها وقلوبها .. انما يعلم ربنا اقسم بالله ان الواحد بقى بيكتب الكلام عشان يريح ضميره قصاد ربنا ويكون اثبت موقف يرجعله وقت ما الندم يكون موجود والواحد يحمد ربنا انه وقت ما حصل الكلام دا قال كلمة حق

بالمناسبه .. احب اعرفكم ان البرنامج هاياخد نسب مشاهده عاليه جدا
مش لان البرنامج ناجح او كويس
ومش لانكم هاتتابعوا عشان تشوفوا فاهيتا هاتقدم ايه
بس لان خلاص ..ا لبرنامج نجح فى استقطاب اكبر عدد من الشباب
بعد وضع كلمة للكبار فقط

مش قولتلكم خليكم تكابروا وتسخروا
لحد ما هايحطولنا الحريم فى كشك ازاز ويقولك لو مش عاجبك ماتعديش من الشارع
بكره نشوف

لنا ولكم الله
استمروا فى السخريه
ياعم .. دى حتت عروووووسه !

E.E
Eslam Elbahrawy











Posted by