بالصور - توقعت فوز متسابق فرنسى ببرنامج عرب جوت تالنت منذ شهور - ليست شعوذه او دجل - انما هى قراءه للعبه
بسم الله الرحمن الرحيم
الامر ليس دجل وشعوذه وتكهنات
لامر ببساطه .. انك تكون قارى الامور صح .. وعينك جايب ابعد من الكل
العبد لله بتاريخ 13 يناير 2015 .. يعنى قبل النهارده بحوالى شهرين
كتبت وقلت ... ركزوا فى البوست واحفظوه للتاريخ
ياترى الفائز فى عرب جوت تالنت السنه دى سورى ولا فرنسى من اصل عربى؟
وبعدها سكتت .. وماتكلمتش عن البرنامج تانى !!
النهارده تم اختيار المتسابق صلاح انترتراينر .. المتسابق الفررررنسى من اصول مغربيه بأنه الفائز فى عرب جوت تالنت هذا الموسم
دى بيانات المتسايق من موقع ويكيبيديا وتثبت انه فرنسى من اصل عربى
لا استنى ... انا ماحضرتش عفريت .. ولا ضربت الودع وقريت الفنجان
الفكره كلها انى مؤمن دايما بنظرية او بفكره .. ان برامج الترفيه كلها مسيسه ولها توجهات سياسيه زيها زى الانتخابات الامريكيه .. مهما كانت التصفيات والتصويتات..الفائز محدد ومعروف
لعبت السياسه فى البرامج دى ادوار كتير
ايام غزه ... محمد عساف كان هو الفائز !!!!
هاتقولى بس عساف كان فى برنامج تانى
هاقولكم عفوا كل البرامج يملكها شخص واحد وتدار حسب سياساته !
الموسم دا توقعت ان الفائز جنسيه من اتنين اما سورى او فرنسى من اصل عربى
و دا كان عشان .. كنت عارف ان دايما بيحاولوا يكسبوا التعاطف مع احداث معينه ويسلطوا الضوء عليها .. وبناء عليه .. بسبب ما يحدث فى سوريا توقعت ان الفائز قد يكون سورى..ولكن بناء على ايه توقعت ان الفائز فرنسى؟؟؟؟
البوست دا اتكتب يوم 13 يناير .. بعد اسبوع من حادث شارلى إيبدو
ولذلك توقعت ان الفائز السنه دى هايكون فرنسى من اصول عربيه
التوجهات عاوزه كده .. السياسه عاوزه كده !
بالمناسبه حاولوا تلميع القضيه الفلسطينيه تانى السنه دى من خلال فرقة التخت اللى حلمى لبس الشال الفلسطينى عشانها .. بس قالولهم معلش بقى مش كل سنه .. والفرقه خرجت برا المسابقه !!!
هاتقولى طب ايه فايدة التوجيه .. الفايده مزدوجه
لو الفائز بلده فيها معاناه .. دا بيخليك تتعاطف اكتر
يعنى لو سورى هايعرضلك كام لقطه من للى بيحصل هناك
فتقول منك لله يا جيش يا سورى.. ليهم حق والله يعملوا ثوره هناك
زى ما حصل مع عمرو قطامش اللى كان مشارك فى البرنامج عشان يقول اشعار عن الثوره !!!
لو الفائز فرنسى .. بيثبتلك انه جه وكسبك فى عقر دارك
بيقولك انت جيت عندى قتلتنى .. وانا جيت عندك كسبت مسابقه
بيقولك ان العربى اللى بيعيش فى الدول العربيه بيكون فاشل وخاسر
بينما العربى اللى اتربى فى فرنسا طلع محترف وقدر يكون بطل
وبينمى جواك من غير ما تحس فكرة الهجره وحلم انك تعيش برا !
البوست دا مش مهم لانى توقعت شىء
ولكن مهم للناس اللى لسه بتتكلم ان مفيش مؤامره ومفيش تحكم بكل شىء
الاعلام متحكم فيه مجموعه بسيطه بتديره بالكامل
بأفلامها بمسابقاته بقنوات الاخبار بالصحف بكله
ابحث عن روبرت ميردوخ ..امبراطور الاعلام الصهيونى !
اسف للاطاله .. بس حبيت اوريكم اننا نقدر نتغلب عليهم
ومش معنى انهم مخططين اننا ضعفاء..بالعكس احنا دايما اقوى
اولا لاننا على الحق .. ثانيا لان ربنا معانا
ثالثا لان عندنا عقول بتحاربهم برضو
لكن الاهم انك تفكر وتلاحظ وتشوف وتربط كل حاجه ببعضها !
** ملحوظه .. صورة البوست متقسمه .. اللى عاليمين البوست اللى بتكلم عنه .. عالشمال برينت سكرين لمعلومات صلاح من موقع ويكيبيديا اللى بتثبت انه فرنسى من اصول مغربيه .. وتحت صورة الحلقه النهارده لما تم اعلانه فائز
E.E
Eslam Elbahrawy]
منشور by Eslam Elbahrawy.
