بالصور - كارثه فى جريدة الاهرام القوميه - كلمة نيابة الانقلاب موجوده داخل تقرير صحفى بالجريده
كارثه جريدة الاهرام
الجريده الحكوميه
عشان تعرفوا اد ايه البلد دى بتعيش حالة تخبط وعدم شعور بالمسئوليه
وعشان تعرفوا اد ايه الجهل منتشر
طبعا الكل هايفكر ان الكلام عن صورة الرئيس السيسي اللى فبركها الاخوان ونسبوها للاهرام وقالوا ان الاهرام نشرتها .. لكن مش دى المشكله لان اى حد اشترى الجريده ومالقاش الصوره عرف انها فبركه من الاخوان
الكارثه فى الصوره اللى قصادكم
لما الجريده تعمل تقرير عن جماعة الاخوان اللى دايما تغتال القضاه
من اول اغتيالهم للخازندار
لحد محاولات الاغتيال الاسبوع اللى فات للقاضى معتز خفاجى
التقرير عمال يقول ان الاخوان طول عمره بيغتالوا القضاه و و و و و
وفى الاخر بيقول التقرير ايه هى القضايا اللى القاضى معتز خفاجى بينظرها
وبيحكم فيها .. وقالوا القضايا ومنهم قضية التراس الزمالك ...
وتلاقى مكتوب سطر يخليك تولع فى نفسك
كاتبين ان القاضى معتز خفاجى هو قاضى قضية التراس الزمالك اللى بتزعم نيابة الانقلاب ( النيابه المصريه ) انهم شرعوا فى قتل مرتضى منصور
نيابة الانقلاااااااااااااااااااااااب ................؟
دى جريدة الاهرام الحكوميه المصريه
ولا قناة الشرق الاخوانيه و دا برنامج معتز مطر ...؟
ازاى جت الكلمه دى هنا
طبعا الجميع دماغه راحت لحاجه واحده بس وهى ان اللى كتب الكلام دا اخوانى وان الاهرام جواه اخوانجيه .. ولكن انا عندى رأى تانى
مفيش اخوانى هايكون شغال فى الاهرام ويكشف نفسه بالشكل دا
لكن .. السبب من وجهة نظرى لو طلع صح يبقى كارثه برضو
الفكره ان ممكن اللى كتب المقال دا صحفى شاب .. والصحفى الشاب زيه زينا بياخد كل اخباره من الانترنت .. فواضح انه وجد الموضوع دا مكتوب على احد المواقع فحب ينقله كتقرير للجريده .. لكنه اخده كوبى بكل ما فيه .. وماخدش باله من كلمة انقلاب .. هو قالك مادام بيتكلم عن الخازندار وجرائم الاخوان يبقى اكيد حاجه تبعنا فمافيهاش حاجه تضرنا ...
وهنا الكارثه .. فين الناس بقى اللى بيراجعوا وراه ...؟ فين رؤساء التحرير ورؤساء الاقسام ومصححى اللغه ...؟
دا ان دل على شىء يدل ان المؤسسه دى ضايعه
من ايام ما كنا بنصرخ ونقول ان احمد النجار رئيس مجلس ادارة الاهرام طابور خامس وله صور مع برنارد ليفى الصهيونى مهندس نكسات الربيع العبرى ولكن لا حياة لمن تنادى !
E>E
Eslam Elbahrawy
