كيف احتوت الحلقه الثامنه من برنامج ابله فاهيتا على اسلوب البرمجه اللغويه والعصبيه والايحاءات الجنسيه



كيف احتوت الحلقه الثامنه من برنامج ابله فاهيتا على اسلوب البرمجه اللغويه والعصبيه والايحاءات الجنسيه


الجمعه قبل الماضيه بتاريخ 22 مايو 
الحلقه 8 من برنامج فاهيتا 

انا من اللى بيتفرجوا على الحلقه كامله عشان مشهد او كلمه معينه .. مش شرط تكون حاجه صريحه وواضحه او شتيمه او لفظ جنسى و انما ببحث عن حاجه معينه محطوطه فى وسط محتوى البرنامج مقصود بيها حاجه معينه

فى فقره من الفقرات
فاهيتا كانت بتتكلم عن عيوب التعليم فى مصر وبعد ما عرضت فيديوهات لسلبيات للتعليم .. كررت جمله كانت كررتها ريهام سعيد فى لقاءها مع الولد صبى الميكانيكى لما قالتله لو التعليم بالشكل دا عندك حق تكره المدرسه وماتروحش احسن ... فاهيتا قالت نفس الجمله وقالت هو دا تعليم .. اقعدوا فى البيت احسن واقفلوا المدارس
برنامج لعروسه بيشوفه اطفال بيسمعوها بتقول بلاش مدارس !!! 

النقطه التانيه والاهم
فاهيتا قالت نقفل المدارس ونستعين بكورسات من على النت نتعلم منها
وحطت فيديو غريب جدا 
الفيديو بين طالب ومدرس على اساس انه بيعلمه يتكلم انجلش
المدرس بيقول للطالب 
i'm gonna slap you
يعنى انا هاضربك بالقلم
ويفضل المدرس يكرر الجمله كتير وبسرعه والطالب واقف شبه سرحان ويقوم المدرس ضارب الطالب بالقلم

اللقطه التانيه فى الفيديو 
الاستاذ بيقول للطالب اضربنى بالقلم 
Slap Me 
بيكرر الجمله برضو كتير وبسرعه وبصوت اعلى لحد ما بيخرج الطالب عن شعوره ويضربه بالقلم

الطالب بيعتذر للاستاذ ويقوله انا اسف لكن انت خليتنى اعمل كده
بيرد المدرس وهو مبتسم بيقوله
انت اكتسبت كلمة Slap
يعنى انت دماغك اتبرمجت على الكلمه وعلى الضرب ! 

الفيديو دا عدى والناس ضحكت
بس محدش فكر ان دا مبدأ البرمجه اللغويه والعصبيه 
تكرار الشىء بسرعه وبصوت اعلى مرات ومرات لحد ما تتعود عليه
فتخرج عن شعورك وتنفذه بدون ما تحـــــــــس

الغريب كمان ان الشاشه لما رجعت لفاهيتا عشان تعلق على الفيديو
قالت ان دى وسيلة تعليم كويسه وعشان كده عاوزه كل واحد بيتفرج يبص للى جنبه
ويعلمه كلمة SHit 
وطبعا الكلمه معروف معناها
انتوا متخيلين كام طفل وكام شاب لو على سبيل الهزار عمل كده؟
يعنى الطفل اللى مش عارف معنى الكلمه هايسأل عنها يعنى هايكون طفل عرف معنى كلمه قبيحه
طب الشاب اللى عارف معنى الكلمه ؟؟ وكلمه قبيحه عاوز يطبقها مع اصحابه على سبيل الهزار؟
ياترى هايعمل ايه فى صاحبه ؟؟؟؟ اخشى ان اللى هايتعمل مش كويس ولو على سبيل الهزار

هنا الفكره اللى دايما بتكلم عنها
ماتضحكوش على حاجات بتدخل العقل وتعشش جواه وانتوا مش حاسين
مايهمنيش كام واحد بيضحك على الكلام او مش مصدقه
بس يهمنى انى انشر وعى لازم يكون موجود بين الناس 
عشان مايتكررش قصادهم الشىء ويتبرمجاو عليه من خلال برنامج تلفزيونى



الجمعه قبل الماضيه بتاريخ 22 مايو الحلقه 8 من برنامج فاهيتا انا من اللى بيتفرجوا على الحلقه كامله عشان مشهد او كلمه م...










Posted by