بالصور - ابله فاهيتا تظهر المجتمع المصرى مهووس بالجنس - كشف فبركة اللقاءات الخاصه بالبرنامج فى اخر حلقات الموسم الاول



بالصور - ابله فاهيتا تظهر المجتمع المصرى مهووس بالجنس - كشف فبركة اللقاءات الخاصه بالبرنامج فى اخر حلقات الموسم الاول


فى حلقة امبارح لأبله #عميله الشهيره بأبله فاهيتا 

كالعاده .. اظهار اسوأ ما فينا عمداً عشان نظهر اننا شعب زباله !
قبل كده جايبه ناس عاوزه تحول ماسبيرو لمدينة ملاهى او قهوه 
وقبل كده عملت تقرير الناس تقول اكتر موقع جنسى بتحبه

امبارح .. عملت تقرير عن ايه الحاجات اللى نفسك تكون مابتفطرش فى رمضان؟
اللى ظهروا فى التقرير دا مش ناس مننا او بمعنى اصح اكيد مش ناس اتسألت وجاوبت عادى بدون ما تتوجه تقول اجابات معينه .. 
عاوزين اثبات ..هاتشوفو الاثبات اخر البوست 

بشكل عام احنا لما بنقعد على كافيه ونتكلم ... ايه الحاجه اللى نفسنا انها ماتفطرش ف رمضان .. اللى بيقول الميه لانى ببقى عطشان .. واللى بيقول لعب الكوره فى الصيام عشان العصبيه والنرفزه .. واللى بيقول الاكل لانى بجوع
بس محدش فينا بيقول نفسى المخدرات او الجنس مايفطروش !

الناس اللى قصادكم فى الصور دى اتسألت السؤال دا
وكلهم اجابتهم واحده .. و دا شىء غريب جدا
التقرير كله ماكانش فيه حد محترم يقول نفسى اى حاجه ماتفطرش الا الجنس والمخدرات؟؟ للدرجه دى عاوزين تظهرونا اننا خلاص مهاويس جنس ومخدرات وماعندناش دين نصوم حتى !

الشاب اللى عليه سهم احمر دا .. لما اتسأل ايه اكتر حاجه نفسك انها ماتفطرش فى رمضان ؟؟ قال .. الحروف الانجلش اللى قصادكم دى .. دا اسم موقع جنسى !.. ومش اول مره اسم الموقع دا يتذكر .. قبل كده لما اتعمل تقرير فى برنامج فاهيتا عن اشهر موقع جنس برضو فى التقرير اكتر من شاب قال اسم الموقع وكأنه اعادة للاسم كل شويه للتنبيه له عشان من كتر التكرار تفتح الموقع !

اللى يبينلك بقى ان فى حاجه غلط فى التقارير دى 
الصوره اللى فيها سهم اصفر على البنت
البنت دى كانت اجابتها انها تتمنى ان الحاجه اللى ماتفطرش فى رمضان تكون احمر الشفايف ( الروچ ) ... بس الملحوظه المهمه .. ان التقرير فى يوم عادى والانسه مش حاطه ميك اب ولا روچ .. يعنى مش محتاجه تقول اجابه زى دى .. يعنى اثبات ان التقارير دى متفبركه لهدف معين لكن يظهر اكتر الهدف من الاجابه دى بعد فاهيتا ما تعلق وتقولها الروچ يفطر ليه دا بيتحط مش بيتاكل .. دا تحريض غير مباشر على الميك اب الاوفر فى رمضان رغم ان كتير من الفتاوى قالت ان احمر الشفايف لما يتحط على الشفاه والبنت بشكل عفوى زى ما بنعمل وقت العطش تبلع ريقها بعد مرور اللسان فوق الشفاه دا بيتسبب فى دخول الماده جوا الجسم وبالتالى غير مستحب ! 
وكمان حتى احتراما للشهر الكريم الميك اب الاوفر مالوش لازمه !

حد فهم حاجه؟
طب لو فهمتوا عرفوووونى !

E>E
Eslam Elbahrawy

فى حلقة امبارح لأبله #عميله الشهيره بأبله فاهيتا كالعاده .. اظهار اسوأ ما فينا عمداً عشان نظهر اننا شعب زباله !قبل كد...










Posted by