بعد مكالمة سامح عاشور واتهامه للشرطه انها ترتدى النقاب - سؤال لسيادة النقيب : حضرتك لبست ايه؟
دى مش شرطه
الشرطه عندنا اللى بتخاف من الارهابيين وبيجروا منهم
ويلبسوا لبس منقبات ويستخبوا
دا مش كلامى
دا كلام الباشا سامح عاشور
انا ضد اهانة اى مواطن
انا ضد ان الداخليه يكون فيها صور سيئه
وبالمناسبه انا بكتب البوست و انا والدى محامى
واعترضت طبعا على واقعة ضرب المحامى من نائب المأمور
بس دا لا يعطيك الحق يا شىء انت انك تقول الكلام الزباله دا
الشرطه عندنا مش بتلبس نقاب وتستخبى
الشرطه عندنا مش بتستخبى من الارهابيين
الشرطه عندنا كل يوم بتدفع التمن دم وشهداء عشان يحموا اللى زيك
لما الشرطه هى اللى لبست نقاب واستخبت؟
مين اللى مات وواجه وحارب القرف اللى كنا ومازلنا فيه؟
حضرتك ...؟ سيادتك شيلت سلاح ونزلت؟
انت واللى زيك كان كبيركم الشو الاعلامى وخصوصا انت معروف عنك كل حاجه
ومعروف ان المصلحه عندك غالبه على كل شىء
قولنا بقى حاربت ازاى الارهاب لما الشرطه هى اللى لبست النقاب
دا كلام متخلف من شخص مش محترم
ايا كان تعصبك لصالح الناس اللى بتمثلهم
بس احب اقولك ان كلامك دا لا يقل قذاره عن نائب المأمور اللى ضرب المحامى
كلاكما همجيين وكلاكما لا يستحق البقاء فى منصبه
لما نقيب محامين يقول على شرطة بلده انها بتلبس نقاب
وانها بتستخبى من الارهابيين وبتهرب وتخاف
يبقى دا نقيب محامين الاخوان
لان محدش بيقول الكلام دا الا الاخوان الارهابيين
انت قلت لو فى ضابط شرطه بيحترم نفسه المفروض مايستناش فى عمله بعد الواقعه اللى نائب المأمور عملها
وانا بقولك لو فى محامى محترم
المفروض مايقبلش انك تبقى نقيب المحامين لساعه واحده كمان بعد كلامك دا
E.E
Eslam Elbahawy