عندما حسدت شهداء سيناء على استشهادهم - جيل محظوظ ببطولاته - بعض من بطولات ابناءنا فى سيناء



عندما حسدت شهداء سيناء على استشهادهم - جيل محظوظ ببطولاته - بعض من بطولات ابناءنا فى سيناء



انا بحسد الجيل الحالى من جنود الجيش فى مصر بجد 

احنا اتربينا على بطولات حرب 73 ايوه
بس مش كلنا نعرفها ولحد الان لسه بنكتشف فيها
ويمكن البطولات الاشهر لرجال المخابرات وقصص الجاسوسيه

انما الجيل الحالى من الجيش المصرى المحظوظ بالشهاده
بيسطر بطولات متهيألى هانقعد سنين نتكلم عنها ونحكى فيها 
وهاتتكتب فى كتب التاريخ بحروف من نور 
والحمد لله ان الكل عارفها .. الحمد لله ان الزمن غير الزمن 
نقدر ننشر ونذيع عشان نعرف الناس البطولات دى 

بقى عادى جدا انك تسمع ان فى مجند فى الجيش المصرى ماتعملوش مراسم للدفن لانه جثته مش باقى منها حاجه لانه حضن ارهابى بالمتفجرات بتاعته وانفجر بيه بعيد عن وحدته 

بقى عادى جدا انك تسمع ان فى ضابط فى الجيش المصرى بيركب المجندين مدرعه ويخليهم يبعدوا عن موقع الاشتباكات ويقف لوحده بسلاحه فقط ويقتل 17 ارهابى ثم ينال الشهاده

بقى عادى جدا انك تسمع ان فى مجند شاف الضابط بتاع وحدته بيعطى الاوامر للمجندين الابتعاد عن الكمين لتعرضه للخطر .. وبعد اطاعة الاوامر .. الضابط يلاقى المجند راجعله تانى ويقوله مش هامشى وهاستنى معاك ويستشهدوا الاتنين سوا

هو بقى عادى جدا .. بس فى الجيش المصرى بس
لانه مش عادى فى الجيش الصهيونى اللى لما حماس بترمى بومب العيد بيروحوا يستخبوا فى خنادق وبيبلوا بناطيلهم 

هو بقى عادى جدا .. بس فى الجيش المصرى بس
لانه مش عادى فى الجيش الامريكى اللى اقل جندى فيه بيمشى قصاده كاسحة الغام واجهزه تكشفله العدو على بعد اميال وبيجيله اكتئاب وبيترعب وبيرجع امريكا تعبان نفسيا ومش عاوز يخدم فى الجيش تانى 

هو بقى عادى جدا .. بس فى الجيش المصرى بس
لانه مش عادى فى الجيش القطرى .. قصدى فى الجيش الامريكى اللى مأجراه قطر بفلوسها .. اللى يوم ما اتحرق عندهم مطعم وحصل فيه انفجار قعدوا يوم كامل يطفوا فى الحريقه وكانوا هايستعينوا بقوات دوليه 

هو بقى عادى جدا .. بس فى الجيش المصرى بس
لان الجندى المصرى عقيده 
عقيده دينيه
عقيده فى الانتماء 
عقيده فى الولاء 
عقيده فى الشرف
عقيده فى الاخلاص 

لذلك بيختلف عن كل ما تم ذكره من انواع الجيوش اللى قولناها
لان ببساطه ولا الصهيونى ولا الامريكى عنده شرف ولا اخلاص ولا انتماء 

فخور ان فى العيله عندى مجند جوا الجيش المصرى
بيادته شرف فوق دماغى 
وبحسده على الشرف دا .. وهاحسده اكتر لو نال الشهاده 

E>E
Eslam Elbahrawy

انا بحسد الجيل الحالى من جنود الجيش فى مصر بجد احنا اتربينا على بطولات حرب 73 ايوهبس مش كلنا نعرفها ولحد الان لسه بنك...
Posted by