الجزء الاول - ما هى منظومة Four F System
وكيف تستخدم للتأثير على عقولنا من خلال الالكترونيات
#الجزء_الاول
صديق ليا من كام يوم سألنى وقالى الفيس بوك دا بيكسب منين ؟
رديت قولتله الموضوع طويل ومحتاج شرح
( طبعا الاجابه الحقيقيه مش هاتعجبه )
كان مُصر انه يفتح الموضوع
قالى ؟ عاوز تفهمنى انهم بيشغلوا الاف الموظفين فى الفيس بوك وبيكسبوا بس من الاعلانات اللى بتيجى عالجنب دى...؟
فقولتله اه وفى تحميلات وفى حاجات كتير
يقولى يا سلام؟ طب جوجل بيكسب منين ...؟
قولتله بشكل مبسط فى برضو ناس بتشترى مواقع وناس بتحط دعايا وناس بتبيع اعلانات وعالم كبير اوى
رد قالى طب الواتس اب بيكسب منين ؟
ملايين بيستخدموه ببلاش بدون ما يدفعوا جنيه ...
هنا اضطريت اقوله الرد اللى عارف انه مش هايجعبه
ولكن الحقيقه ان كل البرامج دى الهدف منها مش الربح المادى
الهدف تانى خالص
انك تشغل ناس بالايام مش بس بالساعات وتخليها تتبرمج قصاد الفيس؟ دا هدف
انك يكون عندك تخزين لكل بيانات مكتوبه وصوتيه ومصوره لكل حركه بتحصل مننا على الفيس والواتس اب ؟؟ دا مش القصد منه المكسب المادى
دا كله شغل استخباراتى واحنا عارفين كده بس بنقنع نفسنا بالعكس
اللى كنت عاوز اشرحه للصديق العزيز بس قلت اكيد هايحتاج وقت عشان يقتنع
لان مش سهل تقنع حد بالنظريه دى
لكن ... العالم وخصوصا حكام العالم الحقيقيين ( ابناء الدجال )
عرفوا ان السيطره علينا من خلال الميديا والاعلام
لذلك ...
تم تكوين منظومة الاربعه F
Four F System
ايه هما الاربع F دول
Free Calls
Free Chat
For everyone
For ever
** يعنى مع مرور الوقت تطبيق فكرة مكالمات مجانيه وشات مكان لكل الناس مدى الحياه
عاوزين دليل ؟؟ فاكرين الاخبار اللى انتشرت من كام شهر عن ان الفيس بوك هايطلق طيارات بدون طيار يكون فيها اشارات انترنت تمكن الناس انهم يلقطوا اشارات نت ببلاش عشان الكل يستخدم النت بدون فلوس !!
فكر كده واسرح بخيالك
انا طرحت مواضيع كتير عن التحكم بالعقل اللى حصل فى حوادث كتير
سواء من خلال التواصل الروحى او زرع الشرائح و دا ثبت فى حوادث كتير
فكر معايا .. لو انك بتستخدم برنامج مجانى؟ مليارات بيستخدموه
ومن خلال وجود البرنامج دا استطاع المُصنع للبرنامج انه يطلق اشارات تؤثر على العقل او على الشعور ويتم توجيهك لفعل معين
وفى يوم واحد .. ساعه واحده .. دقيقه واحده.. ثانيه واحده
اصدر امر للبرنامج بإرسال اشارات لكل اللى بيستخدموه تأثر على مخهم للقيام بعمل تخريبى او تغذية شعور القتل جواهم ...؟
ايه الحل وقتها
** ليه تسرح بخيالك
هو دا ماحصلش فى 25 يناير 2011؟؟ هو حصل بس بشكل مصغر عن اللى انا اقصده .. لكه بيزداد
** ماتبصش دايما للمكسب المادى من الاشياء
لما تبقى شعوب كامله بياناتها وصورها ومحادثاتها فى جيب شخص او دوله او جهاز مخابرات .. دا لا يقدر بثمن !
E>E
Eslam Elbahrawy