الفلكى احمد شاهين و بورصة الجثث - تُرى من سيموت اليوم؟ سنسأل رجال الانوناكى !



الفلكى احمد شاهين و بورصة الجثث - تُرى من سيموت اليوم؟ سنسأل رجال الانوناكى !


الفلكي احمد شاهين… و بورصة الجثث

بمناسبة الموضوع اللي بيتكلم عنه ناس كتير
في الخناقه بين الفلكي احمد شاهين وخالد الصاوي
بسبب ان شاهين توقع موت فنانين منهم خالد الصاوي

طبعا شاهين فلكي غني عن التعريف
بيقول ان الاديان السماويه من صنع اجناس راقيه
وبيقول ان الاجناس دي هي الاله الاصلي للبشريه
وبيقول وبيقول وبيقول .. باختصار كده تقدروا تقولوا النسخه التانيه من الكابت المكبوت الرجل الشنكوت سامح ابو عرايس !!

لما شوفت توقعات شاهين للفنانين اللي هايموتوا
لقيت منهم نجلاء فتحي وعزت ابو عوف وخالد الصاوي ومحمود حميده وبوسي

شاهين فكرني بالحانوتيه .. او بالمعني الكلاس .. الناس بتوع عربيات نقل الموتي
لما كنت شغال في ريسيبشن مستشفي
كان معروف ان معظم المرضي من خارج طنطا ومن محافظات مختلفه
فكنت الاقي واحد شيك داخل عليا يديني كارت ويقولي انا فلان الفلاني عندي عربية نقل موتي .. شوف كده في الدفتر عندك ايه الحالات المتشخصه انها ممكن تموت قريب عشان ابقي عامل حسابي.. واول ما حد منهم يموت واهل المتوفي يطلبوا عربيه تنقل الجثه للمحافظه بتاعتهم ..كلمني وليك نسبه وهانعمل مصلحه سوا !!

احمد شاهين فكرني بالراجل بتاع عربية الموتي دا
بيفتح الجرنال الصبح يشوف مين الفنان اللي حالته الصحيه صعبه
يعني عزت ابو عوف عامل عمليه في قلبه وحالته مش مستقره
خالد الصاوي بيمر بوعكه شديده بقاله فتره
نجلاء فتحي ربنا معاها بتمر بمرحله حرجه
فيقوم يقولك الناس دي حالتها بتقول ان ممكن حد يتوفي .. ف انا اطلع اتوقع وفاتهم
وبالمره عشان محدش يعرف انه شغال علي المبدأ دا .. انه بيشوف مين تعبان ويقول دا هايموت والناس تعرف انه بيلعب اللعبه دي.. يقوم مزود اسمين تلاته كمان حالتهم كويسه زي بوسي ومحمود حميده .. ونيجي اخر السنه .. لو هو ذكر 10 اسماء توقع وفاتهم .. منهم مثلا 8 بيمروا بمرحلة مرض .. و جه مات منهم واحد بس. .. يبقي هو العالم العلامه .. عالم الغيب والمتصل بالكائنات اللي وضعت الكتب السماويه واللي خلوه رسول ليهم في الارض

فيلم هابط
بيفكرني بأصحاب الصفحات اللي تسمي نفسها اسماء مخابراتيه
وتلافيه يقولك .. اقتربت اللحظه وسينهض البتنجان من باطن الارض ..لنري انتصارا كبيرا يدوي في سماء مصر… .. ويسكت
ويفضل قاعد مستني بقي اسبوع ..شهر.. شهور.. لحد ما يحصل عمليه مخابراتيه او انتصار في مجال ما وتلاقيه منزل بوست يقولك شوفت مش قولتلكم اقتربت اللحظه وهانشهد انتصار هههههههههههه هو ولا بيحدد معاد ولا توقيت ..بيرمي كلام عام .. زي الصفحه اياها اللي بتلاقيلها كومنتات كتير في اماكن كتير .. طول السنه وكل يوم بيكتبوا نفس الكلام .. زلازل وبراكين وسحب ورعد وكيمتريل وهارب وشرب ومرب وكرب ههههه وتفجيرات وسياره مفخخه وارهاب.. بيكتبوا كلام عام يضم جميع انواع الكوارث بحيث لما تحصل اي حاجه منهم واكيييد هايحصل لانهم ذكروا كل انواع الحوادث .. يقولك شوفت توقعاتنا صح ههههه

انا بس عاوز الاستاذ احمد شاهين
يفتح كتاب الاسرار .. ويشوفلي في منامه الجبار
هل المشروع اللي انا داخله قريب هايفشل ولا هاينجح وابقي انا الرجل الانشوش المنكوش ‏‎grin‎‏ رمز تعبيري

E.E
Eslam Elbahrawy

الفلكي احمد شاهين… و بورصة الجثثبمناسبة الموضوع اللي بيتكلم عنه ناس كتيرفي الخناقه بين الفلكي احمد شاهين وخالد الصاو...










Posted by