خبر انشاء مجسم للكعبه فى عدة دول للطواف حوله - بين كارثة الاشاعه ومصيبة الحقيقه





خبر انشاء مجسم للكعبه فى عدة دول للطواف حوله - بين كارثة الاشاعه ومصيبة الحقيقه





الاشاعه كارثه 
والحقيقه مصيبه
من ايام انتشرت الصور دى .. الصور من دولة نيجيريا
الخبر اللى نشرته وسائل الاعلام ان نيجيريا قامت ببناء مجسم للكعبه و قام النيجيريين بالطواف حول المجسم وقالت وسائل الاعلام ان نيجيريا عملت كده لان تكلفة الحج عاليه فعملت مجسم الناس تحج إليه !
دى كانت الاشاعه وطبعا لو كانت كده كانت تبقى كارثه
نيجى للحقيقه 
الحقيقه ان اتضح ان فى دول كتير زى نيجيريا والسودان واندونيسيا
بتعمل مجسم للكعبه لتدريب المعتمرين على مناسك الحج
انا قلت ان الحقيقه مصيبه 
وهى فعلا مصيبه
من امتى والمسلمن بيتعلموا مناسك الحج عن طريق مجسم للكعبه 
ومن امتى سمحنا ان يكون فى مجسم لبيت الله الحرام
انا فاكر لما السنه اللى فاتت الصين عملت مجسم لابو الهول الدنيا قامت وماقعدتش وقولنا حضارتنا وتاريخنا بيتسرق 
فما بالك بالكعبه .. حتى وان كان الهدف تعليم مناسك الحج لكن دا مرفوض
اولا مرفوض لانه هايخلي عندك مليون مجسم للكعبه وكل دوله تعمل مجسمات وتتفاجىء ان المجسم اللى اتعمل من 10 سنين مثلا لتعليم الناس مناسك الحج .. من كتر ما الناس زارت المجسم المبروك دا يتحول لضريح ويبتدى بقى الناس تروح تحك ضهرها فى الضريح وتتوسل !!!!
ثانيا مرفوض لان دا زعزعه لايمان الناس
تعرفوا ان معظم المواقع اللى نقلت الخبر كاتبه ان نيجيريا قامت ببناء المجسم عشان الناس تحج للمجسم دا بدلا من الذهاب للحرم فى السعوديه ...!
وان مواقع قليله فقط اللى ذكرت الحقيقه ...
تخيل كام واحد هايقرا كل وسائل الاعلام دى ومايعرفش الحقيقه
وهايصدق ان فى ناس عملت كعبه تطوف حواليها
الافكار دى مش معقول تكون افكار نابعه من دماغ حد بيحب الاسلام
افكار بيتم بثها جوا عقولنا لزعزعة الايمان ولكن ببطىء عشان مايكونش ملحوظ !
E>E
Eslam Elbahrawy

الاشاعه كارثه والحقيقه مصيبه من ايام انتشرت الصور دى .. الصور من دولة نيجيرياالخبر اللى نشرته وسائل الاعلام ان نيجي...










Posted by