اخيرا الشيخ على جمعه يفضح كذبة تدمير نابليون لأنف ابو الهول - الدواعش هم من دمروها !



اخيرا الشيخ على جمعه يفضح كذبة تدمير نابليون لأنف ابو الهول - الدواعش هم من دمروها !


اخيــــــــــرا 

** ابو الهول ومناخيره .. !!!!

التاريخ بشكله الصحيح 
بعيدا عن التاريخ المزيف اللى شربناه كلنا 

هل تعلم ...؟
الدواعش موجودين من مئات السنين ...؟
ايوه اه 

كان فى داعشى اسمه صائم الدهر 
جه سنة 780 هجريا وقال الاهرامات اصنام وابو الهول اصنام 
لم رجالته .. وراح للاهرامات وابو الهول وبدأ فى تدميرهم 

تقولى وبعدين ايه علاقة دا بأبو الهول ..........؟

هاقولك صورة البوست فيها جزئين 
الاول للشيخ على جمعه و.. والثانى لصوره مرسومه البو الهول 

الاخ صائم الدهر قرر ان ابو الهول اصنام و اعتقد ان بإستطاعته هدمه 
فقام بمحاولة هدم فلم يستطع الا تدمير أنفه !!!! 

بدأت الامور تتضح صح .......؟

الشيخ على جمعه تكلم فى برنامج الله اعلم وصحح الخطأ التاريخى الفادح الذى ندرسه فى المدارس ونقول ان نابليون بونابرت ( على الرغم من اجرامه طبعا ) هو من كسر انف ابو الهول فى موقعة الاهرام ‏‎grin‎‏ رمز تعبيري >> وهى الشيء الغير صحيح اطلاقا

طيب الصوره التانيه المرسومه
دى صوره كنت نزلتها فى بوست بتاريخ ... 2 مارس 2015
وقلت وقتها :
هل تعلم ان اللى رسم الصوره دى مستكشف دنماركى اسمه فريدريك نوردن .. وان ملك الدنمارك وقتها ارسله مخصوص لاستكشاف مصر والسودان ورسم كل المعالم هناك !

** - هاتنفخ وتقولى برضو ايه الجديد ...؟
هاقووولك .. ان .. الجديد يا سيدى
ان معركة الاهرام اللى بيقولوا ان الفرنسيين دمروا فيها أنف ابو الهول 
كانت سنة 1798 ميلاديا .. 
بينما يا سيدى رحلة الراجل الرسام الدنماركى لمصر وتصويره لصورة ابو الهول كانت سنة ................. 1737 ميلاديا 
اطرح بقى .. 
1798 - 1737 = 61 سنه
يعنى الصوره اترسمت وأنف ابو الهول مكسوره قبل المعركة اللى بيقولوا ان أنف ابو الهول اتكسرت فيها ب 61 سنـــــــــــــــــــــــه !
ايه رأيكم ..؟
النت موجود عندكم كلكم وممكن تتأكدوا من المعلومه
اكيد هاتيجى فى اخر البوست وتقولى .. امال مين الى كسرها ؟؟
بص يا سيدى .. فى اقاويل كتير
لكن احد تلك الاقاويل مؤرخ ومثبت فى كتاب قديم للتاريخ
وبتقول المعلومه :
يقول المؤرخ المقريزي في كتابه (( المواعظ والاعتبار في ذكر الخطب والآثار )) الجزء الأول 26 / 167 " وفي زمننا كان شخص يعرف بالشيخ محمد صائم الدهر قام في نحو من سنة ثمانين وسبعمائة لتغيير أشياء من المنكرات وسار إلى الأهرام وشوّه وجه أبي الهول وشعثه فهو على ذلك إلى اليوم "
** المقريزى اللى عاش فى القرن الخامس عشر .. يعنى 1500 ميلادى
بيقول ان صائم الدهر دا حطم التمثال سنة 780 هجريا
يعنى 780 هجريا (1359م)

**** انا بشكر الدكتورعلى جمعه على محاولة تصحيح جزء من التاريخ المزور اللى شربناه ومازلنا بنشربه ... 

** ومن جانب اخر 
يتضح لنا ان جملة التاريخ يعيد نفسه هى جمله صحيحه
فدواعش اليوم من يدمرون اثار سوريا والعراق ليسوا بمستحدثين
فقد كان لدينا دواعش قدامى مارسوا نفس الافعال 
الفكره فكرة محو التاريخ .. وقد أتت منذ مئات السنين ! 

E>E
ESlam Elbahrawy

اخيــــــــــرا ** ابو الهول ومناخيره .. !!!!التاريخ بشكله الصحيح بعيدا عن التاريخ المزيف اللى شربناه كلنا هل تعل...










Posted by