سؤال يطرح نفسه بقوه - ما العلاقه بين احداث 11 سبتمبر و احداث 25 يناير و حادث التدافع بالحرم ؟
سؤال يطرح نفسه بقوه !
طيب قبل السؤال اسمحولى اتكلم بشكل سريع عن واقعه معينه
على قناة روسيا اليوم من حوالى سنه او سنتين جابوا واحده من المسئولين فى وكالة الامن القومى الامريكي وقت حدوث احداث 11 سبتمبر لكنها قررت تقول اللى شافته واللى دار وقتها
المسئوله دى اسمها سوزان لينداور
وتقدروا تدخلوا يوتيوب تكتبوا : رفع الستار عن أحداث 11 سبتمبر 2001 من داخل CIA
هتلاقوا الاجزاء كامله
فى المقابله دى ذكرت نقطه مهمه جدا
ان احد القائمين على المؤامره دى حب يخلى كل شىء طبيعى
ف أمر ان يكون فى ناس معينه فى الشارع تسجل بكاميرا الموبايل لحظة اصطدام الطائرات ببرج التجاره العالمى بحيث يبدو الامر وكأنه غير مدبر وتم تصويره بكاميرا موبايل
و ذكرت سوزان ان الضابط المسئول عنها ابلغهـا ان فى ناس صورت الطيارات وهى بتضرب البرج.. وان الناس دى تم رصدهم انهم واقفين من بعيد بقالهم كام ساعه وموجهين كاميراتهم للبرج ... لذلك تم القبض عليهم للتحقيق معهم لاحتمال انهم يكونوا من الموساد وكانوا على علم بالعمليه من قبل ما تحصل
لكن بعد ما احداث 11 سبتمبر عدت .. بدأ الناس تسأل
هو ازاى مواطن واقف عادى .. فجأه يقرر يفتح كاميرا موبايله .. وفجأه يقرر يوجهها ناحية اتجاه معين .. فيصادف مرور الطائره واصطدامها بالبرررج
و دا اثبت كلام سوزان ان فعلا التصوير بالموبايل كان مدبر عشان الناس تقول دى صدفه
____________________________
فى احداث 25 يناير فى مصر ( التى تمثل نكسه بالنسبه لى )
رأينا فيديوهات وحتى الان على مدار خمس سنوات مازلنا نتعجب عندما نشاهد تلك الفيديوهات
مثلا فيديو لضابط شرطه يضرب متظاهر بالنار والمتظاهر يقف امامه ويستفزه ..ولكن المريب ان الفيديو كان يتم تصويره من عماره وكان التركيز على الشاب والضابط مستمر منذ دقائق حتى قبل الحادثه ..؟
مثلا فيديو السياره الدبلوماسيه التى دهست المتظاهرين
الفيديو يوضح استمرار الكاميرا على الطريق التى ستمر منه السياره حتى قبل مرورها .. وظل الفيديو يصور السياره اثناء الدهس وبعد ان هربت .. فكيف علم من يصور ان السياره ستأتى من هنا ...؟
فيديو اخر لمدرعة تدهس المتظاهرين اسفل الكوبرى
ويظهر الفيديو شاب فى بلكونه يركز الكاميرا لمدة دقيقتين على طريق خالى من المدرعات والمتظاهرين .. وتظل الكاميرا مثبته حتى يظهر بعض المتظاهرين وتأتى فجأه من الطريق الذى تصوره الكاميرا ..مدرعه وتدهس المتظاهرين .. فكيف علم من كان يصور بقدوم المدرعه؟
___________________________
بالنسبه بقى لحوادث الحرم
مش ملاحظين ان قبل كاميرات الحرم ما تنشر اى شىء
بيكون عندنا فيديوهات متصوره من اشخاص بالموبايل !!!
الملحوظه هنا تتضمن حاجتين فى غاية الاهمية :
1- اولا .. اللى بيصور .. بيصور من مكان بعيد عن الحادث .. يعنى الضرر مش طايله و دا ظهر فى اخر فيديو بتاع حادث التدافع امبارح ان حد بيصور من فوق من بعيد
2- ثانيا بقى .. اكيد حد هايرد عليا ويقول ...
ماهو لما بيحصل التدافع او بيحصل الحادث الناس بتبتدى تصور
بس انا هنا هاستوقف حضرتك واقوووولك
مش ملاحظ ان الفيديوهات المصوره كلهـــــــــــــــــــــــــــا تم تصويرها من البدايه قبل حدوث اى شىء ...؟
يعنى الفيديو المنشور لحادث التدافع بالامس .. مدته 3 دقايق و 40 ثانيه
الفيديو بدأ تصويره والناس ماشيه والامر عادى
الفيديو قعد حوالى 3 دقايق لحد ما بدأنا نشوف بقى هرج ومرج و تدافع
يبقى من اين وكيف علم من يصور الفيديو ان فى تدافع او حاد هايحصل؟؟؟
سؤال ... حد يجاوبنا عليه
E>E
Eslam Elbahrawy
سؤال يطرح نفسه بقوه ! طيب قبل السؤال اسمحولى اتكلم بشكل سريع عن واقعه معينه على قناة روسيا اليوم من حوالى سنه او سنت...Posted by Eslam Elbahrawy on 25 سبتمبر، 2015
