مشهد من مسرحية اولاد دراكولا اعادنى لزمن كان الفن فيه اّله لرسائل تحث على الوطنيه



مشهد من مسرحية اولاد دراكولا اعادنى لزمن كان الفن فيه اّله لرسائل تحث على الوطنيه

هى حاجه واقفه معايا من امبارح
قد يراها البعض تافهه .. بس بالنسبالى كانت جميله فى ذكرياتها ومعناها 

متعود لما اكون مخنوق او الجو العام بالنسبالى وحش وعاوز افصل
اتفرج على كام حلقه من مسلسل او مسرحيه بس يكونوا من الحاجات القديمه اللى بحبها 

امبارح مريت بالحاله دى وقررت اتفرج على مسرحيه بحبها اوى اسمها اولاد دراكولا
هى بطولة محمد نجم وانتاج ( 1989 ) 

اول مره شوفت المسرحيه دى كنت طفل صغير بيستنى كل ليله والده وهو راجع جايبله شريط فيديو لمسرحيه او فيلم جديد .. وكنت وقتها بحب تعبيرات محمد نجم اوى وبضحك بس على تعبيرات وشه وان كنت مش بفهم المصطلحات او الهدف من الكلام

فى مشهد فى المسرحيه دى بين نجم ومحمود القلعاوى
محمود القلعاوى بيقوله هاعملك اختبار فى الجغرافيا لو نجحت فيه هاوظفك 
وسأله سؤال وقاله ( قولى .. اين تقع مصر ) ؟
وهنا محمد نجم برد فعل الكوميدى قاله بعصبيه اخرس .. مصر عمرها ما تقع .. عمرك ما تقعى يا مصر .. مصر العظيمه .. مصر عظيمه بشعبها وبإرادتها .. انت عاوز توقع مصر يا ارهابى يا جزمه !

** وقتها وانا صغير .. ضحكت ضحك السنين على منظر وتعبيرات محمد نجم 
لكن لما كبرت وشوفت المسرحيه تانى وتالت وعاشر فهمت معنى الكلام 

** المشهد دا فكرنى بالفن اللى اتربينا عليه والفن اللى بيدخل بيوتنا دلوقتى وهو دعاره مقننه وهدم للدوله تحت مسمى الفن 

** سنة 89 .. ومسرحيه كوميديه .. لكن فيها مشهد بيرسخ قيمة مصر وبيتكلم عن الارهاب
وسنة 2015 واحنا بنعيش حرب الارهاب وبنعيش حالة تجمع الكل عشان يوقعنا 
بنشوف افلام دعاره .. بنشوف افلام تهدم البلد ...! 

** معلش بوست مش هاييجى على هوا البعض
بس انا بحب المقارنات دايما بين اللى اتربيت عليه وبين اللى بعيشه دلوقتى

E>E
Eslam Elbahrawy

هى حاجه واقفه معايا من امبارحقد يراها البعض تافهه .. بس بالنسبالى كانت جميله فى ذكرياتها ومعناها متعود لما اكون مخنوق...










Posted by