وما نحن الا عرائس ماريونيت فى يد النظام العالمى - اعارض ضرب روسيا لسوريا - المبدأ لا يتجزأ




وما نحن الا عرائس ماريونيت فى يد النظام العالمى - اعارض ضرب روسيا لسوريا - المبدأ لا يتجزأ


اتمنى استحوذ على انتباهكم 5 دقايق بس 

هى وجهة نظر

عارف ان كتيــــــــــر ممكن يعارضونى واكتر منهم هايستغربوا منى
بس لازم نتكلم بصراحه

** احنا بيتعمل علينا فيلم .. احنا مجرد عرايس ماريونيت 
احنا بيتلعب بينا والنتيجه دمنا احنا وارواحنا احنا وارضنا احنا 

** انا مواطن عربى .. ادعم الجيش العربى السورى
ولكنى ضــــــــــــــــــــــــــــــــــــــــد تدخل روسيا وما تقوم به من غارات داخل سوريا

** هاتقولى الله...؟ انت مع الجيش السورى وروسيا بتتدخل لصالح بشار اللى هو رئيس النظام المنتمى له الجيش السورى..ورافض التدخل ..؟ هاقولك ايوووه 
لان المبادىء لا تتجزأ 

تعالوا نحط نقاط نوضح بيها الامور 

1- انا مش موافق ان دوله اجنبيه تدخل تدمر فى بلد عربى بدعوى محاربة الارهاب
لان فى النهايه بيسقط مدنيين ابرياء وروسيا هى المستفيده من استعراض القوى 

2- انا مش هاممنى بشار يمشى يقعد يتقتل مش فارقه
انا بدافع عن الجيش العربى السورى فقط ...
لو كانت الدول دى تعطى سلاح للجيش السورى عشان يقاوم الارهاب انا موافق
لكن .. استعراض قوه على حساب قتل مدنيين زى ما حصل فى دول عربيه كتير انا مش موافق

3- المبدأ لا يتجزأ 
انا رفضت الاستعانه بالدول الاجنبيه فى العراق لما كان الشعب العراقى بيهلل للامريكان وهما بيسقطوا تمثال صدام وفى النهايه مات منهم ملايين واصبحت العراق مجرد كلمه فى كتب التاريخ ! وقسمتهم امريكا سنه وشيعه وحصل مجازر للسنه وتمكن الشيعه من العراق

4- المبدأ لا يتجزأ .. انا رفضت الاستعانه بالدول الاجنبيه عندما هلل ثوار الخراب فى ليبيا لحلف الناتو .. والان يعانى الليبيين من الخطف والقتل والاغتصاب ومن هللوا هم اول من قتلوا

5- احنا بيتلعب بينا الكوره اه والله
عاوز تعرف ازاى....؟
الفيلم الكبير 
روسيا بتقول لامريكا محدش يجى فى المجال الجوي بتاع سوريا
امريكا تقولها لا هانطلع وانتم مش مرحب بيكم فى محاربة داعش معانا 
تقوم روسيا تقولهم هانطلع المجال الجوى غصب عنكم 
فتيجى اسرائيل تتدخل تقوم روسيا تقولها وانتى كمان طياراتك ماتطلعش فوق سوريا 
طبعا حضرتك شايف كل دا خناقه بقى وروسيا وامريكا بيتحاربوا واوعى وشك
والاخر تفتح اخبار التكنولوجيا تجد ان العلماء الروس والامريكان مجتمعين اول امبارح للتخطيط للصعود سويا للفضاء لعمل الدراسات والابحاث 

يا اخواننا الناس دى ولا بتحبنا ولا بتقف جنبنا
كلهم بينفذوا خطه بس الفكره فى ايه
انا هاجيب اتنين بتوووعى 
واحد اخليه معاك والتانى ضدك
بحيث انت لو روحت للى معاك .. اللى هو ملكى اصلا؟ تبقى انت بتاعى
طب لو روحت للى ضدك؟ برضو هو ملكى اصلا .. يبقى انت بتاعى

التقسيمه دى مش بتفكركم بحاجه؟؟
فاكرين لما قولنا ان اللى بيدير الامور ضد مصر 
قسم الخونه اجزاء بحيث انت تنضم لاى جزء المهم انت تكون فى النهايه ملك لجهه واحده
عملك اخوان عشان لو انت مقتنع بالتيار الاسلامى تروح
عملك سلفيين عشان انت لو تيار اسلامى اكثر تمسكا من الاخوان
عملك 6 ابريل عشان لو انت شاب بضفيره وسكسوكه تروح
وعملك اشتراكيين ثوريين عشان لو انت شيوعى او يسارى تروح
وخلى كل دول يتخانقوا رغم ان كلهم من منبع واحد
واحنا اتقسمنا وكل واحد فينا راح لفريق
وفى النهايه كل الفرق دى ... يديرها رأس افعى واحد 

** اخيرا 
زى ما انا مش وافق ان دوله اجنبيه تدخل تضرب بلد بحجة محاربة الارهاب
انا مش موافق ان دوله عربيه تهدم دوله عربيه تانيه بحجة شيعه وسنه
السعوديه تمول الجماعات الارهابيه فى سوريا 
وعمالين يقولوا الاسد يرحل والا هانتدخل عسكريا
انا عاوز اقول للسعوديه ...
اذا كنتم بتهاجموا ايران لانهم شيعه وبيعملوا هجمات عليكم فى بلدكم 
تروحوا انتوا تعملوا زيهم؟؟ يبقى بتهاجموا ايران ليه اذا كنتم انتم بتدعموا ارهاب سوريا 
والحاجه التانيه .. اى ندخل عسكرى عاوزين تعملوه؟؟
انا شايف انكم تبصوا لكوارث الحجاج الاول .. وتبصوا للجنوب اللى الحوثيين بيضربوا فيه
وتبصوا لخلايا داعش اللى كل يوم بتمسكوا منهم خليه و اتنين 
وبعد دا كله .......؟ ابقوا فكروا تتدخلوا عسكريا 

** بالنسبه لنقطة عدم دخول دوله اجنبيه واستحلالها دوله عربيه اخرى بحجة مكافحة الارهاب .. ماتنسوش اننا اتحطينا فى نفس الموقف .. لما الاخوان وقت حكمهم كانوا بيشعلوا الارهاب فى سيناء..وكان المخطط ان الارهاب يضرب فى اسرائيل فتيجى امريكا تقولك هادخل مصر لمحاربة الارهاب و دا كان سبب صعود الاخوان للحكم .. هل يا ترى؟؟ لو حصل دا كنا هانهلل زى ما بنهلل لروسيا دلوقتى انها دخلت سوريا.........؟

** روسيا بتعطى سلاح لايران 
ايران بتهاجم السعوديه 
احنا المفروض حلفاء لروسيا اللى هى حليفة ايران
طب احنا ضد ايران لانها ضد مصالحنا وضد السعوديه 
يبقى روسيا مع ايران ضد السعوديه 
ومصر مع السعوديه ضد ايران وروسيا
وفى نفس الوقت مصر وروسيا حلفاء ‏‎grin‎‏ رمز تعبيري
السياسه لا دين لها !!!! 

** المستفيد الوحيد هو بائع السلاح الروسي والامريكي
بنبيع سلاح .. بنستعرض قوتنا .. السلاح دا طلقاته بتقع برا بلدنا
يعنى كله بيحصل على ارض ناس مانعرفهومش ومش يهمونا فى حاجه 

** ايوه انا ضد داعش وضد الجماعات الارهابيه 
مع رحيل بشار او سجنه او محاسبته لا يهمنى 
انا مع الجيش العربى السورى فقط
من الخطأ محاربة مخطط بمخطط اخر 

اسف للاطاله 

E>E
Eslam Elbahrawy

اتمنى استحوذ على انتباهكم 5 دقايق بس هى وجهة نظرعارف ان كتيــــــــــر ممكن يعارضونى واكتر منهم هايستغربوا منىبس لا...










Posted by