ابله فاهيتا وصلاة وصيام يوم 6 اكتوبر - كيف تشوه مجتمعا من خلال اصوات مأجوره
لحظه من فضلك
خيرى رمضان وابله فاهيتا
والعجيب .. CBC
برنامج ابله فاهيتا اتغير معاده وبقى بييجى يوم الخميس
فى حلقة الخميس الماضى خيري رمضان كان مستضيف ابطال من حرب اكتوبر
كانوا جايين يحكوا عن بطولاتهم فى الحرب
فى وسط البرنامج عرض خيرى تقرير عن الشباب الصغير ويعرف ايه عن الحرب
ففجأه جاب عشر شباب .. اعمار مختلفه
وكان السؤال
تعرف ايه عن حرب اكتوبر ؟
فتكون اجابة كل الشباب .. معرفش والله
السؤال التانى ..
حرب اكتوبر 73 كانت سنة كام ؟
فيرد شاب يقوله سنة 76 باين
السؤال التالت
حرب 6 اكتوبر كانت يوم كام ؟
فيرد يقوله يوم عشره اكتوبر !
وبعدين فى اخر البرنامج كان بطل من ابطال اكتوبر بيحكى عن بطولته فى الحرب
فيقاطعه خيرى رمضان ويقوله بس احكى بسرعه لان معاد حلقة ابله فاهيتا قرب وهاتشتغل بعد حلقتنا على طول !!
يخلص برنامج خيرى
ويجى برنامج فاهيتا
تتكلم عن حرب اكتوبر وتعمل تقرير
برضو تقرير فيه بنات وشباب من الاعمار الصغيره
معظمهم ( من كلية اداب قسم تاريخ )
السؤال .. هاتصوم يوم 6 اكتوبر زى جنودنا ما كانوا صايمين؟
فكل الشباب بيقولوا اه هانصوم دا يوم مقدس !
السؤال...
هاتصلى صلاة 6 اكتوبر فين ؟
فيردوا كلهم يقولوا هانصليها فى مسجد السيده زينب او اى مسجد قريب
وبنت منهم ردت قالت انا مواظبه على صلاة 6 اكتوبر كل سنه والسنه دى هاصليها فى جامع عمرررر بن العاص... عمر مش عمرو
السؤال ..
تفتكر سموا مدينة 6 اكتوبر بالاسم دا عشان الحرب قامت فيها؟؟
اللى يرد يقول اكيد .. واللى يرد يقوله لا ماظنش لان مدينة 6 اكتوبر مبنيه قبل الحرب اصلا.!
** بصوا بقى
انا مقتنع ان الجيل اللى طالع نسبه كبيره منه ضايعه
ومعلوماتهم فى التاريخ ضايعه
لكن تقنعونى ان التقارير دى مش مفبركه ؟ اقولكم يبقى احنا اتعمينا فى بصرنا وقلوبنا !
التقريرين فى برنامجين على قناه واحده
والتقريرين جايبين شباب من الجنسين كلــــــــــــــــــــــــــــــهم مايعرفوش حاجه عن اكتوبر؟
وكلهم بيصوموا صيام 6 اكتوبر؟ وبيصلوا صلاة 6 اكتوبر ؟؟
كلمتكم كتير عن التقارير المفبركه
خصوصا فى برنامج فاهيتا
للما جابوا شباب يتكلم عن الجنس والمواقع الجنسيه
الهدف من التقارير دى
بث روح الاحباط جوا الشباب انه مايعرفش حاجه عن الحرب
بث روح الاحباط لدى القيادات ان شباب البلد ضايع
بث روح القوه لدى العدو اللى بيتفرج وبيشوف ان شبابنا ضايع
وكالعاده .. لازم ندخل فى الدين عشان نحط الخنجر
فنجيب واحده كمان مش عارفه تفرق بين عمر وعمرو بن العاص !!!
اللعبه واضحه
وكل المغيبين اللى بيتهكموا علينا وبيقولك دى عروسه؟ والله والله والله ذنب اللى بيحصل فى رقبتكم
كل اب و ام بلاقيهم قاعدين فى استديو فاهيتا فاتحين بوءهم وهايموتوا من الضحك
عليه العوض ومنه العوض على التربيه وعلى الجيل اللى طالع من تحت ايدكم
E>E
Eslam Elbahrawy
لحظه من فضلكخيرى رمضان وابله فاهيتاوالعجيب .. CBC برنامج ابله فاهيتا اتغير معاده وبقى بييجى يوم الخميس فى حلقة الخ...Posted by Eslam Elbahrawy on 10 أكتوبر، 2015