افتحوا ابواق التخوين - فسنتحدث عن برلمان السيسي !



افتحوا ابواق التخوين - فسنتحدث عن برلمان السيسي !


افتحوا ابواق التخوين - فسنتحدث عن برلمان السيسي !

** فشل ذريـــــــــــــــــــــــــــــــــــع **

1- حسبي الله ونعم الوكيل 
2- الاعلام 
3- الجهل 
4- مبروك مستر زكريا عزمى الجديد
5- الا صحيح ... هو برلمان السيسي !!؟

رأى و وجهة نظر منقسم الى خمسة اجزاء 
كلمات كانت هى حصيلة الصمت الذى دام لأيام حاولت فيها ان ادفن رأسى فى الرمال و اسير مع الموجه .. ولكن قاومتنى مبادئى وحاربتنى افكارى فأجبرتنى على إبداء الرأى فيما قد يختلف عليه الكثيرين .. ما قد يجعل الكثيرين يغضب منى .. والاهم من ذلك ما اتوقعه من توجيه مصطلحات اعتدت عليها بداية من الخيانه وحتى الاخونه !!

فشل ذريع فى ما يسمى برلمان مصر 2015 ! 
فشل ادارى وفشل مرشحين وفشل نصابين وحراميه .. نعم نصابين وحراميه 

فلنبدأها نقطه تلو الاخرى 

1- حسبى الله ونعم الوكيل :
** حسبى الله ونعم الوكيل فى كل مرشح فى تلك الانتخابات لم يعرف عن نفسه 
** حسبى الله ونعم الوكيل فى كل مرشح اجبر الناس على الجلوس فى منازلهم لانهم لم يقرروا من سيختارون 
** حسبى الله ونعم الوكيل فى كل مرشح ادى الى وجود دوائر يوجدا بها 60 مرشح والناخب لا يعرف ولا واحد منهم ولم يرى له صوره او لقاء او حتى يعرف اين مكتبه او ماذا يعمل 
** حسبى الله ونعم الوكيل فى كل مرشح تاجر ويتاجر بأحلام الغلابه بالنزول فى قائمه لحزب ما ثم فى اليوم التالى يقبض اكتر فيتحول الى قائمة حزب اخر ويتسبب فى بلبلة الناس 
** حسبى الله ونعم الوكيل فى كل مرشح تسبب ان المواطنين قرروا ان يجلسوا فى البيوت والا ينتخبوا احدا لان عدم معرفتهم للمرشحين ادى الى خوف الناخبين ان ينتخبوا مرشحين وفى النهايه يكتشفوا انهم اخوان او سلفيين او طابور خامس 
** حسبى الله ونعم الوكيل حسبي الله ونعم الوكيل فى نظام انتخابى فاشل اجبر الناخبين على اختيار نائب يعرفونه ولكن حتى لا يتم إبطال صوتهم لابد ان يختاروا اثنين او ثلاثه اخرين وبالتالى قام الناس بإبطال اصواتهم خوفا منهم من اختيار مرشحين مجهولين .. او اختاروا مرشحين لم يعرفوهم واكتشفوا انهم ضد الدوله !

_____________________________________

2- اعلام العار

** اعلام العار يلوم الناس على عدم النزول الى الانتخابات .. ويحملونهم المسئوليه
موسى وعيسى وبيسا وميسا وجميع انواع الكائنات التى تظهر على الشاشات ليلا ونهاراً يصبون كل غضبهم على المواطنين الشرفاء الذين تناسى هؤلاء الاعلاميين ان هؤلاء المواطنين هم من دفعوا دماءهم وارواحهم فداء لتلك البلاد لحمايتها والحفاظ عليها ونسوا ايضا ان هؤلاء من يصبون غضبهم عليهم هم من نزلوا فى كثير من المناسبات فى عز الحر والبرد للوقوف بالطوابير لإنجاح انتخابات ... ولكن .. يا اعلام العار 
لماذا تلومون على الناس لعدم النزول ..
هل تعلموا لماذا لم ينزل الناس للتصويت بعد سماع صراخكم 

1- لانكم اعلام عار .. خصصتم من وقت حلقاتكم عشرات الساعات قبل الانتخابات بشهور للحديث عن راقصه ستدخل البرلمان او احمد عز وكلاهما وانتم تعلمون انتم وكل من يحرككم ويوجهكم فى حلقاتكم تعلمون ان هؤلاء لن يدخلوا الانتخابات..ولكنكم غسلتم عقول الشعب على مدار شهور واقنعتم الشعب ان اخطر قضاياه هى سما المصرى واحمد عز وتجاهلتم الحديث عن قوائم السلفيين والاخوان والطابور الخامس ... اذن لماذا تلومون على الناس؟

2- لانكم اعلام عار .. كيف تطلبون من الناس تصديقكم وانتم الذين لم تستضيفوا مرشح شاب واحد طوال فترة ما قبل الانتخابات وكل ما رأيناه رجال قائمه معينه كان المطلوب فقط ان ينجح كل رجالها !!!! فلماذا تلومون على الشباب وحتى الحزب الوحيد الذى بدأ قبل الانتخابات بثلاث ايام ورئيسه يبلغ من العمر 24 عام ..ويتحدث عن الشباب..اتضح ان الحزب ممول بطرق معينه .. واكتشفنا ان مرشحى حزب الشباب هذا لا تقل اعمارهم عن 55 سنه ‏‎grin‎‏ رمز تعبيري 

3- لانكم اعلام عار ..
كيف تطلبون من الناس تصديقكم وانتم من تلعبون علينا
الم تكونوا انتم .. وانتم هنا عائده عليكم جميعا دون استثناء 
الم تخرجوا لتقولوا للناس صوتوا للموافقه على الدستور لحماية البلاد ومساندة الرئيس
وان من لن يصوت عليه سيكون من الخونه والطابور الخامس وطابور العيش وكل تلك الطوابير
وفى النهايه خرجتم على الناس مرررره اخرى مؤخرا لتطالبوا بتغيير الدستور وان من اسس هذا الدستور هم الاخوان والطابور الخامس وتطالبون بتعديله ..؟
اى نفاق هذا وتريدون منا تصديقكم يا اعلام العار
لا تلوموا على الناس ... الناس فهمت اللعبه القذره 
انها لعبة السبوووووبه 
__________________________________________

3- الجهل 

ماذا كنتم تتوقعون من مجتمع مازال يعتقد ان الثوره على مبارك كانت هى المهمه
وان الشعب مؤهل للديمقراطيه ومؤهل للبتنجانيه 
وان الثوره فعلا كانت يجب ان تكون على الكراسى 
اى شعب يطالب بديمقراطيه وهو لا يعرف عدد من سيصوت لهم فى ورقة الانتخاب
اى شعب يطالب بديمقراطيه عندما تذهب سيده وتطالب بإنتخاب السيسي فى انتخابات البرلمان !
اى شعب يطالب بديمقراطيه عندما تذهب سيده لتصوت للحج ابراهيم الله يرحمه اصله كان راجل طيب !!!
اي شعب يطالب بديمقراطيه لمتصل فى احد البرامج من الغردقه يقول انه لا يعرف اى مرشح وسيختار ( بالبركه ) بس نازل عشان يزود نسبة المصوتين عشان يبقى شكل السيسي كويس !!

ولا حول ولا قوة الا بالله !!

___________________________

4- مبروك مستر زكريا عزمى الجديد
مش هاقول اسماء .. ولكنه معروف للجميع
عاوز اقولك مبروووك 
مبروك لانك نجحت فى ان تشوه صورة كل من ساندوا الرئيس فى 30 يونيو امام الرئيس
مبروك لانك نجحت فى تشويه صورة احمد شفيق على انه ضد السيسي وخطر عليه 
مبروك لانك نجحت تقفل الفراعين لان عكاشه كان بدأ يتكلم عنك 
عاوز اقولك مبروك .. قايمة الجنرالات نجحت .. ولكنك افسدت الكثير بهذا النجاح 
ولا عجب عندما نفكر ان هناك من يؤذى ابناء الوطن وهو فى منصب بالدوله
نعم هذا صحيح .. 
فمن يسخر البرامج والصحف ليظهر شفيق خائن و لتشويه صورة حزبه 
وفى الوقت نفسه نراكم تمررون دخول حزب النور الى الانتخابات بالرغم من انه بحكم القانون والدستور حزب على اساس دينى وممنوع دخوله ‏‎grin‎‏ رمز تعبيري
والله امر مضحك حتى البكاء ! 

شفيق خائن .. حزبه سىء .. مبارك حرامى .. عكاشه تتسود شاشته 
لكن السلفيين ينزلوا برلمان عادى دون اى تعليق !

بالمناسبه .. انا مسميها قايمة الجنرالات لان فعلا كلها جنرالات
وانا احترمهم جداااااااا او على الاقل من اعرفهم فى القائمه
ولكن اعتراضى على حاجتين .. الاولى انهم الصقوا نفسهم بالريس عشان الناس تتوهم ان دى قايمة الريس اللى بيحبها وقد كان .. والحاجه التانيه اسلوبهم فى تهميش الباقيين وان محدش غيرهم طلع فى الاعلام ومحدش غيرهم اتركز عليه !
ولكن .. يشفع لهم فقط ان وجود افراد من القوات المسلحه او المخابرات داخل البرلمان امر قد يبعث الطمأنينه حتى اشعار اخر !!
________________________

5- هو برلمان السيسي !!! 

النقطه الاخيره يا افاضل .. هى ناتج ضرب كل النقاط السابقه فى الخلاط 
خدعوك فقالوا .. انزل عشان السيسي 
ارادوا الاضرار بالرئيس السيسي فربطوا بينه وبين نسبة الحضور فى الانتخابات 

وهنا يأتى السؤال... 
هو برلمان السيسي ..؟ هو نسبة الحضور تؤثر على شرعية السيسي ؟؟؟
للاسف الجهل والاعلام والمنتفعين والمرتزقه ربطوا لكم الامور بالسيسي 
ارحموا السيسي يرحمكم الله 
فمثلما جاءت قائمة الجنرالات فى دعايتهم بشكل ملتوى ليربطوا بين القائمه والسيسي لتظهر للغلابه على انها قائمة الدوله وقائمه يشجعها السيسي !!
ايضا ربطوا نسبة المشاركه بالسيسي 

اولا يا ساده 
هذا اسمه برلمان .. يعنى الجهه المعاااااااارضه للسيسي 
يعنى لا صفه للسيسي فى نسبة حضور كبيره او قليله 
دا اسمه مجلس نواب الشعب
يعنى لو نسبة الحضور فاشله هذا يعنى فشل نواب الشعب
هذا يعنى انتصار السيسي على نواب الشعب
هذا يعنى ان الشعب يثق فى السيسي اكثر من نوابه
هذا يعنى شرعيه اكبر للسيسي وليست اقل كما يصور الاعلام 

خلــــــى بالك .. 
محدش رابط نسبة المشاركه بشرعية السيسي الا الاخوووووان
ماتخليش حد يضحك عليك .. تنزل او ماتنزلش
يبقى فى برلمان او يتحرق ومايجيش .. مش هايأثر على الريس فى شىء 
الاخوان فقط هم من يبثون تلك السموم ويساعدهم اعلامنا المتخلف والعميل فى بعض الاحيان !

هل تعلم سيدى الفاضل 
ان كبار السن نزلوا الانتخابات عشان بيحبوا السيسي ‏‎grin‎‏ رمز تعبيري
لان تم اقناعهم ان النسبه القليله تضر بالرئيس .. اه والله زى ما بقولك كده !

هل تعلم يا سيدى الفاضل 
ان قطاع كبير جدا قعد فى البيت لان مالوش ثقه فى النواب
وشايف ان السيسي قايم بالواجب وقايم بكل حاجه فالمجلس مالوش لازمه
دا فششششل لكم ايها النواب الفاشلون 

اه صحيح ونسيت اقولك 
افتكر يا فندم ان دى اول انتخابات برلمان فى مصر لريس مالوش حززززززب
يعنى الريس مالوش حزب حريه وعداله ولا حزب وطنى فبيحارب عشان يخليه ياخد اغلبيه فى المجلس ‏‎grin‎‏ رمز تعبيري

** السؤال بقى :
هو نسبة المشاركه اصلا فى اى برملنا فى مصر كانت بتبقى كام ‏‎grin‎‏ رمز تعبيري
بما فيهم برلمانات ما بعد النكسه ‏‎grin‎‏ رمز تعبيري
انتوا بيتم تسويد الصوره فى وشكم والله 
انتخابات برلمان قندهار اللى فات كانت بنسبة مشاركه 

نسبة المشاركه الوحيده التى كانت مهمه للسيسي ومحبيه هى نسبة المشاركه فى الانتخابات الرئاسيه لانه كان طرفا وكان هذا رهانا على مدى حجم حب الشعب له ..
ولكن نسبة البرلمان لا تضره فى شىء ..افهموا ارجوكم
دا برلمان جاى عشان يكون مواده للريس ومراجع لقراراته وفترة حكمه ..يبقي ازاى نربط نسبة نجاحه بالريس !!!!!

___________________________

نقطه اخيره وعارف انى رغيت كتير
دى عشانك انت يا ريس 
فى ناس كتير مانزلتش لانها زعلانه منك 
فى متصل من اسكندريه كلم احمد موسي لخص كل حاجه فى كلمتين
لما قال احنا مش نازلين لاننا زعلانين .. لان محدش بيفتكرنا الا وقت الانتخابات
انما باقى السنه .. بتوع 25 يناير هم اللى بيطلعوا من السجون 
بتوع التظاهر والتخريب هم اللى بياخدوا عفو ..
امال فين 30 يونيو ...؟
دا تفكير الناس يا ريس .. اينعم مالوش علاقه بالبرلمان
لكنهم زعلانين .. زعلانين لان اللى نزل وراك فى 30 يونيو كان كاره ل 25 يناير بكل ما فيها
ولكن مازال يرى الخونه يظهرون فى الاعلام ويخرجون بالعفو من السجون 
وانت مازلت تلقبهم بالثوار الاشراف ! 

________________

انا انتخابات محافظتى مرحله تانيه 
انا معرفش هانزل ولا لا ... لسبب بسيط 
مطلوب منى اختار 3 مرشحين فى الفردى 
واحد بس اعرفه كويس جدا لانه صديق والدى وهو نقيب المحامين السابق جلال شلبى
طيب والاتنين التانيين؟؟؟ اختار بالبركه ويطلعوا اخوان ولا سلفيين ولا بتوع يسقط حكم العسكر؟؟
هاتقولى اسأل؟؟ هاقولك محدش عارف حاجه... مفيش صوره متعلقه .. مفيش يافطه واحد فى طنطا كلها...

اااااه صحيح 
هاتقولى ماهو اللواء فلان والجنرال علان منزل صور مكتوب فيها الناس الوطنيين الموثوق فيهم فى كل المحافظات ... هاضحك ضحكه كبيره واقولك لا .. ااااااسف 
لان فلان وعلان مش منزلين اسماء الموثوق فيهم 
دول منزلين اسماء الناس الموجوده فى قووووائمهم 
يعنى لو واحد كويس مش فى قايمته مش هايعلن عنه 
افهموا بقى .. اللعبه ماشيه ازاى 
كله بيلعب على كله بإسمنا..بإسم الشعب

عاوزين مثال :

عبد الرحيم على ملك التسجيلات ضد الاخوان والنكسجيه
نازل ضده احمد مرتضي منصور اللى نازل ضمن حزب المصريين الاحرار
حزب نجيب ساويرس ‏‎grin‎‏ رمز تعبيري
نجيب ساويرس اللى بينه وبين مرتضى منصور سواد السنين !
مش بس كده .. اكيد كلنا عارفين اللى بين نجيب ساويرس وعبد الرحيم على 
عبد الرحيم على اللى قال ان ساويرس خاين وبيمول ارهاب وبيمول لسقوط الدوله واخر مكالمه له امبارح قال ان ساويرس دفع 20 مليون جنيه عشان يسقط عبد الرحيم على فى الانتخابات...
حلو كل الكلام دا؟؟؟ حلو 

تيجى بقى تعرف ان عبد الرحيم على نجح فى الانتخابات
الاعاده من بعده هاتكون بين احمد مرتضى منصور عضو حزب ساويرس
وبين عمرو الشوبكى 
يتصلوا بعبد الرحيم على يقولوله الحق الاعاده فى دايرتك على المقعد التانى هاتكون بين احمد مرتضى وبين عمرو الشوبكى .. ياترى هاتوجه انصارك ينتخبوا مييييين؟؟؟؟

اضحك يا استاذ... اضحكى يا هانم ..
يرد عبد الرحيم على يقولك مرتضى منصور اخويا
واحمد ابنه هو زى ابنى بالضبط ومقدرش اقف قصادهم
فيرد عمرو اديب يقول لعبد الرحيم على : الله بس دا احمد مرتضى فى حزب ساويرس اللى انت بتقول عليه خاين ؟؟ هاتنجح واحد فى حزب خاين عشان ابوه صديقك ؟؟
يرد عبد الرحيم يقوله: اصل احمد مش فى الحزب من زمان ف مايعتبرش منهم اوى !!!! 
ههههههههههههه ... كوميديا سووووده

احنا بيتتاجر بينا .. وبيتم المتاجره بالريس بتاعنا عشان يدخلوه اللعبه 
ماتخلوش حد يتاجر بيكم .. وماتخلوش حد يقنعكم ان حضور مليون او حضور مليار هايفرق فى شرعية السيسي بشىء 

اسف جدا جدا جدا للاطاله
هاعذر كل واحد هايختلف معايا
وهاتوقع زى ما قلت مصطلحات التخوين وبث السلبيه وكل دا 
لكن .....
( انه البحراوى يا ساده ) ‏‎smile‎‏ رمز تعبيري

E>E
ESlam Elbahrawy

افتحوا ابواق التخوين - فسنتحدث عن برلمان السيسي !** فشل ذريـــــــــــــــــــــــــــــــــــع **1- حسبي الله ونعم ...
Posted by