بالصور فضيحة اعلان شيبسى فوكس الجديد - ابطال الاعلان نجم مكالمات جنسيه والاخر عضو فى فريق باسم يوسف




بالصور اعلان شيبسى فوكس الجديد - ابطال الاعلان نجم مكالمات جنسيه والاخر عضو فى فريق باسم يوسف


يا عينى عليكى يا بلدى 

انا فاكر وانا صغير كان التلفزيون بالنسبالى
برنامج اختارنا لك 
بانوراما فرنسيه 
كلام من دهب
يوميات ونيس
نادى السينما
العلم والايمان
خواطر الشيخ الشعراوى .. الدين والحياه 
ولما كنت اتفرج على الاعلانات 
اعلان بسكوت زى سامبا ولا شيكولاته جيرسى 
او اعلانات المصانع اللى بتنتج المنتجات ويجيبلك خطوط الانتاج وهى شغاله

لكن مصر فى 2015 .. الحال بقى غير الحال
النجم فى مصر حاليا هو اللى قصادكم فى الصوره
احمد التباع 
واحد سواق عربيات نقل .. كان بيكلم ( فتاة ليل ) فى التليفون
البنت كانت بتسجله المكالمات الجنسيه ونشرتها على اليوتيوب 
نسبة المشاهده للمكالمات دى على اليوتيوب ارتفعت وتخطط الملايين 
اصبح احمد التباع مشهور وكل ايفيهاته الجنسيه فى المكالمات بيقولها الشباب لبعض
فجأه طلع النجم احمد التباع مع طونى خليفه واتكلم عن انه ازاى بيشرب حشيش
وان الحشيش مش ادمان بالعكس دا بيعطيه قوه عشان يواصل شغله ! 

فوجئنا بعدها ان احمد التباع
نجم المكالمات الجنسيه هو ضيف رامز جلال فى برنامجه بتاع المقالب
واتعرضت الحلقه وابتدى الكل يسأل مين النجم اللى جايبه رامز جلال
وعرف الناس ان النجم هو احمد التباع

الصوره دى من اعلان شيبسى 
استعان بأحمد التباع عشان يظهر على التلفزيون يروج لمنتج غذائى
لان هو النجم .. هو اللى محقق مشاهدات عاليه
هو اللى له مكالمات جنسيه على اليوتيوب

عارفين قصة الاعلان ايه ؟
احمد التباع فى المكالمات الجنسيه بتاعته ..فتاة الليل كان اسمها هبه
الاعلان قصته قايمه ان احمد التباع بيكلم ولد على الموبايل 
وبيشتغله .. وبيقوله انا هبه من الزمالك
يعنى حتى محتوى المكالمه الجنسى اتنقل بكل سهوله فى التلفزيون 

اه نسيت اقولكم .. الصوره مقسومه اتنين ... 
الجزء الكبير من الصوره هو بطل المكالمات الجنسيه احمد التباع
والصوره اللى فوق الصغيره ...؟ فاكرينه ؟؟ شكله مش غريب صح ؟
ايوه ماهو برضو مرتبط بالجنس والسفاله
واحد من اعضاء فريق باسم يوسف اللى كان بيظهر فى برنامج البرنامج !!!
احمد الجارحى

وبتستغربوا الشباب مكتئب ليه
الشباب بيقطع الشهادات اللى اخدها ليه
الشاب مننا درس واتعلم حياته كلها والاخر بيشتغل ب 600 جنيه
فى حين ان واحد عمل مكالمه جنسيه وصل للشهره والتلفزيون

هم يضحك
وهم يبكى 

E.E
Eslam Elbahrawy

يا عينى عليكى يا بلدى انا فاكر وانا صغير كان التلفزيون بالنسبالىبرنامج اختارنا لك بانوراما فرنسيه كلام من دهبيوميا...










Posted by