بالصور - النظام العالمى الجديد فى مناهج الثانويه العامه !



بالصور - النظام العالمى الجديد فى مناهج الثانويه العامه !


لحظه من فضلك ... دقيقه تركيز !

** الى السيد وزير التربيه والتعليم 
سؤال يا فندم .. هو مين بيحط المناهج ومسئول عن الكلام والصور جوا الكتب ؟


كنا زمان بندرس الدرس دا تحت عنوان ( العولمه )
وكانوا بيفهمونا ان العولمه دى هى الانفتاح على العالم
وان العالم قريه صغيره ... وان فى دول اختفت و دول ظهرت

لكن حاليا .. فى 3 ثانوى
بيتم تدريس الدرس تحت عنوان ( النظام الدولى العالمى الجديد ) !
طبعا لازم يتم تغيير اسم الدرس ليتماشى مع الفوضى الخلاقه بتاعت الست كونداليزا !

** مش بس كده
دا حتى الخريطه المحطوطه جوا الدرس ...
الايد تم وضعها على مناطق الصراع ..
درس بيتكلم عن نظام عالمى جديد
بيتم تدريسه لطلاب فى مصر ( جزء من العالم العربى )
ومن بين الخرائط يتم وضع الجزء دا من الخريطه ( افريقيا )
ويتم وضع اليد عليه وهى ممسكه بالقلم فى اشاره لاعادة رسم المنطقه
ومحدش يقول ان الصوره لها علاقه اننا دوله عربيه او افريقيه
اولا الصور دى بتتحط للتوضيح فقط كمجرد رسم كروكي
ثانيا دروس كتير اخدناها فى الجغرافيا وكانت الاستعانه بخرائط لاوروبا وامريكا
اشمعنى الدرس دا .. بالعنوان دا
وطبعا مفيش مؤامره ولا شىء مقصود !!!!!

** و اكيد مش محتاج اتكلم عن تهيئة عقل الطالب عشان يقبل مصطلح النظام العالمى الجديد
ازاى الطالب يقدر يعادى المصطلح دا .. وهو بيحفظه اصلا
خصوصا ان الدرس دا فى منهج طلاب تالته ثانوى
يعنى السنه اللى الطالب بيحفظ فيها الكلمه مليون مره عشان يجيب مجموع
يعنى المصطلح والكلمه راسخين فى ذهنه للابد !!!

كمل نوم يا فندم
اللى قبل نام وشبع نوم برضو
واهم حاجه نوفر الدكك و الصبوره والطباشير للطلاب
انما اللى جوا الكتب دا رغى مالناش دعوه بيه !

E.E
Eslam Elbahrawy

لحظه من فضلك ... دقيقه تركيز !** الى السيد وزير التربيه والتعليم سؤال يا فندم .. هو مين بيحط المناهج ومسئول عن الكلا...










Posted by