بعد ما قالته البعثه التشيكيه - عهد الفراعنه شهد تطور تكنولوجى ام لم يشهد ؟ّ!



بعد ما قالته البعثه التشيكيه - عهد الفراعنه شهد تطور تكنولوجى ام لم يشهد ؟ّ!


العلبه فيها فيل ولا مافيهـــــــــــــــاش ؟!!!!

اصل العاده السوده المنيله بنيله .. صعب تتخلص منها
والواحد مابيقدرش يعدى الكلام من غير ما يركز فيه يا اخواننا !


نمشيها واحده واحده طيب

1- حضارات العالم القديم لم تكن متطوره

2- حضارة الاهرامات واحده من الحضارات دى وكانت حضاره قايمه على الصيد والزراعه والنحت فى الاحجار والصخور

3- طيب نسمع الراجل بتاع التشيك بيقول ايه !

4- السنه اللى فاتت فى منطقة ( ابو صير ) فى غرب القاهره اكتشفوا مقبره اثريه

5- المقبره اتضح انها تعود للملكه ( خنت كاوس الثالثه )
وكانت تسمى الملكه الام

6- بعد عام كامل من فحص المقبره .. خرج علينا اول امبارح الباحث ميروسلاف بارتا مسئول فريق المعهد التشيكي لعلم المصريات وقال ان المقبره اكتشافا أثريا عظيما، موضحاً أنها تسد فجوة مهمة فى التاريخ المصري القديم، وأن التحليلات الأولية لمحتوياتها أكدت وجود عدد من أوجه التشابه بين هذا العصر وعصرنا الحالي.


7- واكمل العالم كلامه وقال أشارت الرسومات الموجودة على جدران المقبرة إلى أن لقبها هو "الملكة الأم"، مؤكدًا أن عصرها كان بداية انهيار الحضارة المصرية القديمة.

وفي تعليقه على التحليلات الأولية لمحتويات المقبرة، قال عالم المصريات التشيكي "كانت هذه الفترة حرجة فى التاريخ الفرعوني، وبدأ خلالها ظهور عوامل تساقط الحضارة الفرعونية كتنامي الاتجاهات نحو الديمقراطية وانتشار الفساد التغيرات المناخية، وخلال ألفي عام من وفاة الملكة الأم توقف نهر النيل عن الفيضان، وظهرت المجاعات وتدهور الاقتصاد وسقطت الحضارة المصرية القديمة، وهو ما يتشابه تماماً مع الأحداث والتطورات التي يشهدها العالم خلال العام الحالي".

8- اختتم "بارتا" كلامه قائلا: "هذا التشابه الكبير بين عصر الملكة الفرعونية والذى نعيشه الآن رغم اختلاف الزمن يدفعنا للتفكير في إيجاد طرق جديدة لتجنب الكوارث الكبرى المتوقع حدوثها فى العالم"، مؤكدًا أن المؤشرات التى نقرأها من خلال هذا الاكتشاف الأثري والتاريخي تجعلنا ندرك أننا على مقربة من نهاية العالم

9- كل ما سبـــــــــــــــــــــــــــق جميل جدا جدا
مش هانقف عند مدى اهمية المقبره وما تحتويه
ومش هانقف عن تشابه الاحادث اللى بترويها جدران المقبره مع احداث عالمنا الحالى
انا هاقف عند نقطه واااحده
الراجل قال ان المقبره بعد تحليل اللى فيها بتقول ان الحضاره المصريه وقعت او انحدرت بسبب التغيرات المناخيه و جفاف نهر النيل ..!
و ان دا اشبه باللى حاصل فى عالمنا حاليا

10- ... قوووولى بقى يا حضرة العالم انت وكل العلماء المحترمين
احنا اتعلمنا ودرسنا ان حضارة الاهرامات رجعيه بدائيه و احجار وتماثيل
هو حضرتك مش انتوا برضو علمتونا فى الجغرافيا ان تغيرات المناخ بتيجى نتيجة التقدم التكنولوجى ووجود المصانع والطائرات والحروب بالاسلحه المتطوره مما يؤدى لتلوث الهواء .. فيتغير المناخ ؟؟؟؟
طيب سيادتك فى بيئه بدائيه زى ايام الفراعنه؟؟ ايه اللى لوث المناخ و ايه اللى غيره واصبح سىء؟
مادام الناس دى ماعندهاش تكنولوجيا ؟؟ ولا تقدم ؟؟ ولا ماكينات؟؟ وبالتالى مفيش تلوث

11- يبقى السؤال
فيها فيل ولا مافيهاش فيل
ولا المناخ دا بيتلوث بالريموت كنترول ولا ايه؟؟؟؟
الكلام اصبح متناقض وغير مقنـــــــــــــع بشكل اصبح ملفت جدا
لو الحضاره دى بدائيه .. يبقى كلامك وتفسيرك غلط
ولو كلامك صح ان المناخ تلوث و ادى لانهيار الحضاره
يبقى الناس دى كانت متقدمه جدا لدرجة الوصول لتكنولوجيا مماثله للى بنعيشها الان فلوثت الهواء وغيرت المناخ !؟

ولا ايه؟؟؟

E.E
Eslam Elbahrawy
العلبه فيها فيل ولا مافيهـــــــــــــــاش ؟!!!!اصل العاده السوده المنيله بنيله .. صعب تتخلص منهاوالواحد مابيقدرش يعد...










Posted by