والنتيجه - حضارة الاهرامات بناها بنى اسرائيل - شكرا ثورات الربيع العبرى



والنتيجه - حضارة الاهرامات بناها بنى اسرائيل - شكرا ثورات الربيع العبرى

حضارة الاهرامات .. قام ببناءها بنى اسرائيل .. شكرا ثورات الررربيع العررربى ! 

** طبعا الكل سمع الاسبوع اللى فات عن خبر عثور اسرائيل على ختم الملك تحتمس الثالث اقوى ملوك وحكام مصر الفرعونيه 


** كان الإسرائيلي "آميتي حقلائي" في نزهة بصحبة أطفاله على جبل حطين في منطقة الجليل الأسفل شمال فلسطين المحتلة، عندما وقعت عيناه بين أحجار البازلت السوداء المنتشرة في المكان على حجر أبيض صغير على شكل جعران منحوت ومزخرف، اتضح فيما بعد أنه ختم الفرعون المصري تحتمس الثالث


** يظهر الفرعون تحتمس الثالث جالسا على كرسي العرش ، وأمامه خرطوش فرعوني على شكل مستطيل يحتوي على الرموز التي تمثل اسمه باللغة الهيلوغريفية".

** هنا بقى بعد دا كله نقطة نظاااام



1- بعد هذا الخبر ناس طلعت قالتلك .. لازم وزير الثقافه و وزير الاثار يجروا على اسرائيل بقى .. لان الختم دا يثبت تواجد الفراعنه فى المنطقه دى يبقى الارض دى كانت بتاعتنا !!

2- ناس تانيه قالتلك الحق ... دا اسرائيل بتعلن الاكتشافات دى عشان عاوزه تثبت ان الاهرامات وحضارة الفراعنه اللى بناها هم بنى اسرائيل !!

3- مالا يدركه البعض او الكثيرين وليس البعض
ان المشكله تدور حول عدة نقاط اخرى :

أ- اولا لازم تعرفوا ان اسرائيل مش عاوزه تثبت ان حضارة الفراعنه تخصهم
اسرائيل بتلعب مع المصريين نفس اللعبه اللى لعبتها مع المسلمين
لعبة اسرائيل مع المسلمين انها طلعت بمشكلة فلسطين .. سابتهم مشغولين بيها وبالمسجد الاقصى والحرب بقالنا 70 سنه فى المجال دا ... قدروا يشغلونا..و هما بيبحثوا ويخربوا فى اماكن اخرى واحنا مش واخدين بالنا

ب- اللعبه اللى بيلعبوها مع المصريين
اسرائيل عارفه ان عمرها ما تقدر تثبت ان الحضاره دى بتاعتها
وكذلك عارفه انها ماتقدرش تاخد الاثار دى من مصررر
لكـــــــــــــــن
اسرائيل او خلينا نقول ( الصهاينه )
يدركون جيدا جدا جدا جدا اهمية الحضاره وما تحويه من اسرار وكنوز
فعملوا ايه ؟؟؟ قالك ماينفعش المصرى يستفيد بيه
ازاى لا يستفيد منه؟
اشغله .. اطلعله فى حوار وقوله اللى بنى الحضاره دى الاسرائيليين
لا اللى بناها قوم مش عارف مين
وهو يفضل يدافع ويحارب لانكار تلك الافكار
ولا يلتفت للبحث عن الكنوز والاسرار الموجوده فى الاهرامات
حتى نقنعه ان تلك الاهرامات لا فائده منها وهى مجرد احجااار
و اظن ان هذا كان واضح جدا على مدار العقد الماضى وحتى اسبوع مضى
حاولوا يقنعونا ان الاهرامات مجرد مقابر
والاهرامات مجرد مبانى مهجوره ضيع المصريين وقتهم فيها
واخيرا تصريح بن كارسون المرشح لرئاسة امريكا
لما قال ان الاهرامات كانت مجرد مخزن للغله والحبوب والمزروعات !!!!

ج- السؤال اللى لازم نشغل نفسنا بيه
وهو اللى بيدور حوله اللعبه الاصليه
حضراتكم فاكرين لما قولتلكم ان العامل المشترك بين كل الدول اللى قامت فيها النكسات .. كان ان اول حاجه بتتسرق وقت النكسات دى كانت الاثار والمخطوطات..حدث ذلك فى مصر والعراق وتونس وليبيا وسوريا ونشرت العديد من المقالات عن تلك السرقات التى حدثت فى اولى ايام تلك النكسات فى البلاد المذكوره وقلت ان السبب هو تجميع تراث وحضارة عالمنا العربى والاسلامى واخفاءه
وبذلك الطفل الموجود الان .. عندما يصبح شاب كبير ويدرس فى الكتب ان له تاريخ
يسأل عن ذلك التاريخ فلا يجده !
وهنا تظهر اسرائيل فى متحفها تنشر الاثار والمخطوطات المزيفه التى تثبت انتصارها علينا
وبذلك الشاب يكذب بلده لان ليس لديها دليل لان الدليل وهو الاثار غير موجود .. اتسررق
انما يصدق اسرايل لان هى اللى عندها الاثار والمخطوطات
وبكده يخلقوا جيل قادم بلا هويه او انتماء او تاريخ

د- السؤال
واللى من خلاله هاثبت صحة كلامى
انتوا مصدقين ان ختم ملك .. يعنى اهم حاجه تخص الملك
ومش اى ملك .. دا اهم واكبر ملوك الفراعنه
ممكن نلاقيه مرمى وسط جبل وسط الصخووور؟
هو مش محتويات الملوك يتم دفنها معهم فى المقبره
و دا معناه ؟؟
ان بسبب نكسات الربيع العبرى تم سرقة تلك المحتويات من مصر وتم تهريبها اثناء النكسه
وطبعا اسرائيل ماتقدرش تقول ان الحاجه دى وصلتلها عن طريق التهريب
فيكون الحل ايه ..يجيبوا واحد ويقولك وانا بلعب انا وولادى لقينا الخاتم فى الصخر وسط الجبل !!
و دا حصل مؤخرا فى اخر 3 شهور اكتر من 4 مرات بنفس الطريقه ونفس السيناريو

** الموضوع اكبر من سرقة اثار وفلوس
واكبر من اثبات مين اللى بنى ومين اللى عمل
الموضوع قائم على بناء تاريخ مزيف .. اصول الغير مزيفه فى حوزة بنى صهيون !!

E.E
Eslam Elbahrawy

حضارة الاهرامات .. قام ببناءها بنى اسرائيل .. شكرا ثورات الررربيع العررربى ! ** طبعا الكل سمع الاسبوع اللى فات عن خبر ...










Posted by