بالصور - شوت سكرين فى الصميم - شاهد تحولات وجه عمرو اديب فى دقيقه واحده اثناء مكالمة الرئيس له
** شوت سكرين --- فى الصميـــــــــــــــــــــــــم **
- دايما بحب اركز فى حاجات معينه ويمكن اهمها بيكون لغة الجسد فى بعض المواقف لانها بتوضح حاجات كتير اوى
- امبارح فى حلقة برنامج القاهره اليوم عمرو اديب افتتح الحلقه بالحديث عما يحدث فى تونس وان البلده اللى وقعت فيها احداث تونس تشبه سيناء من حيث الفقر وعدم وجود تنميه
- ثم انتقل اديب ليفتح ابوااااق للحديث عن فشل الدوله فى سيناء من حيث التنميه وان الدوله لا تتحرك والدوله لا تقوم بالتنميه لذلك هى بمثابة من يقول للارهاب اتفضل ادخل سيناء بكل امان
وان الدوله تساعد على انتشار الارهاب فى سيناء من خلال عدم وجود تنميه !
- وطبعا عشان مايبقاش شطح .. عمرو اديب ذكى
راح داخل طبعا فى قصة اننا لازم ننمى سيناء عشان ولادنا اللى بيموتوا كل يوم والكلام دا
- فى خلال حوالى 60 ثانيه انا اخدت 4 شوت سكرين
اندهشت من تباين لغة الجسد واختلافها عند عمرو اديب فى دقيقه واحده
اللى بالنسبالى وبشكل شخصى حسيت انه اتخض
انه فتح على الرابع للوم الدوله بدل من ان يتحدث عن ما نواجهه من ارهاب فى سيناء
وفجأه ..تفاجىء بوجود الرئيس السيسي على الهاتف وهو امر لم يتوقعه !
1- الصوره رقم 1 .. وجه عمرو اديب وهو بيشووح بإيده اثناء عصبيته وهو يتحدث عن فشل الدوله فى تنمية سيناء وتقصيرها
2- الصوره رقم 2 .. وجه عمرو اديب الذى ظل على هذا الحال لمدة 5 ثوانى بدون تحرك او اى تعبير اخر بعدما ابلغوه فى الاستديو ان الرئيس السيسي على الهاتف !!
3- الصوره رقم 3 .. كان التعبير الاكثر وضوحا لحالة الارتباك وكان ذلك بعدما تحدث معه مسئول الرئاسه على الهواء وقال له سيادة الرئيس سيحدثك
4- الصوره رقم 4 .. تظهر نظر عمرو اديب الى الاسفل
لم يواجه الكاميرا اثناء الحديث مع الرئيس فى بداية المكالمه
فأخذ حوالى 20 ثانيه على هذا الشكل وقال للرئيس
مساء الخير يا فندم - حمد الله على السلامه .. ومبروك على رحلتك الاخيره الناجحه
و ما زاد من توتر اديب رد الرئيس السيسي بضحكه قصيره وكأنه بيقوله جرى ايه يابنى انت مش كنت بتقول الفشل ومفيش تنميه وصوتك عالى من شويه !!
** توقفت جدا جدا على تباين لغة الجسد عند الاستاذ الاعلامى فى اقل من دقيقه لاكثر من تعبير مختلف ومتناقض .. من قمة الاريحيه والعصبيه والثقه .. الى حالة ارتباك وتوتر !
( وجهة نظر )
E>E
Eslam Elbahrawy
** شوت سكرين --- فى الصميـــــــــــــــــــــــــم ** - دايما بحب اركز فى حاجات معينه ويمكن اهمها بيكون لغة الجسد فى ...Posted by Eslam Elbahrawy on 8 مارس، 2016