ايقاف برنامج احلام - قبل ان تتمنى حكومه مثل حكومة الامارات - تمنى شعبا مثلهم
** لما نبقى زى شعب الامارات - نبقى نطلب من الحكومه تبقى زى حكومة الامارات **
- برنامج ... بس مش اى برنامج
قد يظن البعض انه برنامج فنى او برنامج تافه عادى زى كل البرامج اللى بيتم عرضها
وقد يكون البرنامج بمحتواه كذلك
ولكن ...
صاحبة البرنامج هى القصه
- برنامج الملكه او The Queen بتاع الفنانه احلام
لكل اللى مايعرفش احلام
ايوه ليك حق ماتطيقش غطرستها
وليك حق تكره غرورها
وليك حق حتى تقول غناها خليجى مش بحبه
لكن الحقيقه ان جماهيرية احلام بل وقوتها احيانا ممكن تفوق قوة و جماهيريه سياسيين كبار فى عالمنا العربى
- احلام فى الخليج حاجه كده بالنسبه للناس هناك زى الاكل والشرب
- احلام عملت برنامج اطلقت عليه اسم الملكه
البرنامج اتعرض اول حلقه منه على قناة دبى
البرنامج كان فيه اشياء مستفزه كتير
الشعب الاماراتى عمل احتجاج قوى جدا على مواقع التواصل
تانى يوم حكومة الامارات تقرر بالأمر .. ايقاف برنامج احلام
- القرار صدر ان المسئولين فى تلفزيون دبى قرروا وقف البرنامج
ولكن الكل يعلم ان القرار ليس قرار مسئولين ولكنه قرار من فوق زى ما بنقول
- ايه اللى حصل بعد كده؟
احنا بنتكلم عن احلام .. تنتقدها وتتخنق منها وايا كانت ملاحظاتك الا ان لها تاريخها الفنى الكبير جدا .. ومع ذلك .. الشعب الاماراتى عمل هاشتاج على تويتر يحيي حكومته ويحيي قرار الوقف واصبح الهاشتاج هو رقم 1 على تويتر
- ماشوفناش فنان طلع قال دا قمع للفن
- ماشوفناش حد بعت لحقوق الانسان فى الخارج وقالهم بيكمموا الافواه
- ماشوفناش ناس عملت صفحات تواصل و شتمت الامارات وحاكمها
- ماشوفناش حد قال النظام فى الامارات الغى برنامج وخايف مثلا
- احلام نفسها كانت ممكن تعترض وتعمل ازمه
الا انها قالت انا احترم القرار
- بالشكل دا تقدر توقف اى عمل لاى حد
لو وراك ارادة شعبيه كبيره و وراك شعب فاهم ومعترض وبيساندك
- قرار الوقف لما نزل اتكتب فيه :
نزولا عند رغبة المشاهدين ومراعاة لمطلب الجمهور، تعلن قناة دبي عن إيقاف بث برنامج "ذا كوين
- انما تعالى عندنا
عاوزين نوقف برامج لاعلاميين بيحرضوا ويعملوا فتنه
عاوزين نوقف برامج بتهد البلد
عاوزين نوقف برامج ساخره بتهزأ الشعب المصرى على قنوات سعوديه
ولكن ...
لو الحكومه قالت هانوقف كذا
او حتى بلاش الحكومه
لو القنوات دى وقفت البرامج .. والناس شكت ان الحكومه هى اللى ضغطت عشان يحصل الوقف دا
تفتكروا هتلاقوا شعب يساند ؟؟؟؟؟؟
انســــــــــــــــــــــــــى
البرامج دى مستمره لان لها مشاهدين
ابراهيم عيسى والابراشي ومن قبلهم باسم يوسف وحتى الان فاهيتا
كل دول لهم مشاهدين و اتباع ومصدقين لكلامهم
- لما يبقى اراده واحده
تقدر تتحكم فى اللى بيحصل جوا بلدك
E.E
Eslam Elbahrawy
** لما نبقى زى شعب الامارات - نبقى نطلب من الحكومه تبقى زى حكومة الامارات **- برنامج ... بس مش اى برنامج قد يظن البعض...Posted by Eslam Elbahrawy on 22 مارس، 2016