وجهة نظر فى موضوع تيران وصنافير - اعتراض المصريين يعطى الحق للسودان للاحتفاظ بحلايب وشلاتين - إثبت تاخد حقك
عاوز تعرف وجهة. نظري في ( إسترجاع الملكيه ) ؟؟
حاضر
في ثانويه عامه في المنطق كان في قاعده اسمها
بما ان… اذن
يعني بما ان حماده مش بيحب اللبن
اذن حماده مش هياكل الرز بلبن عشان فيه لبن
يجعل ايامكم لبن ان شاء الله
المهم
نعامل بقي الشعب المصري بمنطق بما ان و اذن
اولا مش عارف مين حط في دماغكم و برمج دماغكم علي كلمة بيع
طبعا غباء و سقطه من الاداره السياسيه ان يتم الاعلان عن الموضوع دا
في الوقت اللي جاي ملك السعوديه يحط استثمارات
فظهر ان دي قصاد دي
رغم ان حوار الجزيرتين بقاله فوق العشرين سنه جارى المناقشه فيه
ثانيا
بما ان احنا مش معترفين ان الجزر مش بتاعتنا
وبما ان احنا مصممين نعمي العيون رغم انها شايفه اوراق ووثائق
اذن… وبناء عليه
حلايب وشلاتين سودانيه
ايووووه
انت لسه هاتبص وتقرا الكلام تاني
ايوه سودانيه
حلايب وشلاتين سودانيه
بنفس منطق تعامل المصريين مع الجزيرتين سودانيه
الجزر السعوديه شوفنا وثائق مبعوته تقول ان القوات المسلحه السعوديه مش قادره تحمي الارض فخدوها يا مصريين تحت سيادتكم
طيب وحلايب وشلاتين
انا اقول لسيادتك القصه بقي
القصه مشيت بالتدريج الاتى :
1- يعد الوجود البريطاني المتزامن في مصر والسودان هو الذي أدى إلى تعيين الخط الحدودي الفاصل بين البلدين، وكان ذلك عملاً من نتاج
الفكر الاستعماري البريطاني الذي كان يترقب لحظة تفكيك أملاك الدولة العثمانية، حيث وقعت إتفاقية السودان بين مصر وبريطانيا في 19 يناير
1899م، والتي وقعها عن مصر بطرس غالي وزير خارجيتها في ذلك الحين، وعن بريطانيا اللورد "كرومر" المعتمد البريطاني لدى مصر
2- في يناير عام 1958م، عندما أرسلت الحكومة المصرية مذكرة إلى الحكومة السودانية اعترضت فيها على قانون الإنتخابات الجديد الذي
أصدره السودان في 27 فبراير 1958م . وأشارت المذكرة إلى أن القانون خالف اتفاقية 1899م بشأن الحدود المشتركة إذ أدخل المنطقة الواقعة
شمال مدينة وادي حلفا والمنطقة المحيطة بحلايب وشلاتين على سواحل البحر الأحمر ضمن الدوائر الانتخابية السودانية، وطالبت حينها مصر
بحقها في هذه المناطق التي يقوم السودان بإدارتها شمال خط عرض 22 درجة، وكانت هذه هي المرة الأولى التي أعلن فيها نزاع على الحدود بين
البلدين.
*** مما سبق نفهم ان برضو فى عهد الدوله العثمانيه
مصر قالت للسودان خدى حلايب وشلاتين تحت ادارتك بمزاجنا !
*** نيجى بقى لدفوع مصر اللى بتستند عليها عشان تاخد حلايب وشلاتين تانى من السودان
وركز لو سمحت فى النقطه رقم 4 :
1-. تؤكد مصر بأن التعديلات الإدارية التي جرت على الحدود المشتركة بينها وبين السودان تمت من الناحية الرسمية لأغراض انسانية
وهي التيسير للقبائل التي تعيش على جانبي خط الحدود، وهي لا تزيد عن كونها مجرد قرارات إدارية عادية صدرت استجابة لرغبات المسئولين
المحليين في المناطق المتنازع عليها واقتصر أثرها على هذا الدور فقط.
واذا كان الأصل أن تتطابق الحدود الإدارية للدولة مع حدودها السياسية إلا أنه في بعض الحالات يمكن أن يكون هناك اختلاف بينهما كما الحاصل
في الحالة التي نحن بصدد دراستها وذلك وفقا للقرار الإداري الصادر عن ناظر الداخلية المصري في عام 1902؛ حيث تنازلت مصر للسودان -
الدولة المجاورة لها- عن ادارة بعض اجزاء من اقليمها –مثلث حلايب- إذ بموجب هذا التنازل تقوم الدولة المتنازل لها بمباشرة سلطاتها الإدارية
علي هذه الأجزاء، دون أن يؤثر ذلك –بالطبع- علي حقوق السيادة الاقليمية الثابتة للدولة المتنازلة عن هذه الاجزاء.
2- أن التعديل الإداري علي اتفاقية تحديد الحدود الدولية بين مصر والسودان عام 1899م لم يؤثر علي سريان وجريان وامتداد خط العرض
رقم (22) والذي يعد الحد الفاصل بين الدولتين مصر والسودان، حيث يمتد خط العرض (22) حتي ساحل البحر الأحمر وتحديدا عند ميناء "
عيذاب" المصري.
3- تؤكد مصر إلى أنها لم تبرم اية معاهدات أو اتفاقيات دولية سواء بين مصر وبريطانيا أو بين السودان ومصر في جميع المراحل الزمنية
والتاريخية لإضفاء صفة (دولية) على التعديلات الحدودية الإدارية.
4- إن ادراة السودان لمثلث حلايب وشلاتين وأبورماد لفترة عارضة طارئة لا يمنح السودان أية سيادة، ولا ينفي عن مصر سيادتها علي أية
بقعة من بقاعها أو مصر من أمصارها فالحق القانوني التاريخي المكتسب لمصر قد تحدد بموجب اتفاقية ترسيم الحدود لعام 1899م.
*** ركزت فى رقم 4 ...
ان ادارة السودان لجزء من ارضنا لفتره من الزمن ايا كان لا ينفى سيادتنا عليها
لو بصيت بنفس المنطق اللى بتدافع بيه مصر عن حلايب وشلاتين
هتلاقى ان نفس المبدأ لو تم تطبيقه على الجزيرتين هاتعرف انهم مش من حقنا
فى حال ثبوت الاوراق الرسميه والوثائق التاريخيه التى تثبت تنازل السعوديه عن الجزيرتين لمصر !
--- وهنا وجب ان احنا نقول
هانبص بأى مبدأ .. ماهو ماينفعش يبقى قضيتين طريقهم واحد ونبص لكل واحد بعين مختلفه
لو الجزيرتين تم التنازل عنهم والسعوديه عاوزاهم واحنا مش موافقين
يبقى حلايب مش بتاعتنا ومن حق السودان يتمسك بيها !!
لان الموقفين متشابهين وتقريبا حصلوا فى نفس التوقيت والظروف !
*** اخيرا .. انا مش هاممنى البرلمان ولا الاستفتاء الشعبى يوافق او يرفض
ولا هاممنى العلاقات مع السعوديه تتحسن او تتوتر بسبب الموضوع دا لان زى ما احنا بنحتاج للاخرين الاخرين برضو بيحتاجوا لينا
لكن انا يهمنى ان محدش يبيع دماغه ويردد كلام الخونه حتى ولو نيتك سليمه
بلاش تقع فى الفخ
*** اللى بيحبوا مبارك بيحبوا مصر و زى ما رفضوا ان مبارك يتم تخوينه
عمرهم ما يوافقوا ان السيسي يتم تخوينه
وبناء عليه سيبك من ( بعض) والقله القليله اللى بتنسب نفسها لمبارك اللى بدأت تردد كلام الاخوان وتشتم فى الرئيس
*** اللى بيحبوا احمد شفيق بيحبوا مصر و زى ما رفضوا ان شفيق يتم تخوينه
عمرهم ما يوافقوا ان السيسي يتم تخوينه
وبناء عليه سيبك من ( بعض) والقله القليله اللى بتنسب نفسها لشفيق اللى بدأت تردد كلام الاخوان وتشتم فى الرئيس
بدليل انهم اصبحوا فى نص هدومهم بعد خروج شفيق ببيان يقول فيه ان الجزيرتين فعلا ملك للسعوديه
*** اما بخصوص اننا كنا بندرس ان الجزر دى بتاعتنا
لو تفتكروا من اسبوعين لما نشرت بوست عن ثورة الامهات على التعليم
وطالبتهم ان بدل ما يكون منهجهم هو الحذف والنسف
ان يطالبوا بوضع مناهج تنمى العقول وتوضح التاريخ الحقيقي
من هنا اقدر اقف معاهم واقول عندنا خطأ تاريخى درسناه
يبقى دا واحد من الحاجات اللى لازم تتنسف فى المناهج ويتم تعديلها بما يناسب الحقيقه وما نعيشه الان
** سواء عن طريق البرلمان او الاستفتاء
اظهروا لينا الوثائق اللى تثبت
اظهروا لينا المخاطبات والاجتماعات اللى حصلت على مدى السنين اللى فاتت
ووقتها هايظهر الحق من الباطل ..
واللى له حق ياخده ..
** لو احنا اعطينا السودان حق اداره حلايب وشلاتين ولدينا من الوثائق ما يثبت حقنا..يبقى يا اما ناخدها يا اما تبقى السودان بتعتدى علينا
ولو السعوديه معاها من الوثائق ما يثبت انها اعطت مصر حق ادارة الجزيرتين .. واحنا رفضنا نسلم الجزر .. يبقى يا اما ياخدوا حقهم .. يا اما نبقى بنعتدى عليهم
الامر بسيط وسهل .. اثبت تاخد حقك !
انا اسف جدا جدا للاطاله
لكن زى ما قلت الموافقه على نقل ملكية ( وليس بيع ) الجزيرتين للسعوديه من عدمه لا علاقة له بثقتى فى رئيس بلدى اللى انا انتخبته وواثق فيه
.. لان الموضوع لا هو موضوعه ولا موضوع اللى قبله ..الموضوع من سنه 90
هو بس مشكلته انه مازال بيعامل شعب مصر على انه شعب بيصون المعروف
ونسى اننا عندنا ذاكره زى ذاكرة السمك وبنفتكر الوحش قبل الحلو
وماينفعش معانا مبدأ .. انا باخد الضربه فى صدرى
ياريس .. احنا شعب لو كيلو اللحمه نزل 20 جنيه هايهتف بإسمك
ولو كيلو السكر زاد ربع جنيه هايلعن فيك
و قبل الختام .. رساله بسيطه :
و لك فى مبارك عبررررررررررررررررررررره
والسلام ختام !
