بين مالك عدلى وعمرو عمار و صحيفة الواشنطن بوست

** الحقوقيين والنشطاء وفكرة المنهج الثابت مع اختلاف الاماكن والتوقيتات **

- بين مالك عدلى وعمرو عمار و صحيفة الواشنطن بوست -

بسم الله الرحمن الرحيم

- دايما الواحد بيحب يركز فى كل كلمه بتتقال لما يكون المعنى بيها عميل او مغيب او كاره للبلد من النشطاء والحقوقيين والاغبياء اللى طفحوا فى مصر بعد انفجار ماسورة المجارى العموميه فى 25 يناير 2011

- منذ حوالى شهر او شهر و نص

كان لقاء على قناة دريم يجمع بين كل من

مالك عدلى .. المحامى اللى كان بيدافع عن شباب الواقى الذكرى بإستماته

واللى من انصار يسقط حكم العسكر والاختفاء القسرى

وكان موجود الاستاذ عمرو عمار

اعتقد انه معروف للجميع طبعا كواحد من المهاجمين لمثل هؤلاء

وكان موجود اللواء السابق محمد نور الدين

- اثناء الحلقه تطرق مالك عدلى للحديث عن اشياء كثيره مما تعلمها على يد ماما امريكا كواحد من نشطاء النكسه .. الحكم المدنى والظلم والقضاء المسيس و الداخليه البلطجيه وكل ما نسمعه على مدار الخمس سنوات السابقه من مصطلحات هبطت علينا من خلال دكاكين حقوق الانسان ومن ينتمون لها

- ثم اثناء الحديث ذكر مالك عدلى الاختفاء القسرى

وان الداخليه هى السبب وراءه وان النظام يقمع الشباب

- فرد عليه الاستاذ عمرو عمار وقتها وقاله الله

انت بتحاول توصل للناس الكلمتين بتوع الارجنتين !!

- تلعثم مالك عدلى قليلا وقال ماهى دى الحقيقه وهو دا اللى حصل فى الارجنتين

- فرد عمرو عمار قائلا انه شاب حافظ مش فاهم وان ما حدث فى الارجنتين لا علاقة له بما يحدث فى مصر و ان هؤلاء النشطاء بيتم تلقينهم تدريبات معينه لنشر تلك الافكار والمصطلحات

- ايه حكاية الارجنتين ؟

الفكره ان كلمة اختفاء قسرى اساسا اول مره تذكر فى القاموس ذكرت فى الارجنتين عام 1976 .. عندما انقلب خورخه فيديلا و عمل انقلاب عسكرى و مسك بالحكم زى ما بيقولوا بالعافيه .. ووقتها طلعت ضده مظاهرات وكان بيختفى ناس كتير بدون سبب وخطف اطفال وقتل ناس كتير .. ومن هنا قالوا ان الحاكم اللى عمل الانقلاب نظامه هو اللى بيخطف الشباب ومن هنا جاء مصطلح الاختفاء القسرى

- لذلك وبالتأكيد سمعتوا المصطلح من مالك عدلى وغيره وقرأتوه على صفحات الكثير من الاخوانجيه والخونه وحاولوا يرددوه كثيرا حتي يستقر فى ذهن المصريين ويكون سهل اقناعهم بالفكره

- انتهت الحلقه .. وتم تلقين مالك عدلى درسا قاسيا فى تلك الحلقه

- ثم تمر الايام .. و بالامس تنشر صحيفة Washington Post

والمعروفه بوجود رأس مال قطرى فى مجلس ادارتها

تنشر مقال بعنوان

Two Coups

او .. انقلابين عسكريين

بيقول ايه المقال بشكل مبسط

الواشنطن بوست بتقول او بتوجه رساله للرئيس الامريكي

بتقوله زمان لما الحاكم الارجنتينى عمل انقلاب عسكرى وحشى واستولى على السلطه بالقوه .. امريكا ساندته .. ثم بعد مرور السنوات خرجت امريكا لتعترف انها اخطأت فى تأييد ومساندة الانقلاب فى الارجنتين لانه كان انقلاب وحشى قائم على القتل والخطف والاختفاء القسرى

ومن هنا ( حسب قول الصحيفه )

فيجب عليك يا اوباما ان تسقط نظام السيسي و لا تدعمه

لان دعمك لنظام السيسي هو تكرار لدعم امريكا لانقلاب عسكرى اخر يشبه نظام الارجنتين .. يتميز بالعنف والقتل ايضا !!!

- لحد هنا ونقطة نظام

وهنا دى فايدة انك تعمل ارشيف لكل كلمه بتتقال من النكسجيه والخونه

لان كلامهم كله هايوصلك لحاجه

ان كلهم بيقولوا نفس الكلام

كلهم متدربين نفس التدريب

كلامهم بعدين هاتحتاجه لاثبات وجهة نظر معينه

- بعد نشر مقال الواشنطن بوست وكلامها عن انقلاب الارجنتين بالذات رغم ان فى مئات الانقلابات اللى حصلت فى العالم على مستوى التاريخ .. الا انهم اختاروا الارجنتين بالذات..الله؟.... يبقى مش غريب ان خونة الداخله يتكلموا وسبحان الله فى توارد الخواطر بنفس فكر ومصطلحات ماما امريكا؟

الا يثبت هذا فعلا ما اتحدث عنه دائما

ان اهل الشر فى الخارج يضعون الخطط على مر السنوات و الامد الطويل

ويتم تنفيذها بحذافيرها دائما وتدريسها للخونه بنفس الشكل

وتظل ثابته بإختلاف الوقت والتاريخ والاحداث والاماكن ؟؟!!!

- حاولت فقط ان اثبت وجهة نظر

من خلال استحضار ماضى و دمجه بالحاضر

لتعلموا ان كل كلمه ومصطلح يتم نشره والعمل على ذياع صيته

ما هو الا مصطلح مدروس بدقه الرغبه منه تثبيته فى عقول المصريين

ولا يتم قوله بشكل عفوى او اعتباطي

انما هو مدروس بشكل جيد جدا !

اسف للاطاله

E.E