تحذير من حركه اسمها دافع عن العلماء - تخدع الشباب وتدافع عن شيوخ الارهاب ويدعمها محمد حسان وشقيق صفوت حجازى
لازم شوية مسليات .. عشان حر الصيف مايخليكوش تزهقوا !!
- اذ اتفاجئنا من فتره بحركه اسمها دافع عن العلماء
- اذ اتفاجئنا انها حركه بتدافع عن ناس بيطلق عليهم لفظ شيوخ ومعظم الصور اللى بتنزل فى الصفحه عند الناس دى .. تكتشف ان اسيادنا الشيوخ محبوسين فى قضايا الاخوان !!
- اذ ان الواحد اتفاجىء برضو ان شعار الحمله مكتوب باللون الاصفر المزهزه المنور !!!
- اذ بقى بيقولك ان الحمله دى امبارح عملت لقاء مع اخونا الشيخ محمد حسان
طبعا احنا فاكرين محمد حسان
اللى مره فى رابعه ومره مع القوات المسلحه
ومره يقولك الدم والخروج على الحاكم
ومره يقولك الجيش والشرطه ايد واحده
واللى كان الوسيط اللى بعته الاخوان للقوات المسلحه للتفاوض ايام فض اعتصام الارهابيين فى رابعه
- المهم ان الحمله دى يا سيدى بتقولك عاوزين ندافع عن الشيوخ
وكمان نررررجع قناة الرحمه ...
اه لازم قناة الرحمه ترجع عشان تعلم الناس الاسلام الصحيح
دا كلامهم .. وشعارهم فى صفحتهم
ان القناه لازم ترجع عشان تعلم الناس الاسلام الصحيح
- قوم بقى يقولك ان القائمين على الحمله دى قابلوا اخونا الشيخ حسان امبارح
و أحد اعضاء الحمله اللى فى الصوره اسمه وليد ابو عباده
بعد انتهاء اللقاء مع محمد حسان
خرج الاخ وليد على صفحة الحمله وكتب البوست الاّتى :
الشيخ حسان والدكتور/ صفوت حجازى
العالم العامل
دائما ما يربينا شيخنا الشيخ حسان حفظه الله بأفعاله قبل أقواله
ونحن في زياره فضيلته ، جلسنا معه بمفردنا مع إخوان الشيخ
فتكلمنا عن صبر الشيخ ودعائه لمن اذاه وسبه وطعن فيه - وفقه الله وحفظه -
فإذا بالدكتور اسامه حجازى (اخو الدكتور صفوت حجازى) يدخل علينا مسلما بادئا بي مثنيا بالشيخ حفظه الله...
فاعتنقه الشيخ ثم قال (كيف حال الدكتور صفوت؟ عامل ايه؟ طمنى عليه؟ هو بخير؟ الله يفرج كربه ويبارك فيه ويجلنا بالسلامه إن شاء الله)
فقلت للشيخ :التسامح والحب لاخوانك عملي يامولانا
فرد قائلا :الدكتور صفوت ممن اضير واوذى في هذه الفتنه بغير ذنب.
لله درك ياشيخ زمانك وربانى اوانك
** الحج الشيخ حسان بيقول ان ( صفوه ) حجازى واحد من اللى اتأذوا فى ( الفتنه )
اى فتنه يقصد اخونا الشيخ حسان
يكونش يقصد لا سمح الله 30 يونيو ؟
ماهو اصل الاخ صفوه محبوس على ذمة قضايا خاصه بثورة 30 يونيو
لان الاخ صفوه حفظه الله وحفظ شعر دقنه اللى صبغها
كان بيحرض على القتل فى اعتصام رابعه النجس !
فهل الشيخ الجليل يقصد ان احداث 30 يونيو فتنه ؟
لالا انا بسأل بس
اصل الحر بيأثر على الادراك الايام دى
E.E
Eslam Elbahrawy
