اختراق الاعلام لهدم الدين والاخلاق - برنامج يناقش فقد البنت لعذريتها مقابل التنازل عن الشبكه على قناه مصريه
** ياعم بطل عبط بقى **
- الناس المجانين بيقولولك الاعلام مخترق ههههههه
لا وبيقولك ان فى مخططات من عشرات السنين بتقول ان استخدام الاعلام لتوجيه العقول و إسقاط المجتمعات هو من ركائز إسقاط الدول
شوف والنبى الناس المجانين
- مش عارف هانفضل رجعيين ومتخلفين كده لحد امتى
الناس برا طلعت القمر يا اخى
واحنا لسه بنقول نظرية مؤامره بقى وكلام الافلام دا
ماتقولش كده يا اخى
- انا حبيت ابدأ البوست بالتهكم وبالكلمتين اللى بيدخل يقولهم المغيبين
عشان اوفر عليهم ضغطات صوابعهم على الكيبورد فى الكومنتات اللى هاتتكتب
لكن ....
كام مره قولنا ان الاعلام الخاص مصدره فى العالم كله هو الاموال اليهوديه؟
كام مره قولنا ان جورج سوروس استطاع السيطره على الاعلام الخاص فى الشرق الاوسط؟
كام مره قولنا ان حتى فى تلفزيونات حكوميه تم اختراقها والسيطره عليها؟
- مصر 2016
على شاشة التلفزيون
بيتم مناقشه موضوع مهم جدا يا اخواننا
وبيسألوا الشباب
هل توافق على الغاء عذرية البنت مقابل الغاء الشبكه ؟
ايه...؟ محدش فاهم السؤال؟
انا اشرحلك
يعنى مصر .. البلد اللى طلعنا لقينا الناس فيها بتتكلم عن الدين والشرف
مصر اللى الفقير فيها يقولك ناكلها بملح .. بس نحافظ على شرفنا
مصر اللى لما حد يحب يكسر حد يتكلم عن شرفه او شرف سيدات عائلته
وصل بيها الحال ان الاعلام يناقش قضيه ويقول للشباب
لو انت عاوز تخلى البنت تتنازل عن الشبكه
انت كمان لو اتجوزتها وفوجئت انها مش بنت بنوت .. مالكش انك تسألها عن عذريتها
- يعنى من الاخر
احنا هانمشى الموضوع بالشكل الاتى
انت كشاب ظروفك وحشه
وانتى كبنت عاوزه تعيشي حياتك لان الجواز اتأخر عليكي
كل واحد منكم هايقضيها
البنت تعمل علاقات وتفقد عذريتها
والولد مادام فقير وظروفه زفت ومش قادر يجيب شبكه
يدخل يتجوزها وهو مكتوم خالص ومايسألهاش فقدت عذريتها ازاى !!!
- اللى بقوله مش خيال
دى صوره من البرنامج على فكره
والجميل ان مذيعات البرنامج بيقولوا ان مناقشة الموضوع جاءت بعد ما وجدوا الفكره انتشرت على وسائل اللامؤاخذه التواصل الاجتماعى
- برضو الكارثه مش فى مناقشة القضيه
الكارثه فى اللى بنحذر منه من وجود كتائب صهيونيه على وسائل التواصل الاجتماعي
تعتمد على نشر الشائعات و اغراق الشباب فى مفاهيم خاطئه
عاوزين دليل؟؟
اهوووو قصاد عينكم
قدروا يقنعوا البنت انها تساوى شرفها = بالشبكه الدهب والفلوس
واقنعوا البنت ان اهمية الشبكه عندها = اهمية شرف البنت عند الراجل
بقينا نقيس شرف البنت بالدهب والفلوس
- على فكره جايز البوست يكون صادم لكم
لكنه عادى جدا بالنسبالى كشاب
كشاب ممكن يجمعه موقف بحكم شغله فى مكان فيه بنات من طبقات مختلفه
وممكن ابتدى اسمع بنت تقول مابقيناش محتاجين رجاله
هناخد ايه من الراجل ..
دا حتى العلاقه بيننا وبين الرجاله بقينا نقدر نعوضها من غيرهم !
ايوه والله دا كلام بيتقال من بنات من طبقات مختلفه !
- للاسف المواجهه مش متوازنه
الكفه بتاعتهم ارجح
لان احنا مالناش قنوات احنا كمان نرد منها على الكلام دا
حتى المنافسه معاهم فى الفيس بوك مش متوازنه
انا بكتب وبيشوف كلامى كام الف شخص !
لكن دول بيكتبوا وبيعملوا صفحات وبيدفعوا فلوس بالدولار للاعلان عن الصفحات لانتشارها بسرعه !
** ياترى بقى فى مسئول حكومى يقدر ينشر البوست دا ؟
هل فى اعلامى ولا فنان ممكن يجرؤ ينشر البوست دا؟
مش هانلاقى .. لان الناس بتخاف من الهجوم عليها !!
- طبعا كل دا
ومفيش مؤامره
واحنا ناس فاضيه
واحنا ناس جاهله فى الوقت اللى العالم كله بيتقدم فيه !
E.E
Eslam Elbahrawy
