يوسف الحسينى واتهام مباشر لمبارك بقتل السادات - ومازال مبارك عقدة لنكسجية 25 يناير
** النكسجيه وعقدة الرئيس مبارك **
- تمر الايام .. تيجى الايام
يمشى مبارك ويجي رؤساء اخرين
البلد تقوم ..البلد تقع
الا ان النكسجى بيتجاهل كل دا وتظل عقدته فى حياته هى حسنى مبارك !
- يوسف الحسيني يتهم الرئيس مبارك انه هو المخطط لقتل السادات
وقال يوسف الحسيني فى برنامجه :
الرئيس الاسبق مبارك قبل بدء عملية الاغتيال بثواني كان ينظر في ساعته بشكل مريب
وان المفروض يتم نزع ابرة السلاح فى العرض العسكرى وهذا لم يحدث
وان القاتل لما اقترب من المنصه بص لمبارك وقاله بعد اذنك يا فندم احنا عاوزين الراجل دا ( يقصد السادات ) .. فالقاتل استنى لحد ما مبارك نزل استحبى وبعدين قتل السادات !
-----------------------------
** والله بقالى شويه واقف وبفكر اكتب ايه كتعليق
- اولا .. مين المختل اللى ممكن يصدق ان القاتل .. واللى كلنا شوفنا الفيديو .. اللى ماخدش ثوانى .. تخيل بقى ان القاتل راح المنصه .. ووقف قصاد مبارك..وقاله بعد اذنك يا فنـــــــــــــدم احنا عاوزين السادات استخبى انت !
طب الارهابى او الراجل الاسلامى بتاع الجماعه هايقول لمبارك يا فندم ليه؟؟
والاهم .. لو فى اتفاق ان السادات بس يتقتل
ايه يخلى القاتل يقول لمبارك بعد اذنك وسع انت ..؟
ما كان ضرب السادات وجرى عادى !
- ثانيا ...
الامر اشبه مثلا انى اقول ان يوسف الحسيني سرق فلوس من قناة اون تى فى
ويطلع صاحب القناه يقول لا ماسرقش حاجه
ساعتها انا ماقدرش اتكلم
فلما يوسف يردد روايات النكسجيه واللى خلقها فى الاصل الاخوان
وتطلع جيهان السادات مثلا تنفى !
يبقى وقتها يا يوسف ماينفعش تتكلم والا هايقولولك وانت مال أ.........؟
- ارحموا نفسكم
انا بجد اقسم بالله كل مدى بتعجب
مين مبارك دا اللى اتسجن ومحطوط فى مستشفى واصلا عمره بينتهى و جاء بعده اكتر من رئيس والبلد فيها ارهاب واقتصاد صعب وكل دا يتساب .. ولسه مركزين مع مبارك ...؟ الله...دا جامد اوى بقى .. حراق يعنى !
-- اخيرا ...
قاعده معروفه
ان البرنامج اللى بيبتدى يفشل و ينتهى
بيبتدى صاحبه يعتمد على التشويق والاثاره و قصص الجيب
لاننا شعب بيحب الغموض والاكشن والاثاره
زى الجرايد الصفرا ...
لما وجدت انها ماتقدرش تنافس الاخبار والاهرام فى السياسه
بقت كل يوم الجريده الصفرا من دول تنزل اخبار مشطشطه
فضيحة لاعب الكره الشهير فى احضان عاهرة العجوزه
اسرار الفنانه الصاعده فى احضان المخرج الخمسيني
تفاصيل جلسه جمعت بين مسئول سياسى وقواد لجلب فتيات ليل فى عوامه فى النيل
وهكذا ...
وكانت مبيعاتها بتزيد وبتعمل فلوس :D
#يوسف_الحسيني_جريده_صفرا
E.E
Eslam Elbahrawy
