دعوه للتذكر - ولا يوم من ايامك يا مرسى - تعالوا نفتكر لما كان الدولار بسبعه جنيه فى عهد الرئيس المبجل البلد كان حالها ايه
ولا يوم من ايامك يا سيادة الرئيس مرسى .. يا مانديلا العرب
=================
فين ..؟
فين ايام لما كان الدولار بسبعه جنيه وفى زيت و سكر متوفرين وبناكل ونشرب والاسعار رخيصه فى السنه اللى حكمنا فيها مانديلا العرب :)
1- فين ايام ما كان الدولار بسبعه جنيه .. وكانت طوابير السولار والبنزين يتكتب عنها حكايات واحنا بنقطع بعض فى محطات البنزين ( فى عهد مانديلا العرب )
==================
2- فين ايام ما كان الدولار بسبعه جنيه .. وكانت صفقات المولدات بتاعت الكهربا للشركات الاخوانيه ماليه البلد وبياكلوا عيش على قفانا ( فى عهد مانديلا العرب )
=================
3- فين ايام ما كان الدولار بسبعه جنيه .. واللى بيتعينوا فى الوظايف الحكوميه هم التابعين للاخوان المسلمين وتم نشرهم فى كل مؤسسه وشركه وقطاع زى السرطان
( فى عهد مانديلا العرب )
===============
4- فين ايام ما كان الدولار بسبعه جنيه .. وكنا بنقفل محلاتنا طول الليل والنهار لان الكهربا قاطعه ومفيش شغل ولا نقدر نصرف على بيوتنا ولا نقدر ندفع ايجار
( فى عهد مانديلا العرب )
===========
5- فين ايام ما كان الدولار بسبعه جنيه .. وكان النور بيقطع 20 ساعه فى اليوم ومع ذلك فاتورة الكهربا كانت بتيجي 150 و 200 جنيه ومفيش حد فينا مامسكش محصل الكهربا و اداله علقه تمام ايامها ( فى عهد مانديلا العرب )
=====================
6- فين ايام ما كان الدولار بسبعه جنيه .. وكان ولادكم بيموتوا فى الحضانات فى المستشفيات .. ولا نسيتوا .. نسيتوا لما النور كان بيقطع على الاطفال المولودين فى الحضانات وفيهم اطفال اتفحمت وماتت محروقه ؟
( فى عهد مانديلا العرب )
===============
7- فين ايام ما كان الدولار بسبعه جنيه .. وكانت ادوية القلب المستورده مش موجوده فى السوق والناس كانت بتموت بالبطىء ( منهم ابويا الله يرحمه )
فى عهد مانديلا العرب
================
8- فين ايام ما كان الدولار بسبعه جنيه .. وكنا فى عز الحر بنتجمع حوالين ابويا الله يرحمه والنور قاطع وكل واحد فينا ماسك جرنال ولا كراسه وعمالين نهوى حواليه عشان بيموت وبيتخنق لانه مريض قلب وسكر والحر بيموته
( فى عهد مانديلا العرب )
===================
9- فين ايام ما كان الدولار بسبعه جنيه .. وكان الدكاتره فى المستشفيات بيعملوا العمليات على ضوء كشافات الموبايل
( فى عهد مانديلا العرب )
=====================
10- فين ايام ما كان الدولار بسبعه جنيه .. وكانت غزه منوره بسولار مصر ومصر منوره بأهلها .. وكان اللودر يضرب النفق فى سينا نلاقي تحته بحور من السولار
( فى عهد مانديلا العرب )
=====================
11- فين ايام ما كان الدولار بسبعه جنيه ..
وكنا فى رمضان اول ما الاذان يقول الله اكبر ويادوب نرفع ازازة الميه ..النور يقطع وكنا بنقعد نفطر على ضوء الشموع والكشافات وبنجيب عرق من كل حته وكان بيضيع صيامنا من كتر السب واللعن فى البلد واللى ماسكها واللى حاكمها
( فى عهد مانديلا العرب )
==============
12- كل اللى فات دا .... ماكانش المشكله
المشكله عارفين كانت فين ؟
ان فى عهد مانديلا العرب ..
اللى كان مخلى الدولار بسبعه جنيه
واللى كان مخليها سويسرا بصراحه
استشهدوا وقت الفطار والجثث وجدوها ولسه اللقمه فى بوءهم ولسه مالحقوش يبلعوها
كنا بنسيب الفطار ونقوم لحد النور ما يجي
واول ما النور يجي ... ماكناش بنفطر .. كنا بنبكى بدل الدموع دم
عارفين ليه ؟؟ مش عشان الاكل بارد ولا الجوع قارصنا
عشان كنا اول ما الكهربا ترجع .. نفتح التلفزيون
نلاقى خبر بيقول ان بطل زى اللى فى الصوره دا هو وزمايله
استشهدوا وقت الفطار والجثث وجدوها وهما لسه اللقمه فى بوءهم ولسه مالحقوش يبلعوها
كل دا حصل فى عهد ابن الكلب جاسوس العرب
اوعى تفكرنا نسينا .. اوعى تزيط فى الزيطه ...
اوعى تدخل وسط الزحمه وتعمل باللو
احنا فاكرين كويس اوى
احنا السواد جوانا ناحيتكم يخلينا نختار النار لو الجنه فى ايديكم
حبيت بس اكلكم من وجهة نظركم بتاعت الاكل والشرب
ماتكلمتش عن افعال مانديلا العرب وجماعته السياسيه وتقسيم البلد وبيع البلد !
وسلامى لمانديلا العرب ومحبيه من الخرفان
E.E
Eslam Elbahrawy