ردا على مقال عبد الناصر سلامه والمستشار سواق التاكسى - عندما انتحر المنطق
عندما انتحر المنطق وقال لى : وحياة امك كفايه !
==========
معروف عنى انى اتابع صفحات وقنوات وصحف الخونه اكثر من متابعتى لاى شىء اخر
وبالصدفه عديت على موقع جريدة المصريون وقلت اشوف بيضحكوا على المغيبين بإيه النهارده
===========
استوقفنى خبر
رئيس محكمه يعمل سواق تاكسي
قلت حلو .. الهرى فى الخبر دا هايكون من العيار التقيل فلازم اقراه
===========
قالك ان رئيس تحرير الاهرام الاسبق عبد الناصر سلامه
كتب فى المصرى اليوم مقال بعنوان .. سيادة المستشار سائق تاكسى
والمقال بيقول ايه بقى يا ولاد !
بيقولك ان الحج عبد الناصر سلامه ركب تاكسي
اتفاجىء ان اللى سايق التاكسي دا رئيس محكمة الاستئناف السابق
قوم الحج عبد الناصر قاله ايه اللى عمل فيك كده يا سيادة المستشار؟
سيادة المستشار قاله انتقموا منى
عشان مضيت على بيان القضاه لتأييد شرعية محمد مرسى
عزلونى وبعد العزل مصاريف الاولاد زادت والمدارس والالتزامات
وكل ما اروح شركه يطردونى عشان خايفين من النظام
حتى لما جيت اسافر الخليج رفضونى عشان خايفين من نظام السيسي
حتى لما جيت اطلع رخصه سواقه اشتغل على تاكسي رفضوا ووقفوا فى طريقي
فبقيت مضطر اشتغل سواق تاكسي برخصتى الملاكى واخالف القانون !
وينهى عبد الناصر سلامه مقاله باكياً وهو يقول
ما هكذا يكون الانتقام
تشريد اسره و تجويع اطفال لمجرد ان ابوهم المستشار كان صاحب رأى !
=======================
كل ما اكمل قرايه
المنطق يقولى وحياة امك خلاص كفايه هاموت
وانا اقوله لا هاكمل..عشان اضحك اكتر :D
لاحظ سيادتك ان المقال منشور فى جريدة اخوانيه
الاخوان اللى بيحرضوا وبيقتلوا القضاه
الاخوان اللى اغتالوا النائب العام
الاخوان اللى قتلوا النائب المستشارين فى سيناء
الاخوان اللى بيقولوا ان القاه مرتشين وحراميه
الاخوان اللى بيقولوا ان القضاه بيقبضوا ملايين
الاخوان اللى بيقولوا ان كل ورقه فى المحكمه فى كل قضيه القاضى بياخد عليها جنيه
الاخوان اللى بيقولوا ان البلد بيملكها القضاه لانهم اصلا مليانين فلوس
==========
وبعيداً عن كلام الاخوان
انا كشخص عاقل وعندى شىء اسمه مخ
فاهم كويس وعارف ان القضاه اساسا بيكونوا ناس منحدره من اسره ثريه
وعارف ان لهم امتيازات وحقوق كبيره
وعارف انه بياخدوا مرتبات عاليه جدا
عاوز انت تقنعنى ان واحد قعد فى القضاء سنييييييييييييين
وبقى رئيس محكمه
لما خرج من شغله ... اصبح بيشحت :D
==============
فاشلين حتى فى الكدب !
E.E
Eslam Elbahrawy