بالصور- الدليل على وجود شىء خفي يخص جلود الحمير - وان الامر ليس لمجرد استخدام لحومها
استكمالا للموضوع ... عشان اللى واخده هزار
يهزر اكتر !
========
طبعا فاكرين البوستات الخاصه بجلود الحمير
واستيراد الصين لكميات مهوله من الحمير على مستوى العالم
والسبب هو استخدامها فى تصنيع ادويه اكتشفوا الماده بتاعتها فى جلود الحمير
وتم التغطيه على الامر من خلال انشاء مصانع برجر للحمير فى الصين
عشان يبرروا حجم استيرادهم لها !
=========
كمان فاكرين لما قولتلكم ان فى مصر فى حاجه غريبه
وان الهوجه اللى حصلت فى مصر من كام شهر بسبب لحم الحمير
واننا كل يوم نلاقى حمير و رؤوس حمير مدبوحه
ماكانش السبب الوحيد ان الجزارين بيبيعوها
او محلات الكفته بتستخدمها
انا قولتلكم ان بالفعل تم تصدير الكثير من جلود الحمير من مصر بطر مختلفه وغير شرعيه
=========
كالعاده حتى اصدقائي اللى بقعد معاهم
ورغم انى جيبت اكتر من دليل
اللى انكم مازلتم بتضحكوا !
==========
الصور اللى قصاد حضراتكم دى من 3 ايام
فى سوهاج .. وجدوا ايه بقى :
مكان الذبح بالطريق الصحراوى الغربى، بالقرب من كمين الكوامل بعمق 7 كيلو متر داخل المنطقة الجبلية، وبفحص المنطقة تبين أنها عبارة عن مساحة أرض منخفضة بمساحة حوالى 500 متر، بداخلها كميات كبيرة من الحمير المذبوحة والمسلوخة، فى حالة تعفن وتحلل قدرت تقريبا بحوالى 250 حمارا أغلبها مفتوحة البطن، والعثور على الجونتات وملابس الجزارين الذين قاموا بسلخها، وأشارت التحريات الأولية إلى أن عملية الذبح بقصد الحصول على الجلود لبيعها.
===========
بصوا للصور
الحمير لحومها زى ما هي
الحمير تم سلخها للحصول على الجلود فقط !!!
فكروا فى الامر
وبعد شهور او سنين لما تظهر حاجه تزلزل الدنيا بسبب جلود الحمير دى
هانبقى نضحك كلنا مع بعض !
E.E
Eslam Elbahrawy