شفرة الحقيقة - مدونة إسلام البحراوى: بالدليل - تحقق ما اخبرتكم به ان مسلسل الكبريت الاحمر يحتوى على طلاسم سحر حقيقيه - برواية ابطال العمل والمؤلف وحوادث غامضه اثناء التصوير

بالدليل - تحقق ما اخبرتكم به ان مسلسل الكبريت الاحمر يحتوى على طلاسم سحر حقيقيه - برواية ابطال العمل والمؤلف وحوادث غامضه اثناء التصوير

وعدتكم انى هاتكلم ..

وبوعدكم دايما ان كلامى يكون بدليل !

===========

البوست السابق عن مسلسل الكبريت الاحمر

لما نشرته فى اكتوبر الماضي .. كالعاااده اتقابل بعض التهكم

وانا بقبل منكم دا لان من جهل شىء لن يعرف قيمته

لما بقولكم انى بركز على الافلام والمسلسلات مابيبقاش من فراغ

ولما بقولكم انى بحارب الافلام والمسلسلات دى مش لانى بحارب الفن

او مجنون نظرية مؤامره

انما لانى واعى وفاهم للى ممكن يتعمل من خلال استخدام العين وتأثيرها على جسم الانسان لما تشوف حاجات معينه من خلال شاشة الدجال الشهير بالتلفزيون

=============

انا حذرت وقتها من المسلسل

وحذرت من اى مسلسل فيه طلاسم ورموز

وقولتلكم اوعى تقرأوها او اقرأوها بدون تركيز

وماتركزوش مع التلفزيون وماتستسلموش للموسيقى التصويريه

ولحد امبارح كنت بكلمكم عن السحر والساحر

و ازاى لو استخدمنا حاجه من غير ما نعرف ابعادها واصولها ممكن نتأذى

=============

التصريحات اللى هاتقرأوها .. قالها ابطال المسلسل بعد عرض المسلسل

يعنى هى مش تصريحات لعمل دعايه للمسلسل

لان اى دعايه بتتعمل قبل عرض العمل .. مش بعد الانتهاء من عرضه !

==========

ريهام حجاج احد ابطال المسلسل قالت :

اثناء تصويرها مسلسل الكبريت الأحمر كانت دائما مريضة، حيث قالت "كنت ساعات أستأذن ثواني اذهب للتقيؤ وبعدين أجي أكمل المشهد

أضافت ريهام قائلة: "أتفاجئت بواحد معانا في الاستوديو جاي يقولي دي حاجة خفيفة متقلقيش وبعدها كشفلي عن كتفوا لاقيت حرق كبير درجة تالتة وقال أن السبب أنه حاول يقرا الطلاسم نام وصحي لاقي كتفه محروق"

============

هانى عادل احد ابطال المسلسل قال :

أن الطلاسم والتعويذات التي كانت تستخدم في مسلسل "الكبريت الأحمر" حقيقية كلها، ومقتيسة من كتب في الجن والسحر والشعوذة"

و في إحدي المشاهد كان الفنان عبدالعزيز مخيون بيقول تعويذة وطلسم، خفت وكتمت الصوت

================

داليا مصطفى احد ابطال العمل قالت :

أذكر مشهدا كنا نقوم فيه برش مادة حمراء شبيهة بالدماء لتصوير مشهد خاص بالسحر والجن ووجدنا بعضنا يشعر بالخوف فعلاَ وخصوصا أنه عند مسح هذه المادة بعد انتهاء التصوير لم نستطع وانتاب الجميع حالة من الذهول فالكل يعلم أن كل النصوص الموجودة في السيناريو مأخوذة من قصص حقيقية ومن كتب سحر وليس من وحي الخيال فقط ،ولكننا تغلبنا علي مخاوفنا واستكملنا التصوير.

================

اثناء تواجد ابطال العمل مع عمرو اديب

تقدروا تبحثوا عن الحلقه فى يوتيوب .. كان ابطال العمل والمؤلف عصام الشماع

ذكر هانى عادل لعمرو اديب ان عصام الشماع المؤلف استخدام اسماء جن حقيقيه

واستخدم طلاسم حقيقيه من كتب السحر والشعوذه

و اكمل احمد السعدنى الكلام وقال لو روحت عند المؤلف البيت هتلاقى البيت مليان كتب سحر وعفاريت !

هانى عادل بيكمل الكلام وبيقوووووووووول

فى مشهد عبد العزيز مخيون كان بيقرأ تعووويذه حقيقيـــــــــــــــــــــــه

فأنا توقعت انه هايقرا منها اول كلمتين ويسكت فوجئت لقيته كملها كلها

فإضطريت اكتم الصوت عشان ماسمعهاش لانى خوفت جدا

احمد السعدنى قال لعمرو اديب .. البيت اللى كنا بنصور فيه كنا مأجرينه من واحد

رسمنا الطلاسم بالالوان عادى على جدار الحمام لزوم التصوير يعنى