بالصور - تحليل اعلان بيبسي الخاص بمنتخب مصر 2017 - خراب و نيران فى ملعب كرة قدم
اعلان بيبسي الجديد !
=========
طبعا كلنا شوفنا على مدار الكام سنه اللى فاتت
اعلانات بيبسي اللى كانت غير طبيعيه واللى حللنا كتير منها
زى اعلان بيبسبى اللى اتعلق فى مصر كلها
وكان بيقول ( ارجع شجع دلوقتى فرصتنا )
وكان فى اشاره يوم 25 يناير 2014 تزامنا مع ذكرى نكسة يناير
( موجود ضمن الصور )
=========
الاعلان المعمول اليومين دول عشان بطولة افريقيا غريب جدا
اول سلوجان الاعلان
او الجمله الرئيسيه يعنى فى الاعلان بتقول :
في الشهر ده بيبسي هتقلب أحمر
الجمله فى حد ذاتها غريبه
لان اللون حتى فى كرة القدم ممكن يكون لون فريق زى الاهلى
فالجمله تكون لايقه عليه .. لكن منتخب مصر لا
كان سهل يقولوا فى الشهر دا بيبسي هاتشجع مصر !
===========
الاغرب بقي هو تصوير الاعلان والمكان اللى ظهر فيه
مش فاهم ايه معنى انك عامل اعلان لفريق مصر بتاع الكوره
وبتشجعه على التفاؤل والفوز بالبطوله
ويظهر الفريق وهو ماشي وبيلعب فى مكان يشبه المستودع
كله خراب ونار
اول مره اشوف اعلان رياضي بيتصور مشاهد فيها ظلام وسواد
اعلان يشبه التريلر بتاع افلام الرعب
رغم ان الرياضه المفروض تدعو للبهجه والتسامح
وكمان انا عامل الاعلان عشان اشجع بلدى يعنى اعلان حماسى
مش اعلان حتى الموسيقي بتاعته مافيهاش اي روح !!
حتى مشهد حراسة المرمى ( اللى بتمثل الدفاع .. بتمثل الحمايه )
محاط كله باللهب والنار
والملاحظ فى اللقطه دى
ان حارس المرمى ( رمز الحمايه والدفاع )
هو الوحيد اللى واقف وحواليه النار
وباقى اللاعبين بيتفرجوا !!!
( الصور ستوضح الفكره اكثر لمن لم يرى الاعلان )
==============
الامر الاخير هو مشهد الجمهور
اللى مش موجود فى مدرجات
وكأنهم موجودين فى مشهد من مشاهد ( الميدان )
=========
اخيرا
ارقام اللاعبين اللى ظهروا فى الاعلان
7
10
17
22
32
وبتعديل رقم 32 بتاع رمضان صبحى ممكن يكون 23
لو التواريخ دى ارقام لأيام فى شهر يناير
يبقى احنا عندنا ايام زى 17 و 22و و23 يناير لازم نقلق منهم
==========
وفى الختام
هذا البوست ليس لاصحاب المنطق والفلاسفه
البوست موجه لاصحاب عقول اللامنطق زى حالاتنا بتوع نظرية المؤامره : )
وسلامو عليكو !
E.E
Eslam Elbahrawy