قمة الضياع - نائبة البرلمان تعلق على تقديم سما المصرى لبرنامج ديني بتعليق مفاجىء
بتحلموا تبقوا دوله محترمه
ضحكتوووني والله :D
======
انا ماعنديش مشكله في هري الفيس بوك عن البرنامج الديني بتاع سما المصري
وماعنديش مشكله في هري الانستجرام والكوميكس الساخره من البرنامج الديني بتاع سما المصري
لكن ..
لما تطلع الست انيسه نائبة البرلمان .. ممثلة الشعب
تقولك وايه يعني
من حقها تعمل برنامج ديني
اللي مش عاجبه يحول القناه
هي جت عليها
ولما الاعلاميه نهاوند سري قالتلها ازاي وهي مش فيقهه في الدين
قالتلها يعني هو اللي بيتكلموا في السياسه كلهم سياسيين
=====
ستووووووب هنا
هو دا مربط الفرص
مستعد اجيبلكم بوستات من سنه واتنين وخمسه
كتبت فيها ان الهدف هو تحويل الدين من جانب عباده والزام اخلاقي و ديني
الي هوااااايه زيه زي السياسه والرياضه والفن
من حقك تمارسه او لا
من حقك تسخر منه و تطلع نكت عليه
ودلوقتي دا اللي بيحصل
====
طبعا يتبقي
اني اقول حاليا في برنامج عمرو اديب ان المؤيد لرأي الست النائبه
فريده الشوباشي وما ادراك من هي فريده الشوباشي !
وبتقولك ما تخلينا نشوف اهي جايز تبقي احسن من التانيين اللي بيتكلموا في الدين
و تقولك جايز تقدم فايده للناس في الدين
======
انا ماليش دعوه بسما المصري كشخصيه
انا بتكلم ان اهم حاجه في حياتنا .. الدين… الدين يا بشررررر
يخرج يتكلم فيه او يعمل عنه برنامج واحده الاكونت بتاعها عالانستجرام كل يوم بيصبح عالناس بصوره بالمايوه وبتمسيهم بصوره بقميص النوم قبل ما تنام !!!
=====
عارفين مين السبب في دا
انتوا
اه والله
اصل انتوا يتاكل عليكم عيش عنب ..عنننننب
بدليل؟… بدليل ان سما المصري نفسها امبارح في برنامج صباح دريم قالت للمذيعه ان القناه اللي عرضت عليها الفكره قالولها الفكره كلها بيزنس وهانعتمد علي المشاهدات العاليه والاعلانات لان الناس هاتتلم وتتفرج عشان تشوف سما المصري اللي عامله برنامج ديني
=====
لو الدوله سمحت بحاجه زي دي
فياريت حد يبعت لباسم يوسف وخالد تليمه وبلال فضل ويقولهم تعالوا ارجعوا اعملوا برامجكم تاني… وانا عن نفسي مش هافتح بوءي ولا اعترض
لان وقتها يبقي عليه العوض بجد
عارفين ليه عليه العوض؟ لان احنا شعب ماعندوش ضمير للحكم علي الاشياء بعيد عن الاهواء
كل واحد فينا بيستغل الحادث لخدمة وجهة نظره واهواءه
بدليييييل ان الايام اللي فاتت
الناس بتوع ان الازهر كهنوت وان الازهر لازم يتهد و يتبني من جديد
بيقولك وماله سيب برنامج سما المصري يطلع يتكلم في الدين
عشان يكسر التابوهات بتاعت الازهر بقي ونجدد ومايبقاش الدين حكر علي الازهر
====
بزمتكم بعد كل دا
مستغربين انكم بتكلموا بعض ..باختلاف حالتكم الماديه والاجتماعيه
وتشتكوا انكم مخنوقين وحاسين ان الجو فيه خنقه
دا بعد كل دا المفروض الواحد يجيب اللي في معدته من كتر الاشمئزاز
======
بالمناسبه .. اصبح اكثر ما يشغلني الان
ياتري علي اليوتيوب
حلقات سما المصري الدينيه هاتكون اكثر مشاهده
ولا سيظل مشهد اغتصابها في فيلم علي واحده ونص هو الاكثر مشاهده علي اليوتيوب علي مدار الثلاث سنوات الماضيه.. وعلي قناة يوتيوب واحده عامل 7 مليون مشاهده !
وسلامو عليكو
E.E
ESLAM ELBAHRAWY