بالصور اول بلاغ رسمي يتم تقديمه لمديرية امن الغربيه بخصوص صفحة تحت الارض وعلاقتها بتفجيرات كنائس الاسكندريه وطنطا
صفحة Under Ground
انا كده عملت اللى عليا
=======
لما بتقدم ببلاغ ضد حاجه انا شاكك فيها
دايما بتكون دى الحاجه الوحيده اللى بتردد فى نشرها
ودايما على مدار سنين بيكون قرارى انى مانشرش
لان مابحبش الامر ياخد شكل الشو على الفيس بوك وانا مابحبش كده
لكن المره دى الامر مختلف
فى ضغط من الاصدقاء و كتير منهم فكر انى مش مهتم
بل ان فى كتير منهم لما قلت انى مش مقتنع بجدية الصفحه
اتهمونى انى مش عاوز اساعد ومش عاوز امنع الشر عن البلد
وبناء عليه
انا كنت قدمت بلاغ رسمي وصل لمديرية امن الغربيه
واتمنى ان السيد اللواء مدير امن الغربيه يكون شافه
ويوجهه للجهات المختصه بمكافحة الجريمه الالكترونيه
وانا ارفقت مع البلاغ روابط الصفحات وصور من المنشورات قبل وبعد حوادث التفجير بالامس
وأرفقت كل بياناتى الشخصيه
و دى صوره من البلاغ اللى تم إرساله لكن ماكانش ينفع انشرها وفيها بياناتى الشخصيه فظللت البيانات فقط
انا كده ابقى شيلت المسئوليه اللى عليا
لانى مش حمل ان يحصل دم و فى بنى ادم واحد يلوم عليا انه بعتلى رساله وانا ماكنتش مهتم ويحملنى انا الذنب
و زى ما كنت كاتب فى البلاغ
لو الامر صح و جد فعلا .. نبقى عملنا حاجه كويسه لما بلغنا
ولو الامر مش صح ومجرد صفحات وهميه الهدف منها نشر الفوضي ولكنها لا علاقة لها بالتفجيرات
( وهذا اعتقادى الشخصي ) .. يبقى الناس اطمنت وقضينا على وهم الصفحات دى
اما انا بقى فربنا يستر :)
لالا مش خوف ... انا بس قلقان الشياطين بتوع الصفحات دول ينزلولى طنطا وانا اليومين دول مشغول ومش فاضى اقابل حد :D
سيبوها لله
ودايما اعرفوا ان اى شىء بيحصل بمشيئة ربنا
وان الخير دايما من عند ربنا والشر مننا احنا
E.E
Eslam Elbahrawy
