بلاغ الى من يهمه الامر - قنبله موقوته اسمها قناة LTC - وجريمة قتل قد تحدث قريبا
يلاغ بقنبلة اسمها قناة LTC
وجريمة قتل ستحدث قريبا
ولماذا التعمد فى اظهار شيوخ الاسلام انهم جهله ولا يفقهون !!
------------
لمن لم يتابع
ارجو متابعة المنشور السابق لتتضح الفكره
------------
فى برنامج حاتم نعمان ..
استضاف الشاب اللى كان استضافه من فتره سعيد حساسين
الشاب اللى بيقول انه هو المسيح وهو المهدى وهو الله نفسه
( اعوذ بالله واستغفر الله )
وهذا الشاب وعلى مسئوليتى الخاصه مش مجنون ولا مختل عقليا .. هذا الشاب تابع لنفس الجماعه التى تسيطر على اسلام بحيري وسيد القمنى و المدعو ميزو
والله نفس الجماعه
===========
القناه عملت اكتر من حاجه خطيره فى لقاءها مع هذا الملحد ولا اقول المختل !
1- لماذا ركزت القناه على استضافة هذا الشخص وهى تعلم ابقا ظهوره فى برامج اخرى وانه له اهداف معينه وليس بمجرد مجنون يدعى انه المهدى ؟
2- هل من الصحيح ان كل من يخرج على موقع للتواصل الاجتماعى ويكون متابعيه 10 افراد .. يقول شىء فنستضيفه على انه صاحب قضية يجب مناقشتها؟
3- الم يفكر المسئولين عن البرنامج ان هناك من هم ضعاف العلم وضعاف الايمان ممن قد عتنقون اى فكره قد يتفوه بها هذا الملحد ؟؟
4- ما السبب وراء اعتماد كل القنوات والبرامج والمذيعين المشبوهين لنفس السيناريو ... مثلما فعل حساسي وريهام سعيد من قبل..ان تستضيف ملحد .. وطبيعى ان تتوقع من الملحد انه لا يؤمن بالله او برسوله .. فيأتى المذيع ويظهر فى صورة حامى حما الاسلام .. ويطرد الملحد او يشتمه ..مثلما فعلت ريهام سعيد مع الملحده الشهيره .. ومثلما فعل حساسين مع الشاب ذاته الذي ظهر فى قناة LTC
وفعلها حاتم نعمان فى البرنامج بنفس الطريقه ..ترك الضيف لمدة ساعتين يهذي برسالته الممنهجه جيدا لبث سموم شيطانيه معينه .. وقبل نهاية البرنامج بثلاث دقائق فقط يطرده بحجة انه اهان الاسلام واهان عالم من الازهر !
====
5- بالله عليكم .. الى متى سيظل الاعلام يسير بخطه ممنهجه لهدم الازهر الشريف بشكل غير مباشر .. الظاهر امامكم ان المذيع يخاف على الاسلام .. وانه احضر شيخ من الازهر لمناظرة الملحد .. ولكن الباطن والممنهج هو هدم الازهر الشريف..
تسألون كيف...؟
فى تلك الحلقه كان الضيف شيخ اسمه محمد الملاح !
قال انه خريج الازهر وانه شيخ متمكن و انه جاء لهداية الشاب الملحد
ثم .. تفاجىء ايها الموووواطن الكريم
ان الشخص الملحد ينطق اّيه من القران ويطلب من الشيخ الجليل ان يكمل الايه ..فيعجز الشيخ عن استكمال الايه لانه مش حافظهاااااااااااااا... ويقف الملحد فى الاستوديو ويقول للشيخ انت جاهل انت والازهر بتاعك .. انت ازاى عاوز تهدينى وانت اصلا مش حافظ القراّن ..
تخيل معي يا صديقي .. لو ان رجلا بسيطا فى صعيد مصر ممن رأيناهم يقولون ان اسم النبى محمود واخر لا يحفظ اول اّيه من الفاتحه بسبب الجهل وعدم العلم .. وكان احدهم جالس يشاهد شاب تفوق على شخص يرتدى جلباب ابيض يقول انه من الازهر ومش حافظ القراّن الكريم ..! ياترى النتيجه ااااااااااااااااااااايه؟؟؟؟
مازالت تلك القنوات مصممه على جلب هؤلاء الشيوخ المتأسلفين اشباه من ظهروا فى قنوات الناس والرحمه وخلافه من تلك القنوات التى عرفناها جيدا
لكى يمثلوا الاسلام والازهر
لماذا لا تأتى بخصيات مثل احمد عمر هاشم او اسامه الازهرى او اى شخص ازهرى نجد فيه حفظه للقراّن والسنه ويستطيع ان يحاجى الاخرين !
===========
6- فى الحلقه ذاتها تم المتاجره بالاسلام من الشيخ المحترم
ونفس المنهج
عاوز واحد ملحد يقوله سيدنا محمد صلى الله عليه وسلم
طب ازاى يا شيخنا ما انت عارف انه ملحد اصلااااااااااااااااا
والاخر يقوله انا هاضربك بالجزمه وانا اولى بيا انى اموت واندفن ولا اسمع حد بيغلط فى سيدنا محمد .. لا اله الا الله .. انت جاى الحلقه اصلا عشان تناظر واحد ملحد عليه من الله ما يستحقه !!! ووصلنا فى النهايه برضو اللى الناس شافته ان الراجل اللى بيمثل الازهر جاى يشتم ويتعصب وبس وماعرفش يتناقش
============
7- ارجوووكم لما تجيبوا حد يتكلم كده
هاتوا عقليات من عصرنا الحالى تقدر تتكلم معاه
ماينفعش اسضيف احمد شاهين الماسونى
و اجيب دكتور فى العلوم التطبيقيه يناقشه ..
فيظهر من النقاش ان احمد شهين انتصر
لان ببساطه احمد شاهين او الملحد الاخر او امثال هؤلاء
لابد وان يحاورهم من يحارب فكرهم و على علم ودرايه ودراسه بالماسونيه واسرارها واسرار من يعتنقونها
عشان لما احمد شاهين يقعد يتكلم عن الجفر او الهولوجرام او مخطوطات ابن عربى .. يلاقى اللى يعرف يرد ..واللى درس الحاجات دى وعرفها..مش يلاقى دكتور فى كلية فنون جميله قاعد قصاده فاتح بوءه ومش فاهم حاجه !!
============
8- فى نهاية الحلقه دى ..
عجبنى جدا ان اللواء مجدى الشاهد كان موجود
وقال فى نص اللحقه ان الولد دا مش مجنون ولا مختل
الولد دا متسيطر عليه من نفس الناس اللى عملت الخريف العربي
وفجأه سبحان الله فعلا فى نهاية الحلقه يقوم الولد متعصب
ويقولهم انتوا مصدقين ان الاخوان ارهابيين .. الاخوان ابراياء
و25 يناير ثوره عظيمه و سيد القمنى وميزو واسلام بحيرى جزمتهم برقبة الشيخ اللى قاعد وبالشيخ اللى على التليفون .. الشيخ اللى على التليفون كان شوقى عبد اللطيف وكيل وزارة الاوقاف... وفى تلك اللحظه تأكد ما فى عقلى وما قاله اللواد مجدى ..الولد مش مختل ولا مجرد ملحد .. الولد دا ممنهج وعارف بيعمل ايه كويس
=========
9- اخيرا... هل تتذكروا الشيعي حسن شحاته ( عليه من الله ما يستحقه )
لما اتعمل عليه حلقات عند الابراشي وسخن الناس وانتهت بقتله فى النهايه
ورغم انى ضد الشيعه و اكرههم الا انى لا اتحمل ذنب الافتاء بإراقة دماء اى شخص
الولد دا هايتقتل وبكره افكركم
اللى حصل فى الحلقات اللى طلع فيها الولد دا ينبىء بحاجه زى دى
واظن بنسمع عن اللى دبح واحد وهو بيقول الله اكبر
واللى قطع ايد واحد وهو بيقول الله اكبر
وفى متطرفين كتير ممكن يتخذوا نفس الخطوه مع الولد دا
وانا شايف انه يجب محاكمته بالقانون فورا بتهمة ازدراء اديان
وانه يتحط فى السجن او مصحه نفسيه افضل
وربنا يستر
PART 2
To Be Continued
E.E
Eslam Elbahrawy
