بالفيديو والصور - اسرار لاول مره تعرفونها عن ميرنا التى فضحت مصر فى برنامج عرب جوت تالنت - من عبدة الشيطان للتعرى على الانترنت لفضائح برنامج عرب ايدول
سخرت مواقع التواصل الاجتماعى فى الاسبوع الاخير من تواجد متسابقه تحمل الجنسيه المصريه .. اطلقت على نفسها اسم ميرنا .. وكانت سببا فى تهكم الكثيرين عليها وعلى المصريين بسبب ما قدمته من مشاهد اقل ما يقال عنها انها غير طبيعيه اثناء اشتراكها فى برنامج عرب جوت تالنت
========
الان اعرض عليكم بعض الاسرار التى يجب ان تعرفونها عن تلك المريضه نفسيا
حتى لا يتم التهكم من مصر والمصريين بسببها
وحتى تتجنبها البرامج وعدم استضافتها او السماح لها بالظهور مره اخرى على الشاشات
=========
=====================
بالصور - حل لغز فتاة الايمو - من عبدة الشيطان للغناء فى عرب ايدول للتعرى على الانترنت - نكشف صاحبة الثلاث شخصيات المزيفه
حل لغز فتاة الايمو !...........
ميرنا المطربه .. اّشى مصطفي .. عيشه
والبقيه تأتى .... !
والسبب ... اعلام لا يملك المهنيه
============
** هاشرحلكم الموضوع ببساطه ..
لكن مهم جدا جدا تهتموا بالصور لانها هى الدليل اللى فى الموضوع كله
=========
الموضوع ببساطه انى فوجئت من اسبوع ان فى اكتر من شاب صغير مهتم بصفحه فيها بنت مصريه بتعمل فيديوهات غريبه
وكمان عامله جروب بتتعري فيه وبتشتم مصر والمصريين .. وبتشتم المغاربه وعامله ازمه على الفيس بوك بين الناس .. واصبحت فيديوهاتها بيشوفها الالاف من البشر !
وكمـــــــــــــــان لانها بهدلت اسم مصر
وعشان الاعلاميين اللى ماعندهومش اى مهنيه يبطلوا يستضيفوها
لان الاشكال دى بتطل على ولادنا فى التليفزيون وبيأثروا فيهم
وبياخدوهم لسكة ضياع ربنا وحده اعلم بيها
** قررت امشى ورا الحوار .. لحد ما وصلت لاخره
والحمد لله على نعمة الذاكره
=========
للوهله الاولى اللى دخلت فيه صفحتها
شكلها ماكانش غريب عليا .. واخدت اكتر من يوم كامل عمال افتكر شوفت الوش دا فين قبل كده ... لحد ما افتكرت
دى فتـــــــــــــــــــــــاة الايموووووو
============
تعالوا نتعرف على الفتاه ذات الشخصيات الثلاث
اّشي
و عيشه
و ميرنا المطربه !
===========
** البدايه فى برنامج طونى خليفه على قناة القاهره والناس ..برنامج تحت الكوبرى
فى فبراير 2015 ..
حلقة طونى خليفه كانت مع ( اّشي مصطفى )
اسكندرانيه خريجة حقوق
انضمت للايمو .. الايمو ببساطه لفظ كانوا بيطلقوه على مجموعه لها اتجاه موسيقي معين لكن بعد كده تحولت لجماعات لعبدة الشيطان وبالصور الموجوده فى البوست هاتكتشفوا دا !
** استضافوا اّشي لانها كانت بتظهر بشكلها الغريب
الروچ الاسود و الميك اب الاسود وكل حاجه لونها اسود
كان ضيف الحلقه الاستاذ محمد عبد الله رئيس تحرير مجلة الشباب
ويومها انا خرجت واتكلمت عن الحلقه دى وقلت ان دا ترويج علنى لعبدة الشيطان
** دا جزء من تصريحاتها ومن اللى حصل فى الحلقه :
1- تعريف البرنامج بها فى التقرير :
اشي مصطفي فتاه موهوبه تحب الغناء
لم تتح لها الفرصه لتعبر عن موهبتها
فحاولت كثيرا لكن جميع الابواب اغلقت فى وجهها
تعرضت للاعتداء .. فأصيبت بالاكتئاب فقررت ان تتحول لشباب الايمو
قالت انها حصلها تحرش كتير لانها جميله .. فقررت تخلى شكلها قبيح عشان الجمال نقمه
2- قالت فى البرنامج : كان نفسي احول نفسي راجل بس مش عارفه
3- سيبت البيت عشان اهلى مش بيحترموا حاجتي
اى حاجه تخصنى طرابيزه او كرسي او كتاب
سافرت وقفلت الاوضهبتاعتى ..فتحوها وانا مسافره فقررت اسيب البيت
4- لما سألها الاستاذ محمد انتى مافكرتيش انك لو حد ظلمك وصدمك .. ان ربنا هايجيبلك حقك ولا انتى مش مؤمنه بربناااا !!؟؟
ارتبكت وتلعثمت وقالت اه اه انا مؤمنه ان ربنا موجود وغيرت الموضوع
الفيديو موجود عاليتيوب تقدروا تشوفوه
5- قالت :انا بكره ان حد يشوفنى انثي وعاوزه ابقى راجل لانى مابحبش حد يعاكسنى او يتحرش بيا ومش بحب جسمي
6- فى لقطه فااااصله فى الحلقه محدش فهمها وقتها
الاستاذ محمد رئيس تحرير مجلة الشباب وضيف الحلقه
قالها انا حاسس انك مستمتعه بانوثتك وبتضحكى وتهزرى عكس كلامك
انا حاسس انك بتمثلى..يا استاذ طونى انا حاسس انها بتمثل
وارتبكت مره اخرى .. ومحدش فينا كان فاهم لكن الراجل المحترم دا فهمها بسرعه
================
** ندخل على الشخصيه التانيه
فضيحة عرب ايدول
بنت ظهرت على الشاشه قصاد حسن الشافعى ووائل كافورى ونانسى عجرم و احلام
بتقول انها من مصر .. ويومها كان يوم التهكم على مصر كلها
طلعت فى عرب ايدول فى الموسم الماضي
قالت ان اسمها ميرنا .. واتعمل عليها وقتها فيديوهات كوميديه فى البرنامج
مش لانها مش بتعرف تغنى
انما لانها قصاد اللجنه مره تقول عمرها 30 ومره تقول 32 سنه
ومره تقول اسمها عيشه ومره تقول اسمها ميرنا
وقالتلهم انا ممثله من زمان ومثلت فى 10 افلام قبل كده
وبعد كده فى نص البرنامج رجعوا سألوها قالتلهم عمرى ما مثلت فى اي فيلم
انا ظهرت بس لمدة ثانيه كده فى فيلم مره وماعرفش ايه اسم الفيلم اصلا
حتى احلام وحسن الشافعى وقتها ضحكوا وكانوا مستغربين وكانت فضيحه فى اليوم دا
==================
** اما شخصيتنا التالته بقى
وهى محور اهتمام الشباب المراهق على الفيس بوك كله
ميرنا المطربه
دى الشخصيه اللى هى ظاهره بيها
عامله صفحه وجروب سرى
وفجأه ...
اشى مصطفي اللى كانت مع طونى خليفه بتقول مش بحب جسمى ومش عاوزه حد يشوفنى جميله .. بقت بتعمل فيديوهات تتعرى فيها لايف على الفيس بوك
واللى كانت بتقول انها مؤمنه بربنا
بتكتب انها من عبدة الشيطان ( موجود فى الصور )
واللى كانت بتقول انا اتصدمت لانى حقي ضاع لما حد اهاننى
بدأت تعملنا مشاكل مع العرب
لان فيديوهاتها بقى بيشوفها الالاف .. وبيتعملها الاف الشير
وبتشتم العرب خاصة المغاربه وبتحصل خناقات بسببها كل يوم بين المصريين والمغاربه !!!!
================
الجزء الاجمل بقى
بدأ الشباب يتكلموا
اللى بيقول انها مجنونه
واللى بيقول دى لابسها جن وبتتصرف وهى ملبوسه
لكن ببساطه
دى انسانه مريضه نفسيه عندها حب الشهره وفى نفس الوقت مالهاش عقيده ثابته
طلعت مع طونى خليفه بشخصيه الايمو عشان تجذب الانظار
وطلعت فى عرب ايدول بإسم تانى بشخصية المطربه للفت الانظار
وطلعت على الفيس بشخصيه تالته بتتعرى وترقص بسفاله عشان تلفت الانظار
=============
اهمية الموضوع فى ايه ؟
اهمية الموضوع ان لازم يتعرف ان دى واحده مختله عقليا
او حتى عاقله لكن معتقداتها غير سليمه
عندها خليط بين عبدة الشيطان والايمو اللى انضمت لهم وانفصام الشخصيه اللى بتعانى منه
فلازم يعرف الناس انها مش بتعبر الا عن نفسها
عشان حاليا احنا فى زمن فيديو صغير قد يتسبب فى ازمه بين دولتين
ادينا شوفنا اعلانات الشيخ المغربى والشيخه المغربيه بتاعت النصب
كادت انها تعمل ازمه دبلوماسيه بين مصر والمغرب
فتخيلوا لو واحده بيشوفها الالاف بتشتم فى الدول دى
وغير كده .. بتتعرى وتقول كلام زى الزفت بصفتها ( مصريه )
============
انا كده اكون جيبت اخر البت دى
عشان كتير اوى من المراهقين انشغلوا بيها
وبدأ الناس تتكلم عنها
وبدأ كتير يبحثوا عاوزين يوصلوا لاى معلومات عنها
واتمنى ان يتم التحذير منها
ومن ناحية تانيه دا يعرفكم اد ايه الاعلام مزيف
اد ايه الاعلام ماعندوش مهنيه كافيه عشان يبحث عن اصل الناس
مجرد انهم يجيبوا اى حاجه تعمل مشاهده وتزود اعلانات
بنت ضحكت على برنامج بفريق اعداده وقالتلهم معلومات غلط واسم غلط
لكن كان الاهم عندهم عمل حلقه تجيب مشاهدات
فخلى بالكم .. الاعلام دجال كبير
E.E
Eslam Elbahrawy
