بين بابا الفاتيكان و شيخ الازهر واسلام بحيري - هل هى سخرية القدر ام رساله تحمل مفاجأه
سخرية قدر ..
ولا دليل ... !
=========
مجرد رؤيه للمشهد من فوووق
بنظره اوسع شويه
بس لقيتنى فكرت واتفاجئت من سخرية الموقف
هو دا معناه ايه ..؟
==========
بابا الفاتيكان
اللى هو بيمثل كل دول اوروبا المسيحيه وكل المسيحيين
واللى جاى مصر لان فى ارهابى اتحسب علينا مسلم والاسلام منه براء .. فجر كنيستين ووقع ضحايا مسيحيين
ومع ذلك ..
يقف بكل احترام وتقدير لمؤسسة الازهر الشريف ولشيخ الازهر
وفى كلمته يتحدث بكامل الاحترام والتقدير لدور الازهر
ويتحدث ان الازهر هو شريك اساسي ورئيسي فى محاربة الارهاب
========
الله...؟
يعنى بابا الفاتيكان هو اللى بيقول كده
بابا الفاتيكان اللى بيمثل المسيحيين
ومنهم المسيحيين فى دولة انجلترا مثلا !
وبيقول ان الازهر شريك اساسي فى محاربة الارهاب
يقوم القدر يبعتلنا
امثال اسلام بحيري ... اللى عمل الدكتوراه بتاعته هناك فى جامعة ويلز بإنجلترا
عند المسيحيين نفسهم بقى ..
وجاى عاوز يهد الازهر ويجيبه على الارض !!!؟؟
============
غريبه صح ...؟
الناس اللى هو جاى من عندهم .. وعلى غير دينه
وهما اكبر المتضررين من الارهاب
هما اللى بيقولوله ان الازهر شريك فى محاربة الارهاب
بينما هو بيقولهم لا ..انا مسلم وبقولكم ان الازهر مصدر الارهاب !
=========
بالمناسبه وعشان اوفر تعبكم
انا بقول وجهة نظرى
ومسموح للكل طرح وجهة نظره مادام فى اطار الاحترام
وبالنسبه للاربع اصدقاء .. السيده و الثلاث رجال
اللى دايما اى موضوع يخص الازهر او اسلام بحيري
يدخلوا يحطوا كومنتات من اللى بياخدوها كوبي من الصفحات
وهى هى نفس الكومنتات كل مره
الكومنتات بتاعت انت ماتعرفش ان الازهر فيه كتب بتحلل الجواز من بنت سنها مش عارف ايه .. والازهر فيه كتب بتقول اكل لحم البشر ومش عارف ايه..
انا اسف زى كل مره هاشوف الكومنت ومش هرد عليه
لان انتوا واخدينها حرب ومتطرفين فى فكركم
انا لما بدافع عن الازهر بقول اذا رأينا ما وجب التنقيح والتنقيه .. يجب علينا ننقيه ونبعده عن الازهر .. لكن انتوا متطرفين لوجهة نظركم ..اما الهدم .. او لا
E.E
Eslam Elbahrawy
