بعد تصريحات احمد شفيق الاخيره بخصوص تيران وصنافير - علامات استفهام تتحول الى جدل حول الفريق شفيق
احمد شفيق
وعلامات استفهام ؟؟
=====
1- انا من اللي انتخبوا احمد شفيق
2- انا ممن ساندوه ووثقوا فيه
======
لكن كان عندي شوية حاجات بدأت تعملي مشاكل في تفكيري مع الفريق شفيق
اولا : رفضت جدا ايام حكم الاخوان لما خرج في مليون برنامج يقول انا عندي صندوق اسود يفضح الاخوان لكن مش هافتحه الا لو فكروا يأذوني !!
ازاي يا فندم؟ يعني انت لو معاك صندوق اسود للاخوان فيه معلومات تفيد انها هاتضر مصر وشعبها ولن تضر حضرتك شخصيا ..مش هاتطلعها؟!!!!!
======
ثانيا
كنت مستغرب جدا برضو لما هو الحزب اللي ببتقال انه مساند له او كما يطلقون عليه حزب الفريق شفيق
اتجهوا للارتماء في احضان عماد الدين حسين رئيس تحرير جريدة الشروق
وقعدوا فترت ..كل يوووم الجريده تطلع اشاعه تضرب في البلد
وبعض ( المتطرفين ) من انصار شفيق ياخدوا مهمة نشرها واللعب عليها
وكان ابرزها ان السيسي مانع بنفسه عودة شفيق لمصر
=====
ثالثا
بستغرب جدا ان شفيق نفسه عارف ان في ناس بتفضله علي البلد وتتمني خراب البلد فقط عشان يبقي دا انتقام لشفيق اللي اتزورت ضده الانتخابات.. ومع ذلك مافكرش يوجه لهم ولو كلمه يقولهم مصر فوق الجميع
=====
رابعا
برضو و علي حد ما اعلم وقد اكون مخطئ
الفريق شفيق داااايما مختفي
مش بيظهر الا في الاحداث اللي فيها تقلبات سياسيه ضد النظام ..يعني من الاخر تاخد استنتاج ان دا شغل انتخابات و تصيد اخطاء للمنافس
وعلي نفس الخط.. ماشوفتش مثلا الفريق شفيق عمل ولو مداخله للتعزيه في اي حادث ارهابي او تفجير كنايس او اي شئ ..رغم ان دا كان برضو هايكون شغل انتخابات وهايفيده لو هو بيفكر يعني في الامر !
====
اخيرا الفريق شفيق في موضوع تيران وصنافير
بيقولك نعمل استفتاء شعبي
يا سيادة الفريق انت كده بتورط البلد
وانا ارفض الفكره بتاتا
اولا .. ارفض فكرة استفتاء علي اررررض
وثانيا… ارفض فكرة ان الشعب اللي خريجي الجامعه فيه بيكتب مساءن بالنون… وعلاقته بالتاريخ زي علاقته باللغه الصيني… وبتحكمه اهواء سياسيه وحب وكره وحقد و تطبيل وكل المتناقضات.. والاخر تحط الامر في ايدهم عشان يحكموا
=====
واخيرا
في ازمة تيران وصنافير
فعلا اكتر شئ اشمئزيت منه
هو المتطرفين من انصار شفيق ومبارك واللي بيفضلوهم علي البلد
كانوا علي اد ما يقدروا بيحطوا النار جنب اي بنزين يلاقوه
عشان بس البلد تولع ويثبتوا ان مبارك كان حلو وشفيق كان لازم يحكم
وسلام عليكم
E.E
ESLAM ELBAHRAWY
