يلا بينا نقتل مريم - ماذا لو اختارت مريم المنحه الامريكيه ؟ - للفشل عنوان اسمه المحبطين فى مصر
يلا بينا نقتل مريم !
======
ماهو مايصحش
نتعب و نمرض لو شوفنا حاجه حلوه
نتعب ونمرض لو شوفنا حد ناجح
اززززاي
مايصحححححش
======
إلحق مريم هاتقبل منحه من امريكا
مريم خاينه وواطيه وعميله وبنت ستين… .
إلحق مريم اخدت فلوس وتبرعات من الناس
تبقي شحاته ومتسوله و تتغز بمطوه
إلحق مريم دي اصلا مش مريم
دي عسكري امن مركزي و نجحت عشان تلهينا عن ارتفاع سعر البنزين !
=====
ارحموا نفسكم بقي
صوره محدش عارف هي اتاخدت ليه
وبدأ كل واحد يركب فيلم عي مخيلته
وبعدين انا عاوز افهم حاجه
العيل الي طول النهار بينزل كوميكس عالفيس انه نفسه يهاجر
هو اللي بينتقد مريم لو هاتسافر
و الناس اللي ليل ونهار بتتحزم وترقص وتتغني بمجدي يعقوب وزويل اللي عاشوا حياتهم برا وشهاداتهم كلها برا
هما نفسهم اللي فجأه اصبحت المنحه الامريكيه بالنسبالهم قضية تخابر
======
خلاصة الكلام
البنت دي لو هاتسافر وحد هايقدرها والبلد مش هاتوفرلها مناخ كويس
يبقي حقها تسافر زي كل الناس اللي بتسافر و بترجع تخدم بلدها
البنت دي لو دخلت طب وبقت دكتوره و ارادت تخترع علاج والبلد ماوفرتش معامل متقدمه .. يبقي تسافر زي ما كل الناس بتسافر
الدوله لو وفرت كافة الامكانيات ومع ذلك البنت شافت انها تقدر تتعلم شئ اكبر في بلاد برا وهاترجع زي يعقوب وزويل تخدمنا هنا ..يبقي تسافر
هو حلو لنادر بكار وعمرو حمزاوي و اسراء واسماء اللي راحوا صربيا عشان يقبضوا ويدمروا البلد و اتعملوا ايقونات ثوره و اسماءهم دخلت مناهج التاريخ وحتي لحظة كتابة البوست مازالوا احرار وبيشتموا فينا و في لهم اتباع
ويبقي وحش و كخه لبنت لو فكرت تسافر عشان تتعلم !!!
======
وبالنسبه ان اللاعبين والمشاهير زاروها في بيتها
وكل واحد عمال يقولك دا اداها فلوس و دا اداها رحلة عمره هي واهلها
معلش يعني احنا العيل الفاشل عندنا اللي بيتصرف عليه الوفات
لما بيجيب 50% العيله وعيلة العيله بينقطوه
وظرف فلوس طالع وظرف فلوس خارج
فلما ناس تحب تجامل من جيبها الخاص مش من جيوبكم انتم
بتحرموها علي البنت ليه ( دا لو حصل )
=======
المنحه الامريكيه مش جريمه
انت في مصر عندك جامعه امريكيه
وفي مصر عندك ايقونات سياسه واعلام درسوا واتعلموا هناك
الرئيس السيسي قائد البلد اللي كلنا بنثق فيه اخد زيه زي كل رجال الجيش المتميزين دورات في امريكا وبيروحوا تدريبات مشتركه وتبادل خبرات مشترك
فياريت بس بالراحه كده عشان مانقتلش اي حد عنده مجرد حلم انه يبقي حاجه
ولماااااا تبقي مريم تنحرف بتفكيرها او ميولها او توجهاتها او تبقي ضد البلد
هايبقي البروفايل دا اول من يكتب ويهاجمها
E.E
ESLAM ELBAHRAWY
