بالصور - خطورة تأثير رامز جلال على الاطفال تظهر فى اعلان مستشفي السرطان - فريده شافت فيفي عبده !
إتكلم عن بيتك يا فندم
فريده شافت فيفي عبده !!
=======
حاجات لازم تتساب لوقتها للكلام عنها
والاعلان دا كان اهم اعلان بالنسبالى فى رمضان 2017
========
فريده
الطفله الجميله صاحبة الخمس سنوات
بطلة احد اعلان مستشفي 57357
تخطف قلبك من اول لحظه .. رقتها وجمالها وضحكتها
=========
فى وسط الاعلان بيسألوها
بتتفرجى على ايه ؟
فبترد تقول انا بشوف رامز جلال
الحلقه اللى فاتت كان جايب فيفي عبده 1
========
مش هاقول استغربت
بس الاعلان دا موجه ليكم
الناس اللى بتقول اصل رامز وفيديو الكحك والحاجات دى
علاجها او مواجهتها هى التجاهل
الكلام دا فى بيتك يا فندم لو قادر تقفل التلفزيون او تخبى الريموت
( و اشك واستحاله ان دا يحصل )
لكن فى بيوت بتتفرج
فى اطفال بتتابع
فى تلفزيون لو اتقفل .. موبايل عليه نت ممكن يتفتح كل حاجه منه
وبالتالى انا لازم اواجه
مش هاسيب موجه ماشيه لوحدها مكتسحه فى اتجاه
واعمل نفسي ميت واقول نفض هاينسوا
لا .. انتوا عشان نفضتوا فى 2011 وما قبلها
كانت النتيجه دوله بتعانى لحد الان ومغيبين كتيييير تم استخدامهم كوقود للفتن والمظاهرات والقتل والتخريب !
=======
لازم نواجه
انا لما بكتب البوست
اقسم بالله وربى اعلم بنيتى
لو ان اللى شاف فيديو الكحك دا مليون واقتنعوا بيه
وانا جيت عملت تعليق عنه .. و واحد من المليون اقتنع
انا كده كسبت..كسبت انى انقذت واحد
وكسبت ان الواحد دا لما يقتنع هايحاول يقنع غيره
وتبتدى الدايره توسع وتزيد !
==================
ماتطلبش منى اسكت
لان الحرب هات و خد
الحرب اسلحه
ماتطلبش منى ابقى بتحارب بكل الاسلحه
وعاوزنى ادخل الخندق و اسكت لحد ما يتهد فوق دماغى !
===========
فريده اتكلمت عن رامز
والاعلان اللى بعدها كان رامز قاعد مع فريده وباقى الاطفال بيتصوروا
فريده اللى عندها خمس سنين شافت حلقة فيفي عبده
اللى كان كلها تييييييييييييييييييت !! من كتر الشتيمه والقرف اللى فيها
فريده ممكن تكبر ومثلها الاعلى يكون بطل البرنامج دا
=========
كالعاده مش لازم نقول رامز عارف باللى بيحصل فى برنامجه او لا
هو طيب ولا شرير ... مش دى قصتى
انا بتكلم عن البنت و ايه اللى جذبها ووالحلقه اللى شدتها وكان كلها شتيمه
دا مؤشر ان ماعادش فى حاجه تقدر تمنعها او تخبيها فى 2017 !
وربنا يشفى فريده واللى زيها وكل مرضانا يارب :)
E.E
Eslam Elbahrawy
