هل بدأ العلم الكونى فى غزو مصر فعليا؟ - قصة اغلى قميص مصرى فى الاسواق الان واسباب ارتفاع سعره
هل بدأ العلم الكونى فى غزونا فعليا فى مصر ؟
========
بتشترى القميص بكام يا باشمهندس ؟
مم ب 150 جنيه
ب 300 جنيه
بتجيبه من توكيل ب 1000 جنيه !
طب ايه رأيك ى قميص ب 12000 جنيه !!
ومش تركى .. ولا امريكي ..
مصرى 100% !!
===========
الفكره ان فى شركة ملابس بتقدم منتجات مصريه خالصه
صممت قميص ب 12000 جنيه
والسبب :
1- عدد خطوط الكاروهات الي في القميص هي نفس عدد خطوط، الطول والعرض إلي في الكرة الارضية ودا بيديك طاقة إيجابية عالية جدًا.
2- اللون الابيض الموجود في القميص درجة لونه بتعمل على الراحة النفسية والخطوط اللي بالرمادي بتنفذ قانون تضاد العناصر مع الخلفية
3- القميص ده معالج حراريًا بألياف صناعية بتدفي جسمك في الشتاء وتسقع جسمك في الصيف
==========
هاتقولى ان الكلام دا ممكن مايكونش صحيح
هاقولك مايهمنيش صحته من عدمه
انا يهمنى الفكره اللى كلمتكم عنها مؤخرا
انتشار فكرة دروس الطاقه وملابس الطاقه ومأكولات الطاقه
وبدأ الاهتمام بالطاقه الخفيه وما يدور حولها
و دا يودينا لموضوع مهم جدا ماكنتوش بتصدقوه
الرسومات الموجوده على الملابس
فمثلا زى ما عملوا قميص فيه خطوط مرتبطه بخطوط الطول ودوائر العرض عشان الطاقه الايجابيه
ليه مش عاوزين نصدق ان فى ملابس بتتعمل وعليها رموز الدجال لنشر الطاقه السلبيه
========
الموضوع اصبح مهم ويجب دراسته
العلوم الكونيه والفلك والطاقه وانتشارها فى الملابس والاكسسوارات
شوف الشباب فى سن 16 وما فوق
كل واحد لابس فى ايده خاتم جمجمه واللى لابس خاتم التنين
واللى لابس الخاتم الفضه وفيه القطعه السوداء لانه عارف انها بتمنع الشر
وبناء عليه خلى بالكم لان نشر طاقه سلبيه مش محتاج يتعمل عمل للشعب كله
يكفى اننا نبقى راكبين مواصله واحده و جوا العربيه خمسه او سته لابسين تى شيرت عليه صورة شيطان او لفظ مكتوب بلغه غير مفهومه وتطلع طلاسم فى الاخر !
E.E
Eslam Elbahrawy
