بالصور - السبب الحقيقي وراء الهجوم الشرس على محمد صبحى بعد زيارته لسوريا - صوره واحده كشفت كل شىء
يا استاذ .. اوعى تقول ان مفيش مشكله خالص
المشكله .. فى العلمين دول !!
========
محمد صبحى بقى خاين وعميل وبيقبض فلوس واخيرا شيعي
مش لانه راح سوريا وحضر مهرجان
ومش لانه تم تكريمه لانه فنان مصرى محترم
ومش لانه تم تكريمه بسبب برنامجه اللى فى حلقه من حلقاته جمع فيها اسره سوريه كانت فاقده بعضها
ومش لانه اتكرم من وزير الثقافه السورى
ومش لانه اتصور صور .. وكان وراه صورة بشار الاسد على الحيطه
لا....
محمد صبحى بقالى يومين بيتعمل عليه حفلات بسبب الصوره اللى قصادكم دى
لان محمد صبحى حط علم مصر .. بجوار علم سوريا
عشان محمد صبحى ماحطش علم المعارضه السوريه
عشان محمد صبحى ماحطش علم حلف الناتو
عشان محمد صبحى ماحطش علم جبهة النصره واحرار الشام
عشان محمد صبحى رفع علم سوريا اللى تابع لها الجيش العربى السورى
عشان محمد صبحى هو الفنان الوحيد فى العالم العربى اللى فضح الماسونيه والتقسيم فى مسلسل فارس بلا جواد من سنين السنين قبل نكسات الربيع العبرى
عشان محمد صبحى كاره التقسيم والدم
عشان محمد صبحى كاره التدمير والخراب تحت اسم الثورات
============
انا بحب محمد صبحى
وبحترم محمد صبحى
وبحترم مواقفه
على الرغم من اختلافى معاه كتيرررر فى بعض الاراء السياسيه داخل مصر !
الا انه مازال بيكتسب احترامى له ولمواقفه
الى ان يحدث ما يغير ذلك !
===========
بالمناسبه منعا للهرى
لم يتم دعوة محمد صبحى من قبل بشار الاسد
لم يقابل محمد صبحى بشار الاسد
لم يزور محمد صبحى اضرحه شيعيه
لم يزور محمد صبحى قاده شيعه
لم يرتدى محمد صبحى ملابس الشيعه
انا اتحدث عن محمد صبحى ..
وليس عن هؤلاء الفنانين الاخرين
الذين سافروا للعراق وزاروا الاضرحه الشيعيه
و ارتدوا ملابس ميليشيات الحشد الشعبى الشيعيه فى العراق
امثال حنان شوقي واحمد ماهر وفاروق الفيشاوى
وهم من أشك بالفعل كوجهة نظر شخصيه انهم متشيعين
ولكن ...
سأختم المنشور بكلمه قالها محمد صبحى ردا على الهجوم القائم عليه
( لقد زرت سوريا .. لم ازور اسرائيل ) !!!
========
مصر وسوريا ايد واحده
مصر ترفض تقسيم سوريا
مصر ترفض خراب سوريا
مصر ترفض هدم الجيش العربى السورى
E.E
Eslam Elbahrawy
