تحليل لقاء عمرو اديب مع زبيده - ملاحظات غير مريحه
تحليل بسيط ورساله لعمرو اديب والدوله فى موضوع زبيده
اعلم ان الكثيرين تحدثوا ولكن العبد الفقير الى الله عنده شوية ملاحظات
==========
✅☑ اولا يعلم الله ان الكلام دا انا كاتبه على الكمبيوتر فى ليلة عرض لقاء عمرو اديب مع البنت وقبل ما تنكشف اى حقايق فى الايام اللى بعد كده
✅☑ ثانيا تعالوا نفند شوية حاجات سريعه كده
1️⃣ ازاى تأمنوا مكر اى اخوانى وتصدقوه
2️⃣ لحد امتى هاتفضل الدوله ايدها مرتعشه وبتستخدم اسلوب الطبطبه وتتحمل اساءات واشاعات دوليه خوفا من قرير فى قناه !
3️⃣ الحوار كله كان غير مقنع بالنسبالى
لان هل من المنطقى ان فى ام بقالها سنه بتقول بنتها مختفيه والداخليه ماتعرفش كلام الام وعرفوه بالصدفه من تقرير القناه ؟
4️⃣ هو انتوا كنتم مصدقين البنت وهي عامله فيها خضرا الشريفه وبتقولك احنا مش اخوان ولا حتى متعاطفين .. انا بس انا وامى كنا بننزل وخلاص .. دور نبيله عبيد فى فيلم توت توت وهى هبله وعامله نفسها من الهند وراكنه الفيل برا .. ماكانش داخل عليا خالص بصراحه
5️⃣ ليه عمرو اديب واللى لقنووووه الحوار وقالوله تقول ايه وماتقولش ايه اتعامل مع البت الاخوانجيه انها ضحيه وخلانا طلعنا فى شكل المتهم اللى بيحاول يبرأ نفسه
الامر كان يجب اننا نظهر اكثر حزم ويكون دا معكوس على كلام المذيع .. ويقولها فى غلط حصل بسببكم وجايز يكون فى عقاب..مش كل شويه يقولها ماتخافيش..صارحيني..قوليلي.. زى ما يكون خلاص التهمه واقعه وبنحاول نقول للعالم والنعمه ما عملنا حاجه .. اسلوب هش وضعيف
6️⃣ اصرار عمرو اديب على استغفالنا ويقولها خلاص يا بنتى م هاضغط عليكي وتقولى سبب خصامك مع امك ايه ... كل ام بتخاصم بنتها.. ياعم ماتقولها انتوا عاملين فيلم انك هربانه من امك ومتخاصمين بسبب كده وكل دا مش حقيقي
هو فى واحده اخوها يعرف انها متجوزه ومخلفه ومخبى على امها
وغير دا كله بيتواصل معاها عادى
يعنى اختى تهرب وتتجوز من ورايا .. وانا اقولها برافو يا بيبي
دا ايه الاخوات القمرات الرجاله دول !
7️⃣ البت متلقنه كويس ..
انا مش اخوان.. انا لما اتحبست ..اتحبست مع الناس اللى اسمهم اخوان .. سيدات الاخوان ماعلمونيش حاجه فى السجن دا كانوا بيقروا قراّن ويصلوا بس !
كان ناقص تقول الاخوان وستاتهم ملايكه تحلق بجناحات من نور
8️⃣ ماجاش فى بال اى حد فيكي يا دوووووووله
ولا فى دماغ المذيع الماهر
ليه بعد سنه بس اتعمل الفيلم دا ؟؟؟
ليه مش بعد اختفائها ب 3 شهور او ست شهور ؟
ببساطه لان الفيلم دا اخراجه كان له وقت معين
وزبيده كانت حاااامل .. ماكانش ينفع نعمل الفيلم دا دلوقتى
زبيده كانت هاتتجاب ويتعمل معاها لقاءات وبتاع وهى حامل
لا..احنا نخليها تولد بالسلامه و ترم عضمها بفرختين شامورت
وبعدها ننفذ الفيلم بتاعنا
نجح..زبيده بقت بطله
مانجحش.. زبيده تعمل فيلم وتقول هربانه من امى بسبب قصة حب عنيفه
9️⃣ جوز البت دى .. انا مش فااااهم ازاى وانتوا بتتفرجوا كنتوا بتسمعوا بس الصوت...ازاى محدش فيكم كان مركز على حركات جسمه ..ارجوكم هاتوا الفيديو وركزوا كووويس على ايد و رجل جوزها .. من كتر الغضب والعصبيه اللى جواه وغيرته على الاخوان كل ما عمرو اديب يجيب سيرتهم..كان بيهز رجله وايده لدرجة ان ابنه كان على وشك انه يقع من ايده
واللى كان بيحصل منه كان لا ارادى ماقدرش يخبيه
ارجوكم شوفوها تانى
🔟 كان واضح ان اللى ملقن البت الكلام قايلها اعملى زى ما حصل فى تقرير البى بى سي حاولى محدش يعرف انك اخوانجيه خااالص...
عمو اديب يقولها اتمسكتى ليه؟ تقوله مظاهرات كده فى عبد المنعم رياض
طيب مظاهرات ايه؟؟ تقوله ساعة الدستور
يقولها كنتى ضد الدستور؟ تقوله ساااعة الدستور
لف و دوران و خبث .. اى عيل صغير هايفهمه
1️⃣1️⃣ اخيرا نظرئة مؤامره بقى شويه
لما تفتحوا الفيديو تانى ابقوا دققوا فى ملابس جوزها كده والوانها !
** اما بالنسبه لمهنية عمرو اديب .. كان من الغباء المحكم انكم تنزلوا الفيديو الحصرى للعالم كله بدون ترجمه وبعدها ب 24 ساعه تترجموه..كان لازم يتم ترجمته من اول يوم عشان اللى شافه مره بدون ترجمه مش هايشوفه تانى وهايزهق !
** ومازلت مش مقتنع ان البت دى كانت هربانه بدون علم امها
ومازلت مش مقتنع ان البت دى وجوزها مش اخوان
ومازلت مش مقتنع ان جوزها عضو الحريه والعداله ابتعد عنهم
ومازلت مش مقتنع ان تصميم الام بعد كشف الحقيقه وتورطها فى فضيحه كاذبه قد تضرها قانونا وبرضو بتتواصل مع قنوات الاخوان وبتتحدى..يبقى دا وراه فلوس كتير اوى
واخيرا اخيرا اخيرا
عقلى مازال رافض يستبعد فكرة ان بعد اسبوع اتنين شهر
زبيده وجوزها يطيروا على تركيا
ومن هناك هانشوفهم مع معتز مطر وهما بيقولوا عكس كل كلمه اتقالت هنا !
E.E
Eslam Elbahrawy
