بالفيديو والصور - رساله عاجله لمحمد صلاح - احذر فيديوهات شباب الاخوان فى تركيا بها سم قاتل
رساله عاجله لمحمد صلاح او من يعرف احد من عائلته
لا تقبل الفيديو .. فيه سُم قاتل
و لى الشرف ان دا الفرق بيني وبين مشاهير كتير على السوشيال ميديا !
===============
لما تكون بتحب حاجه بجد
خصوصا لو بتعملها بدون مقابل ولوجه الله
ربك بيكرمك دايما
الحمد لله عمرى ما شكرت فى نفسي
لكن انا المره دى هاشكر بصراحه
لان عندى الحاجه اللى لو اهتم بيها كل مشاهير السوشيال ميديا
خاصة المشاهير والمحللين السياسيين .. كان الوضع بقى افضل
وكنا اترحمنا من الاشاعات والفبركه من اجل اللايك والشير فقط
التدقيق والبحث ورا كل حاجه .. ومش دايما الهدف هو اللايكات
=============
ايه حكاية الصور والفيديو اللى فى البوست دا ؟
الحكايه كلها ..
انى دخلت يوتيوب .. وجدت فى المقترحات فى الصفحه الرئيسيه فيديو مدته 8 دقاق لشاب مصرى فى تركيا .. بينزل ميدان ويرفع صورة صلاح ويشوف رد فعل الاتراك
لما تفتح الفيديو هاتنبسط اوى.. بل هاتعمل زى ما انا عملت كمان
هاتحمــــــــــل الفيديو ..واحتمال ترفعه لمتابعيك على صفحتك عشان يعروفا مدى حب الاتراك لمحمد صلاح ومدى تأثير محمد صلاح فى بلد عايش فيها ثعابين الاخوان المسلمين !
=============
حملت الفيديو... واتفرجت عليه تانى على جهازى
وبعدين وجدت حاجه قد تكون عاديه ... وقد تكون ملفته
ان الشاب اللى عامل الفيديو كل شويه يقول لمحمد صلاح انت لازم تشوف الفيديو وتنشره على صفحتك ... !
ممكن تقول الراجل عاوز يتشهر ولو محمد صلاح نشر الفيديو بتاعه اكيد هايتشهر
لكن انا ماكنتش مستريح...
وبعد ما كنت بعمل ابلود وبرفع الفيديو عشان تشوفوه
قررت انى ابحث شويتين كمان !
وهاتسألنى ليه قررت تبحث ؟
هاقولك عشان اى حاجه جايه من تركيا بتحسسني بالقلق
والبحث كانت نتيجته مفاجأه
===============
بعد البحث والتقصي
لقيت قناة اليوتيوب بتاعت الشاب دا كلها فيديوهات عاديه لشاب مصرى عايش فى اسطنبول
زودت جرعة البحث و ضربت كوبايتين القهوه
لحد ما قدرت اوصل لاكونت الانستجرام بتاع الشاب دا
ولقيت الصور اللى قصاد حضراتك
الشاب اسمه محمد عيد طلبه
من محافظة السويس
عايش فى اسطنبول
و دى صور من اكونت الانستجرام بتاعه .. طبعا بعد ما رجعت لسنين وسنين وشوفت البهاريز المستخبيه
الاولى :اغطس 2016 رافع علم رابعه وكاتب انها نقطه تحول فى حياته
الثانيه : مايو 2016 .. علم رابعه ومكتوب يا شعوب العالم اتحدوا
التالته : مايو 2016 .. رافع علم رابعه فى مظاهره
============
قولتلكم من ايام ان محمد صلاح اصبح هدف
وتدميره بالنسبه لجماعة الاخوان هايتم من خلال طريقين
اما تشويهه و خلق الاشاعات عليه
او .. انهم يخلوا المصريين يكرهوه بإعتقادهم انه اخوانى
وانتشار الفيديو دا .. قد يساهم فى الطريقه التانيه
لان الخوف كل الخوف الفيديو يوصل لمحمد صلاح او حد من اسرته
وينشروه على سبيل انه فيديو جميل
والاخر يطلع صاحب الفيديو الاخوانى يقول ان صلاح واسرته دعمونى وشافوا الفيديو بتاعى !!
===========
انا بحثت ونشرت
والباقى على الله وعليكم
خصوصا ان الفيديو زى ما قلت بدأ ينتشر
وأتمنى لو البوست دا يوصل لصلاح او حد من اسرته اللى انا عارف انهم بيتابعوا كويس اووووى السوشيال ميديا
#محمد_صلاح
#mo_salah
#mosalah
E.E
Eslam Elbahrawy
