حقيقة العالم - مدونة إسلام البحراوى: عاجل - بالصور رساله لقناة المحور ومحمد الباز - هذا هو عمرو خالد الاخوانى صانع الارهابيين

عاجل - بالصور رساله لقناة المحور ومحمد الباز - هذا هو عمرو خالد الاخوانى صانع الارهابيين - كل كلمه موثقه بالتاريخ والصوره

فى البدايه لى رجاء وحيد

وهو التفاعل من المصريين المحترمين الذين اشعلوا السوشيال ميديا رفضاً لعرض برنامج الاخوانى عمرو خالد على قناة المحور

صاعقة اذاعة عمرو خالد على المحور اثارت حفيظة الشعب المصرى

بالامس .. فى برنامج 90 دقيقه الذي يقدمه الصحفي محمد الباز

وجدت ما جعلنى اضرب كفاً على كف

كان يدافع عن ظهور عمرو خالد

وانه ليس اخوانى وان الازهر يحارب ظهور عمرو خالد خوفا من شعبيته !!

وانه كان سيقوم بعمل لقاء اليوم مع عمرو خالد فى الحلقه ولكن تم منعه من الظهور من جهات ما !

================

اولا لمن يريد مشاهدة الفقره ويسمعها بنفسه

===============

ثانيا .. من هو محمد الباز

محمد الباز صحفى اخبار صفرا.. من ايام الرئيس مبارك

محمد الباز يوم تنحى مبارك خرج على قناة روتانا مع هاله سرحان

وخلق قصه بوليسيه انه الصحفى الخارق .. المفتش كرومبو

وقال انا كلمت مبارك على رقم القصر الجمهورى

لكن لانهم كانوا خايفين من الثوره والثوار

حولوا رقم التليفون على بيت واحده عجوزه فى منطقه سكنيه ما

لما ترن على تليفون مبارك..الست دى هى اللى ترد

دى يعنى قصه من قصص البطل الخارق محمد الباز !

====================

ثالثا ....

بالامس الاخ محمد الباز قال فى فقرته الاتى :

1- عمرو خالد مين قال انه اخوانى

2- انتوا بتهاجموا قناة المحور .. عشان طلعت شجاعه و اذاعت البرنامج

رغم ان البرنامج كان هايتعرض على قناتين كبيرتين وتم منعه من العرض بضغوط ما

3- الازهر بيحارب عمرو خاااااااااالد

4- الازهر خايف من عمرو خالد وشعبيته

5- الازهر عاجز يطلع دعاه فعاوز يستخدم نفوووذه لمنع ظهور اى داعيه اخر

6- شوفوا دى بقى ...

هل تم عمل تلك الضغوط على قناة المحور عشان يمنعوا عرض البرنامج

لان شيخ الازهر غيرااااااااااااان من ظهوره

ولان الشيخ على جمعه له برنامج والشيخ على جمعه يمثل الازهر

لكن عمرو خالد له حضور اكبر منه .. ف هايدفن برنامج ممثل الازهر

وبرنامجه هو اللى هايبقى كويس ؟؟

7- اخيرا.. قال..................................؟

يا جماعه احنا بنحارب الارهاب

ومحتاجين داعيه شاب الشباب بتحبه عشان نعدى المرحله دى

وعمرو خالد مثال لذلك

وقال كمان ان الاخوان احنا عملنا عليهم ثوره عشان كانوا عاوزين ينفردوا لوحدهم بالبلد

فبلاش احنا نمنع الاصوات الاخرى

عشان مانبقاش زى الاخوان

8- وختم كلامه ان قناة المحور مش بتذيع البرنامج عشان السبوبه ههههههههه

==============

العبد لله يريد توصيل رساله لمحمد الباز

ليفضحه امام الجميع

هذا هو الاخوانى عمرو خالد وبالدليل

اتهاماتنا له ليست حديثه .. بل هى قديمه جدا

واتمنى وارجوكم ان يصل هذا المنشور لهذا الصحفى او لقناة المحور

==================

1- عمرو خالد وصناع الحياه ولوجو الجمعيه الصهيوني ومسئولى الجمعيه المنتمين للالتراس

البدايه كانت فى فبراير 2014

ثم وجدت اهتمام من موقع البوابه نيوز بنشر الخبر

وقامت بنشر الخبر وفيه المعلومات التى قمت بطرحها

رابط الخبر

http://www.albawabhnews.com/423142

==================

2- ثم فوجئت بعدها بأيام

بشخص يسمى علاء العايدي يرسل رسائل السب والقذف والتهديد بسبب ما نشرته عن لوجو المنظمه

واتضح ان هذا الشخص هو مسئول جمعية او منظمة صناع الحياه فى الشرقيه

وهو احد الذين ظهروا فى الصوره التى عرضتها لبانر الجمعيه وكانت تشبه علم اسرائيل

فقررت البحث عن هذا الشخص

فوجدت انه اخوانى .. ساند ما يحدث فى رابعه

ينشر منشورات تهين الجيش والشرطه وايضا هو مع الالتراس ويساند العنف

وينشر على صفحته منشورات تدعم التسليح و الهجوم المسلح من الاخوان على الجيش والشرطه

واهتمت البوابه نيوز ايضا بنشر بحثي .. موجود فى الرابط التالى

http://www.albawabhnews.com/427759

وتلك بعض الصور التى عثرت عليها عندما جمعت معلومات عن مسئول جمعية رساله فى الشرقيه

=======================

3- ثم .. ولله الحمد كنت احد اسباب اقالة عمرو خالد من حملة ( اخلاقنا ) بقرار من وزير الشباب والرياضه بعد ما عرضته من تفاصيل عن ضلوع عمرو خالد وشباب جمعيته فى الانتماء لجماعة الاخوان المسلمين

وفى فبراير نشرت البوابه نيوز تعليقى على هذا الخبر :

رابط الخبر

http://www.albawabhnews.com/1762375

وقال إسلام البحراوي: "عمرو خالد إخوانجي بالدليل، بوست بتاريخ 28 فبراير 2014، لا مش بس كدة، أنا هاضيف هدية بسيطة وأضرب عصفور كمان بحجر واحد، وهاثبتلكم أن الأولتراس = إخوان، بصوا في الصور وتابعوا البوست هاتعرفوا إن الإخوانجي اللي بنتكلم عنه، عضو في جماعة الأولتراس!!".

وتابع "البحراوي": "قصة جمعية صناع الحياة الإخوانية التابعة لعمرو خالد، وعلم إسرائيل!، في فبراير 2014 نشرت صوره لعلم أو شعار جمعية صناع الحياة في ههيا في الشرقية، وقلت غريبة إن من بين كل التصميمات، الجمعية تختار تصميم علم يشبع علم إسرائيل!"، مستطردًا: "بعد ما نشرت البوست وتعليقي على شعار صناع الحياة بتاع الشرقية اللى يشبه علم إسرائيل لقيت المسئول عن صناع الحياة في الشرقية واسمه علاء العايدي بيكلمني باعتلي رساله يشتمني وكلام كتير أغلبه سفالة!".

وأكمل "البحراوي": "ثم يشاء القدر أن الواحد يبحث ويبحث ويبحث، واكتشفت أن الأخ علاء المسئول عن الجمعية إخوانجي، وقدرت أوصل لصور له وهو في رابعة وصور وهو في مظاهرات رافع فيها شعار رابعة!، وصور وهو بيدعم عنف الأولتراس لأنه واحد منهم!، وقتها بصراحة قلت الشكر لموقع "البوابة نيوز" اللي تابع المنشورات عندي، وهاتلاقوا صور الأخ المسئول عن صناع الحياة في الشرقية وهو في مظاهرات الإخوان بإشارة رابعة!".

واختتم "البحراوي": "دى هدية كدة بسيطة عشان نكمل بيها ملف عمرو خالد، عشان لو فعلًا وزير الأوقاف مايعرفش بلاويه وقرر يسند له دور في حملة أخلاقنا، أنا بقول للسيد وزير الأوقاف والسيد وزير الشباب والرياضة، عاوزين إيه تاني أكتر من إنه اعترف صوت وصورة أنه إخوان، وأنه ساعد الشباب للوصول إلى ليبيا لتدميرها وساند الإرهاب المسمى بالثورة في ليبيا، وكمان جمعية صناع الحياة الخاصة به وتحت إشرافه كلها إخوان بالصور، بصوا واهتموا بينا شوية.. هاتكسبوا مش هاتخسروا".

========================

4- ثم استمرت قناة المحور فى تحدى الشعب المصرى

وتلك المره كانت فى يوليو 2015

#اعلام_العار

انا خدت الصوره دى يوم احداث سيناء الاخيره

الساعه 6 المغرب ...

جنودنا كانوا بيستشهدوا

وقناة المحور بتذيع برنامج للاخوانى عمرو خالد

والاخر ....

حدثنى عن اعلام محترم وبيقف جنب بلده؟

كله بتاع سبوبه .. كله بتاع مصالح

الاعلام الجميل دا

هو نفس الاعلام اللى يوم استشهاد النائب العام ماقدرش ياعينى يعمل حداد 3 ايام ..عشان مايخسرش فلوس الاعلانات والمسلسلات ... واكتفوا بيوم واحد فى فضيحه كبيره اتكلم عنها ناس كتير ...